Saturday, February 13, 2010
السلام ..


من المشاكل البشره المنتشره اهي الرووس السودا << خخ لاحظته بويوه رفيجاتي و خواتي وحتى امس جيكت بويه اخوي فيه يعني مشكله تحوش الجنسين ..


واهي تطلع ع الخشم واليبهة والخدود والحنج << خلص الويه شبقى :s




*لصقات


اشهر الحلول للتخلص منها اللزقات او الصقات ومتوفره بكل مكان جمعيات مركز السلطان ولولو هايبر وكارفور و بوتس ..



لزقة اليبه شكله حلو اللي استخدمتهم كلهم مستطيلين :\ ماعمري شفت مثلثه ..


جربت اكثر من نوع :
هالنوع اعتقد جربته مرتين واذا ماخب ظني اول مره جربته ب2007 قبل عرس اختي وحبيته مفعوله حلو ويوخر عدل ..


هذا اختي مجربته وماحبته وامس يابتلي اخر قطعه منه وحطيتها ع حنجي ولما شلتها ماحس شلت عدل:\ لانه ماتغير شي.. (الشريح كانت للحنج او اليبهة)


هالنوع احبه عندي منه شكلين العادي وبالفحم وتقريبا مثل النتيجة وساعات احس الفحم احسن بشكل بسيط..










هذا تونا ماخذينه من كافور ماجربته لي الحين بس اختي مجربته وتحبه ..





هذا حاطته بلستتي مادحته لي جايونه باخذه عقب ماخلص ملوتي ان شاءالله..




مافي للخدود ؟؟
* كريمات :

وفي كريمات اختي خذت هالست من روك انا جربت الغسول مرتين بس بروحه ولا اول مره كنت مستخدمته غلط سو ماقدر احكم عليه بس اختي تقول عادي ماتغير فيها شي :\ و اول ماستخدمته طلع بويها بقع حمر اعتقد انهم من التونر ..




وطبعا في من ماركات 2 بس هذول اللي مروا علي وجربناهم :-
*اجهزة:


وانا احوس لقيت معلومات وايد منها انه البخار مفيد لعلاج هالمشكله او بالاحرى تخفيفها و يكون البخار اما من هالجهاز ..







او بجدر تحطون فيه ماي وتسخنونه وتغطون راسكم بفوطه بحيث البخار مايتسرب بس لاتلزقون فيه سواء الجدر او الجهاز لانه مو زين احتمال الله لايقول تحترق بشرتكم ..


والفايده منه يسهل ازالتها ويفتح المسام ..


نصايح حول استخدامه بشكل صحيح :


http://www.aloathan.com/vb/t6935/



*ادوات :

احب خرابيط اليابانين يبيله دايسوا :)


هذا مثل الفوطة ..



وفي نفس الفكره تقريبا بس شكله بلاستيك ..





هالاداة ماستخدمتها بس احس مشهوره ..











وهم اخاف من هالسوالف واحس يعورون يبيلهم طريقه معينه مو اي احد يقدر يستخدمهم صح ..


هالصوره تبين طريقتها ..






*محظورات:


- لاتعبثون فيهم ..

- لاتحاولون تشيلونما باظافركم لانها وصخه واحتمال تزيد البكتيريا.

-لاتعصرونها لانه المشكله احتمال تتفاقم وتصير بدل لانعالجها تتحول لي دمامل ..


*طريقتي :


اول شي اغسل المنطقه و احط غسول من كلين &كلير ..





2- عقب احط لزقه ..




ولما اشيلها (انتبهوا هالمعلومه توني بلشت اطبقها اختي قالت لي عنها اول كنت اشيل ع عماي اذا عورني صوب اروح للثاني المهم لما تخلص المدة وبتشيلونها بلشوا من الطرف بعدين انتقلوا لل2 ليما توصلون للنص مو تشيلونها من اليمين لي اليسار مره وحده لا كل جزء شويه ليما المركز ان شاءالله قدرت اوضح لكم المعلومه).

3-واخر شي امسحه بتونر اللي اهو قابض المسام من كلين اند كلير عساس اسكر المسام لانه عقب ما وخرنا الرووس السودا بتكون مسامنا مفتوحه فهالخطوة ضروريه ..





واخر شي بحط لكم روابط استفدت منها بخصوص هالموضوع :(فيهم نصايح مفيدة)






واهم شي الاستمرار ولي استخدمنا بشكل دوري ع اقل كل اسبوع احسن ..


وجان زين تفيدونا بتجاربكم او تجارب اللي حولكم ..


تذكرت طريقة رفيجتي انا ماحبيتها لانه تعور واهي لما قالتلي عنها انصدمت كانت تتشكى لي انه خشمها خادر يعورها لما سالتها من شنو قالت مستخدمه شمع عساس توخر الروس السودا@@

39 comments:

مُخْملِيَّه said...

هلا شخبوطه

موضوعك ع الجرح حتى انا جاتني فتره كنت اعاني منها ،،

تدرين شو استعملت ؟!


معجون الأسنان حطيته فتره وفعلاً جاب نتيجه رائعه وسريعه والحمدلله حاليا اتخلصت منها وافتكيت ,,


عوافي قلبو

mazyona said...

هلا شخبوطة
خوش معلومات
انا مثلج لصقات جاهزة استخدم

F6o6a Al-b6a said...

اكثر شي اكره بوهي هالـ ... انتي عارفه شسمهم

الابره او ماادري شسمها الاداة انا استخدمولي اياها بـ الصالون

شنو تعور على ما يخلصون الا طلعت روحي

والحركه الغبيه الشمع هم استخدمها

سنفره .. ماسكـ ...تونر كل شي كل شي استخدمته

الا شغلات اليابانين ما استخدمتهم

بس يبيله عجبني شكلهم

بالاخص البلاستيكـ الورديه

شكرا رورو ...

F6o6a Al-b6a said...

الخشم الاول بـ الصوره الاولى

ذكرني بخشم ناقة الشماااالي D;

Catism القطويّة said...

شكرا رورو، معلومات مفيدة جدا.
جربت لصاقات بيوريه، ولا بأس بها.
وسنفرة St. Ives.
لكن تنظيف البشرة على يد خبيرة هو الأفضل طبعا.

بالفعل، هناك من يستخدم الشمع، مثل شمع veet النوع الصغير المخصص للوجه.

وشكرا على الموضوع الحلو. :)

رورو الشخبوطه said...

هلا والله مخملية ..

مايحر ؟؟

زين ماشاءالله..

الله يعافيج يارب..

وحياج الله..

رورو الشخبوطه said...

هلا مزيونه..

مشكوره..

اي لانهم اريح و اسهل ..

وحياج الله..

رورو الشخبوطه said...

اهلين اخيتي..


خخخ ..

صج عيل اختج ام ابار بترول شصار فيها خخخ..

بيه من وراي وان شاءالله فادج ؟

من جذي خشمج يلق خخخ..

اي ندورهم ان شاءالله..

العفو ولوو ..

وامبيه خخخخخخ الله يعينها يبيله نحكره ونشتري الاداة اللي تعور واديلو خخ..

رورو الشخبوطه said...

هلا القطويه..

العفو ولو..

جان زين قايله اسم عيادة او صالون عجبج ..

اي بس ماعتقد للروس السودا للشعر ومافضله بعد:\

العفو ولو حياج الله..

Made n Q8 said...

انا عندي مال كلين اند كلير حلو وبعد هم جربت لزقات بس عاد شذكرني شسمهم بس الي اذكره ان تعور لما اشيل اللزقه

ويعطييج العافية خوش موزوع

bokeh of magic * said...

انا مو وجربه غير اللزقات i-zone
و صج ما يشيلون عدل و بجرب من اللي انتي حاطتهم
معلومات حلووه خصوصا طريقة اللي نشيل فيها اللزقه توني ادري !
الموضوع وايد حلوو مشكووووره =))

ساره النومس said...

انا اشيلها بالشمع بعدين اح6 اللزقة بس يقولون اللزقة تزيدها

شاي الضحى said...

جربت نوعين من اللزقات ما يسوون شي

ماكو على نيفيا احسن شي ومن اول مره يفرق خشمي قااام يلمع والله حسيت انه مو خشمي

هالاداة اول مره اشوفها واسمع عنها

شكرا على النصايح الحلوه ان شاءالله بطبقهم :)

Engineer A said...

موضوع مفيد يعطيج الف عافية :)

نون النساء said...

كنت استخدم روك
بيوريف إيه سي مع التونك يصغر المسام وينظفها ويخفف من الرؤوس السودا

مع ان مافيني رؤوس سودا بس مكتوب انها تزيلها مع الإستخدام

بس التونك احسه دهني شوي ماحبيته
فجربته مع تونك بيوديرما اللي اسمه تحت



* تونك وغسول من بيوديرما
Bioderma SÉBIUM H2O cleansing



وايد حلو البيوديرما حدددده والأحلى التونك ماله خفيف وايد اخذته من بوتس وعطتني معاه عينة تونك ثاني كأنه ماي تقول للبشرة الحساسة احلى واحلى من التونك الأخضر الشفاف وماله أي ملمس دهني وما يحتاي تغسلينه بماي بعد





جربت لصاقات بيوريه احلى شي :) تنظف المسام عدل

ميمة السبيت said...

** مساء الورد :

- منتجات بيورية حلوة بس في وحدة تسوي تنظيف بشرة وايد حلو كانت تشتغل في لابراري ماعرف اقول اسمها الماركة مليق

اذا تبين ادزلج رقمها

Anonymous said...

يعطيج العافية على البوست الحلو ..والله استفدت منه :)

رورو الشخبوطه said...

هلا مدمد..
اي اح انا عيوني تدمع منهم :\

الله يعافيج يارب..

ومرسوو :)

رورو الشخبوطه said...

هلا بينغ..

بمقارنة اللي جربتهم صح هالنوع اهو الاردى ..

اي لانه مو كل الماركات تكتب طريقتها ..

مرسي الاحلى مروركم..

العفو ولو ..

حياكم الله..

رورو الشخبوطه said...

هلا طموحه..

اي صح سمعت هالمعلومه بس اهو اسهل حل متوفر ونافع ..

حياج الله..

رورو الشخبوطه said...

هلا جايونه ..


زين ماشاءالله بلسته مكانهم محفوظ :)

قصدج الحديده ع حجي اختي تعور ماتسوى علينا :\

العفو ولو ..

وان شاءالله تفيدج ..

حياج الله..

رورو الشخبوطه said...

هلا انجو..

الله يعافيج يارب ..

وحياج الله..

رورو الشخبوطه said...

هلا نون..

خوش معلومات..

ماتقصرين خيتو..

ومشكوره ع ذكر تجربتج ..

رورو الشخبوطه said...

هلا ميمه..

مساء الحب :)

ع جم؟؟

ونظامها تبيع كريمات عقب ولا بس تسوي ؟؟

وبالصالون ولا لازم البيت لانه اذا جذي ماتيني لانه بيتنا بالربع الخالي خخخ..

ومشكوره ميمه..

رورو الشخبوطه said...

هلا حنون..

الله يعافيج يارب..

الحمدالله هذا المطلوب ..

وحياج الله..

جنات said...

والله ملومات قيمه ومفيده
يعطيكي العافيه رورو

افدتيني

Fishah said...

انا استخدم آي زوون .. بس ماني شايفه منها فايده .. يمكن مثل ما قلتي الطريقه غلط .. اشيلها من جهه وحده ..

ودي باللي جنه مبرد الوردي :> عجبني

تشكرات خيتوو :)

رورو الشخبوطه said...

هلا جنان..

الله يعافيج يارب..

وهذا المطلوب الحمدالله :)

حياج الله..

رورو الشخبوطه said...

هلا فيشه..

وبعد اهي مفعولها خرطي من تجربي وتجربة اختي وتجربة بينغ..

حتى انا لي حصلته اقولج..

العفو ولو..

حياج الله..

فاطمــه said...

قوه شخبوطتي
شلونج شخبارج عساج بخير

أولاحبيت اقولج
أني جدا اخترعت من أول صورتين

=(

الله يبعدهم عنا انشاله

واتمنى تلقين علاج مناسب

لكن ترى باختصار
Clean & Clear

مافي عليهم ابدا

دمتي بود

NewQ8 Bride said...

انا الحمدالله ما عندي رؤوس سوداااا

وقت المراهقة كان فيني بس الحمدالله بس صرت 17 سنة راح

تدرين شنو انا هوايتي ؟؟؟ اي احد اشوف بويه رؤوس سودا اموت و اطلعهم

وااي مرات اقول ابي اشتغل مطلعة رؤوس سودا مادري ليش استانس

صمت البوح said...

يسلمو على هالمعلومات

بصرااحه موضوع وااايد مفيد

انا عني استخدم البخار

ومرات الزقات ..ع حسب

بس شكلي بغير ..وبشوف الكريمات

يثلموو..وعسااج ع القوه

رورو الشخبوطه said...

هلا فيونه..

الحمدالله الله يسلمج..

الله لايبلانا يارب بس هالشي من سوء الاهتمام او قلت العناية..

والحمدالله لقيت حل بس ادور الافضل ..

وحياج الله..

رورو الشخبوطه said...

هلا نيو..

زين ماشاءالله..

خخخخ عيل بطرش لج رفيجة اختي :)

وحياج الله..

رورو الشخبوطه said...

هلا صمت ..

الله يسلمج يارب..

حلو ماشاءالله انا ناويه اجرب البخار ..

الله يسلمج يارب..

ولله يقويج..

مشكوره..

وحياج الله..

تايلاند said...

مقال جميل شكرا لك

رورو الشخبوطه said...

هلا تايلاند..

العفو ولو ..

Crazy Girl in aGood Way said...

مشكورة على الموضوع .. انا اذا طلعتلي على طول تنظيف بشره مااحب اعابل واحوس بويهي

ادري راح اخوره لوووووول

شكرا :)

رورو الشخبوطه said...

هلا كريزي..

العفو ولو..

اي اضمن بس هم يجربون سوالف مقاربه لهالشغلات..

خخ اهو لازم احنا نخوره بس انا لو بخوره بخوره بشغلات بسيطه اقدر ارقع عقبها ..

العفو ولو..

حياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads