Wednesday, February 17, 2010
السلام ..
ضايق خلقي وبطني يعورني وبسولف عساس انسى العوار :\
الله يسلمكم قبل فترة تقريبا جريب الشهر رفيجتي طلبت لنا قهوة بالدوام من مكان جنه اسمه دلة الضيافه..
ومعاه تمر رفيجتي تقول العادة ايبون شغلات اكثر معاه ..

حصيلتي انا مااحب القهوة بس ذقتها عن خاطر ماي فريند واي مره خخخ بس البنات استانسوا عليها ومدحوها ..
التمره عجيبه لذيذه حبيتها اهي مغطينها بككاو ومن داخل جنه رهش ومابقى بنت ماخليتها تذوقها طبعا من اللي مثلها بالصحن ما سوينا شروكه بتمرتي خخخ..

القهوة عيبها يبلها اسس وقواعد ..
1- الدله تنمسك باليسار والفنيال باليمين اذا مديتي الفنيال باليسار مايخذونها منج :\ احسن اوفر خخ..
2- رفيجتي قالت لي لي مديت لج الفنيال ورديتيني ماخذيته اكته بحضنج وي قلت لها زين قلتيلي عساس لي زرتكم اخذ معاي تنوره سبير :\
3- البدو يفضلونها تكون شويه مو ترس الفنيال لانه اذا ترسته اذا ماخب ظني جنه تطرده << عمي وهق اختي خخخ..
ومره حطت لخالي شويه جان يقولها شنو خلصت القهوة خخخ.. >> اختي تعقدت ..
4-لي خلصتوا لازم تهزون الفنيال ع قولتهم مادري باي مسرحيه (هز الفنيال وقول بس ) ..
طبعا الموضوع اجتهاد شخصي فالغلط وارد و بشدة فاي غلطة تحصلونها ياريت تنبهون عليها ..

34 comments:

سمو الأميرهـ ..ツ said...

مرحبا رورو ..
عاد تدرين عندنا يقولون منقوود البنات يشربن القهوة ..
لكن أنا أشربها ..
خصوصاً إنها تريح الراس

:d

أما عن إنه ما نترس الفنيان كله .. خخخ أنا كنت أترسه لين ما قالوا لي لا ترسينه
فعلا الواحد يحتار!! ..
أخاف لو حطيت شوي
يقولون بخيلة..!!
و لو وايد
تعتبر طردة مثل ما قلتي!! ..لووول

***

بووووست عجيييب ..

تسلم يمنااج حبيبتي :)

رورو الشخبوطه said...

هلا والله سمو..

خخ بعد كلشي لا لا لا ماسوت علينا انه صرنا بنات خخخ..

انا ماحبها القهوة بس لو يقولون لاتشربينها لانج بنت بعاند واشربها ..

و من ناحيه ترس الفنيال فرق بين البدو والحضر كل واحد عنده طريقه واحنا نحتار :\

مرسي ..

الله يسلمج يارب..

وحياج الله..

BookMark said...

صح هذي عادات شرب القهوة

واحنا كله تارسين الفنيان عبالنا كرم

واذا صبينا باليسار ايدنا ترجف

شنسوي يالله ولا ينقدون علينا

^_^

<< مدمنة قهوة

بو ذياب said...

لووول
بنيتنا انه اشقايل لج عن الاكل :) غيري اسم البلوق الى اسم البوفيه ...
***
وفشلتونا مو عارفين تصبون قهوه عيل بجر بمقرج الانتخابي شنو بسوين ..
وهم بالعافية

شاي الضحى said...

احب القهوه العربيه

بس ما احب التمر

ما احب سالفة القهوه وشلون يصبونها ولها طرق صبي وخلاص هههههههه

واختج ابتلشت

انا كله اترسها بقعد كل شوي اصب من له خلق

:q

Engineer A said...

ضحكتني سالفة " هز الفنجان وقول بس" هههههه

mazyona said...

ههههههههههههههههه
تسلمين
شهيتيني بالقهوه

ميمة السبيت said...

** سلامات ماتشوفين شر تدفي و حطي مطارة ماي حار على بطنج

- القهوة العربية مليقة احسها ماي حار مافيها طعم غير التركية عجيبة

رورو الشخبوطه said...

هلا بوك..

خخ احس مافرقت اذا ترسنا او لا ..

يمن لانه مو متعودين انا رفيجتي عصماويه ومثل حالتنا تخربط خخخ..

مانصب لهم قهوة اذا تطنزوا :)

عليج بالعافيه يارب :)

يبيلج دله الكترونيه بروحها تصب :)

وحياج الله..

رورو الشخبوطه said...

هلا اونكل بو ذياب ..

خخخ لا خخ حسستني اني مشفوحه وماعندي غير الاكل هذي صور قديمه قلت انزلها بدال لاتتكود وفي بوست كنت بترسه صور اكل بس مالقيت صور منه بروح اكل لي جم كتاب وانزل بوستات عنهم :)
..

وي مرشحه عمري وخاب نفسي انا اصب القهوة لا بمقري ماراح ايب اكل خخ جعصه بوفر مو انت تقولي بسج اكل :)

الله يعافيك يارب..

وحياك الله..

رورو الشخبوطه said...

هلا جايونه ..

عكسي عيل خخ..

اي والله بس الصبي لازم تدخلينه دوره..

المسكينه وماتوب لو انا ماصب بعد ..

خخ زين تسوين :)

وحياج الله خيتو..

رورو الشخبوطه said...

هلا انجو..

حياج الله..

رورو الشخبوطه said...

هلا مزيونه..

الله يسلمج ..

وشهوة العافيه يارب..

حياج الله..

رورو الشخبوطه said...

هلا ميمه..

الله يسلمج والشر ماييج يارب بعد عمري اخيتي..

لا غبت وصرت زينه خخخ..

انا ماحب القهوة بكل انواعها افضل الهوت جوكلت ..

ومشكوره..

وحياج الله..

ba6alah said...

matshofen shar o inshallah etro7 el thega

Om Hrooby said...

ويي حتى انا ماحب القهوة ذقتها مره بس وانا بقطر عشان خاطرهم ..وخواتي كل وحده تقول هذا اخف وفيه طعم وتفلسف يعني ..انا اشوفه شي ماله طعم ..والناس اذواق ...
وبصحة وعافيه عليج ..شوقيني خاطري اذوق حلو التمر هذا ^^

بس قوانين القهوة الصراحة ...عيب تعطين القهوة باليسار ..واذا بغيت زياده تعطي الفنيال عادي واذا مابغيت هز الفنيال
عباله كل ها عشان نشرب قهوة خخخ

Sn3a said...

انا من دوامت البنات علموني عالعربيه والتركيه
كان حدي لاتيه وموكا:p

بس صج انا ايننوني لما امسك القهوه حق اهلي
ماتسوى علي
واحد يمين واحد يقول ماتعرفين تصبين
زين قومو صبولكم مو احسن
;p

رورو الشخبوطه said...

هلا اخوي بطالي ..

الشر ماييك يارب..

ومشكور..

رورو الشخبوطه said...

هلا ام حروبي..

الله يعافيج يارب ..

اي والله خخ يبيله يضيفون هالشي بالمناهج :)

وحياج الله..

رورو الشخبوطه said...

هلا سنعه ..

انا علموني ع الهوت جوكلت خخخ..

اي والله ماحب اللي يتفلسفون اخذوا وانتوا ساكتين :)

مايشجعون كلش..

وحياج الله..

Crazy Girl in aGood Way said...

شهيتيني على التمر وداخلها رهش والا القهوة العربيه مااحبها .......

خيتج تحب الشاي حليب والشاي الاخضر ههههه

شكرا

رورو الشخبوطه said...

هلا كريزي..

عاد لذيذ قاعد ادور شي مثل طعمه مو لاقيه :\
ومثلي ماحب القهوة..

الجاي الاخضر احبه لانه مفيد بس مو اي نوع حلو ..

العفو ولو..

حياج الله..

Made n Q8 said...

امووت عالقهوة توني شاربه خخخ

ناايس

عليكم بالعافية

رورو الشخبوطه said...

هلا مدمد ..

بالعافيه يارب..

ومرسي ..

خدمات البحث العلمي said...

ولا تنسين بعد من قوانينهم

اذا صبيتي قهوه لاتعبين الفنجال ولا ترى يطشونه في وجهك


قوانين معقده

رورو الشخبوطه said...

هلا مبدعه..

وي ماتوقعت بتكون ردة فعلهم جذي لو يسونه فيني الله لايقول اهف بالدله ..

ومشكوره ع التوزيح..

وحياج الله..

كوكتيل said...

لا عزيزتي معلوماتك صحيحة لا تحاتين

وبالعافية يارب

رورو الشخبوطه said...

خخ تذكرت لما كنتي تقدمين بيوم ميلادج العام :)

ومشكوره ع القهوة..

والله يعافيج يارب..

Anonymous said...

لووووول ذكرتيني بعمتي !!
لما زارتنا مرة قلت خل ارز نفسي و اصب لها القهوة .. مشكلتي مااعرف اشيل الشي الثقيل بايدي اليسار فشلت المطارة باليمين و الفنجال باليسار و اهي تخزني طول الوقت و لا بعد ترست الفنجال حده و قدمته لها و هزأتني خخخخخ قلته لها والله مااعرف .

رورو الشخبوطه said...

هلا حنون ..
وي ماسوت عليج خخ..

وحياج الله..

ماميتا said...

مرحبا رورو وبالعافيه ..ليت والله عندنا كذا نكلم ويرسلون لنا قهوه وين ماكنا ...
شكلي بابتدي بالمشروع خخخخخخ
...

رورو الشخبوطه said...

هلا والله ماميتا..

الله يعافيج يارب..

اي ماشاءالله حلوه الفكره..

خخ سويها وبلغينا النتايج..

وحياج الله..

habbosh said...

hii dear momkin ragim dallat eltheyafa shawagteeena

رورو الشخبوطه said...

هلا والله habbosh ..

اي اكيد ..

وسوري ع التاخير توني خذيته من رفيجتي ..

94944717

وان شاءالله تجربينه ويعجبج..

حياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads