Tuesday, February 9, 2010
السلام..
امس الظهر رحت المباركيه الهدف كان حواي ومطعم و خرابيط ..
اول شي الحواي ..
جليسويد لاختي وطين خاوه اختي تقول يمدحونه للمسامات ..
هم اختي خذته تقول يخلي شعرنا مثل الامارتيات ماشاءالله بس ماراح اجربه انا ..

اكليل الجبل وبابونج بسويهم خلطه يقولون يخلي الشعر مكتكت ويكثره ..




معمول ريحته مثل الصابون حلو هالايام كل يوم وترك نسوي سمج صيد ابوي صاير الصياد الصغير خخخ..


بخور زينب مادحينه البنات وعاجب اهلي بس للحين ماستخدمناه شموه بالقوطي نايس..

هم لاختي ..



زعتر هم لاختي تقول مادحينه لها يضعف :\


صابونة الطاووس اختي بتسوي فيها خلطه وبتعطيني منها وكركم للجسم هم لها و زيت النمل يقال انه يخفف الشعر لي وصابونة الكركم بجربها مثل مالت بوعابد ولا لا ؟؟ وصابونة سفيداب ..



وعقب مثل بقاله ..
اختي خذت هذا انا حسبالي بنك طلع حب شمسي بالككاو ذقته خفيف قبل جم يوم سمعت عنه واستغربت حسبالي بقشره طلع لا اشوه :)


شعر بنات من قبل شريت نوع 2 بس ماحبيت ان شاءالله هذا يطلع حلوو ..


بفك احبه ..


نظارة لسمسم وكيكة خذيت وحده لي وحده لاختي الكبيره بزها لها بالبريد :p


هم بفك ..



اللي يبي شي لا يستحي يمد ايده واللي تبي خلطة او اكل حياها الله ..
سين سوال تحبون خلطات وهالخرابيط ؟؟
وشنو جحربتوا وضبط ؟؟

33 comments:

BookMark said...

وناسة اذا تعرفين سوالف خلطات قوليلنا :)

انا مااعرف اخلط .. اييبولي خلطات زاهبة .. وهم ماأواظب يوم يومين ومااكمل :S

زيارة ممتعة للمباركية، وعجبني العنوان ;)

ba6alah said...

lol entay sharaitay el embarkeya o radaitay

LO NAN JO said...

انا عني مااحب الخلطات ولا احطها ابددا , مدري ليش ؟؟

Crazy Girl in aGood Way said...

انا ابي بفكي الاماراتات ههههههههه



عليكم بالعافيه ....

مافي كثري جربت وشريت خلطات

ماابي اظلم احد واقولج مافي نتيجه لاني مااستمريت لوووول

بس اللي يكرهني التلطخ والتلقوس فيهم لوووووول


وعرفت ان العنايه بأكلج وشرب مااااااي واااايد وجم حبه فيتامين مع لوشنات ترطيب الجسم ومرة بالاسبوع اي سكراب للجسم

عندي نفس نتيجه الخلطات


وعليكم بالعافيه المباركيه ياحلاتها الظهر على البراد


شكرا

mazyona said...

ههههههههههه
ما احب الخلطات احب شيء جاهز
تسلمين

daloo3a said...

حلوه ريحة البخووور تجنن خخخخخخخخ

ليش ما تشترين لي شي ؟؟!!

و زين يوم رحتي تتحوطين عني =(

المهم استانستي ؟؟

حواطه وحده

Made n Q8 said...

يا كتكت يا انت يعني شنو باجر بتحريني بشعرج عيل من باجر بروح آخذ منه خخخ

وبخور المسك طلع عندنا واناا اقولج مااعرفه لول

والشعر البنات اختي يابتلنا ماادري من وين مثله بس ماركه غير قضينا علييه

وعلييكم بالعافية

ميمة السبيت said...

** الجليسوليد موطبيعي حق الريل قبل لاتنامين او بعد الشور دهني ريلج و لبسي دلاق عجييب صراحة ..

بو ذياب said...

احساسي الامني العالي يقول انج يا بتصيرين طرشي اذا حطيتي كل هالسوالف او بتصيرين (محلي) :)

شاي الضحى said...

عليج بالعافيه

ما شاءالله ما بقى شي ما شريتوه هههههههه

بس اخيرا رحتي المباركيه وشريتي شعر بنات وبفك :)

لما تجربينهم قوليلي النتايج :)

Engineer A said...

عليج بالعافية

من زمان عن المباركية والله يبيلي اروح :)

ebtsamh said...

يا حب الكويتيات للخلطاااااااااات ..

عموما .. تتهنين مشترواتج ..

:)

رورو الشخبوطه said...

هلا بوك..

لي جربت شي وضبط بقولكم ان شاءالله..

ومشكلتنا مانستمر :\

اي ممتعه و قصيره الحمدالله..

خخ مرسي مشكلتي ماعرف اختار العناوين :)

وحياج الله..

رورو الشخبوطه said...

هلا اخوي بطالي..

خخ لا شدعوه كنت ابي خرابيط للعيد الوطني بس المحلات مسكره..

وبالعافيه علي :)

حياك الله..

رورو الشخبوطه said...

هلا لو..

انا احب الخلطات السهله بالخلط وبالحط :)

والاهم اللي نتيجتها واضحة و مافيها مواد مضره..

وحياج الله..

رورو الشخبوطه said...

هلا كريزي..

من غير شر فقدتج ..

مايغلى عليج :)

الله يعافيج يارب..

الخلطات الجاهزة اللي من الحريم ماحبهم جربت جم وحده فاشلين ونتايج عكسيه..

اي ماحب التلطخ واقعد متشنجه ساعه عقب مافي نتيجة او نتيجة فاشلة :\

الاكل انا عسره فيه بس احاول اكل شي طبيعي والحين العضوي بعد..

مثل شنو جربتيه وزين؟؟

الله يعافيج خخ حلوه بس المحلات مسكره :\

العفو ولو ..

حياج الله..

رورو الشخبوطه said...

هلا مزيونه..

انا احب الجاهزه و احب الخلطات الطبيعية السهله..

حلو التنويع..

وحياج الله..

رورو الشخبوطه said...

هلا دلوعه..

شميتها وصلت لكم الامارات خخخ..

الاغراض كلهم لج طبعا ملوتي مو ملوت اختي خخ..

انتي بقلبج وروحج معاي :p

وايد الحمدالله..

حره خخخ..

وحياج الله..

رورو الشخبوطه said...

هلا مدمد..

خخخ خوفج تصير نتيجة عكسية خو تعرفين حظوظنا خخخ ..
لا ان شاءاله تصير بواريك :)

اي عاد ريحته صابون ولا انا مخرفه ..

بالعافيه يارب..

الله يعافيج يارب..

ومشكوره..

وحياج الله..

رورو الشخبوطه said...

هلا ميمه..

مشكوره ع النصيحه وبجربه ان شاءالله..

وحياج الله..

رورو الشخبوطه said...

هلا اخوي بو ذياب..

لا وي خخخخ لا بصير احسن من المتوقع يارب..

وحياك الله..

رورو الشخبوطه said...

هلا جايونه..

الله يعافيج يارب..

لا في خخ بس المحلات مسكره والحواي قلت له بس لاتراويني شي خلاص :\

اي واخير :)

ان شاءالله ولا يهمج..

وحياج الله..

رورو الشخبوطه said...

هلا انجو..

الله يعافيج يارب..

اي روحيله وناسه..

وحياج الله..

iCoNzZz said...

مشالله خامة الحواي كله :p
يعني يمكن مشروع بيع ليش لاء؟

رورو الشخبوطه said...

هلا ابتسام..

شي حلو ماشاءالله ودليل ع الاهتمام بالنفس :)

مشكوره وحياج الله..

رورو الشخبوطه said...

هلا ايكونز ..

خخخ لا مو ميولي اصير بياعه :p

بس احب هالسوالف كريمات وصابون وهالخرابيط..

وحياج الله..

Anonymous said...

عليج بالعافية :)
دهن الشعر يمدحونه :)

رورو الشخبوطه said...

هلا حنان..

الله يعافيج يارب..

من جذي اختي شرته..

وحياج الله..

خدمات البحث العلمي said...

والله توي سامعه يقولون حطي مايونيز على شعرك ربع ساعه قبل الشاور واستمري دايم عليه

ويعكي نعومه ولمعه

انا سويتها اليوم

خدمات البحث العلمي said...

شعر البنات هذا اول مره اسمع فيه اللي اعرفه هو خدود البنات ويسمونه المارشملو

بس عندي سؤال شعر البنات هل هو الرهش بس مدري شلون طالع<<ادري مااحد فهم

رورو الشخبوطه said...

هلا مبدعه..

مشكوره ع هالخلطه بقول لاختي عنها انا ابي منع تساقط وتكثيف ..

لا غير شعر البنات اهو يسمونه بعد غزل البنات و بالانجليزي cotton candy...

وحياج الله اخيتي..

Anonymous said...

امبيه الدهن اللي اشتريتيه ال ثلاث خمسات ترى عجيييييب انا لستخدمه مع خلطه والله العظيم شعري طويل لي اخر ظهري وكثافه عجييييبه بس لي ٥ سنين ما استخدمته تزوجت وحمل وولاده ولهيت والحمدالله بس والله يشهد علي انه لمى كنت استخدمه شعري يصير جنه باروكه بس اهم شي العجفه ترى تطول الشعر وتقويه على طول عجفي شعرج ومن ٥ سنين شعري على طوله والحمدالله
والله ذكرتيني الله يجزاج خير لازم اوجع لخلطتي وشكرا

ام حمودي

رورو الشخبوطه said...

هلا ام حمودي..

ولك بالمثل يارب..

صج مشكوره بقول لاختي عنه..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads