Tuesday, February 9, 2010
اخيييييييييييييييييييييييييه طارت السنه ومرت الشهور وركضت الايام و الساعه مثل الثانيه مانحس فيها وفجاءه باجر بودع ال22 او بالاحرى اليوم مدام صارت 12 وباجر بيكون يومي :)
يارب يارب يارب هالسنه تكون سنة خير علي :) وعلى الجميع..
باسترجع معاكم ذكرياتي العام ..
باخر نص ساعة من 10\2\2009 كنت توني متسبحه وفاله شعري الخوص الحرير الجميل الكثير الطويل والوفح فيه مستانسه لفحتين ولا اهو حات بالقاع خخ لا وي لا ان شاءالله ..
جابلت لا بتوب ومسكت كاميرتي اصور نفسي خخ باخر يوم من ال21 ..
طبعا ماراح ارز صوري اخاف ابهركم بجمالي الشقاقي خخخ..
وحزتها هم كنت اسولف مع رفيجتي بالنت ..

يوم ميلاد بدون كيك :\ مايصير ..
بس العام كيكتين ..
الاولى من رفيجتي وال2 من اخوي وكلهم من نفس المكان :\ ..
اخوي استانست عليها كلش ماتوقعتها كنت اصور قشي تحت صعدت داري ولا القى علبة الكيك قلت وي منو يابها فوق حسبالي ماغيرها اللي تحت من رفيجتي لما قربت ولا مكتوب عليها كل عام وانتي بخير زيتونه ولا من اخوي بعد عيني اهي اهي ..
ا
توقعوا اي وحده من اخوي ؟؟واي وحده من رفيجتي؟؟


فستاني الجميل رفيجتي يابت لي هديه ولبسته بس طبعا مع ليقنز لزوم الستر ..
بس كان كبير علي كنت رشيقه الحين اتوقع كبري ..


خخخخخخخخخخخخخخخخخخخخخخخخخخخخخخخخخخخ هالصوره احبه عشتوا يعني كنت اصمم بالفوتوشوب شرايكم بالابداع ..


رورو وي كنت بكتب اسم عايلتنا @@ 22 سنة من العطاء رغم الاحباط لا متناهي ..

وطبعا بما انه يو ميلادي المجيد احبه حب جنوني واضمه في عيوني لا خخ ماله شغل ابي يكون سبشل ..

اقتراحاتكم بليز ؟؟


من الافكار اللي بالي سبا فندق النخيل مسوي عروض احد جربه من قبل ؟؟



وابي مطاعم حلوه سواء بالنخيل او البدع او 360 مول؟؟

ومرسي..

لا حد يقول كل عام وانتي بخير تو الناس باجي 23 ساعه 35 دقيقة :p

43 comments:

bokeh of magic * said...

روروووووو كـــل عااااام و انتيييي باللللللللف خييييييييييييير
بقولها لج مبجر كيفي P;

ba6alah said...

kel 3am wentay eb khair o inshallah betkoon senat khair

عين بغزي said...

كل عام وانتي بخير وعقبال الف سنه وانتي تتمتعين بالصحه و العافيه :)

Mohammed said...

كل عام وانتي بخير يا رورو وعساها سنة خير عليج ويهنيج فيها وماتشوفين الا اللي يسرج
..

Made n Q8 said...

انتي كاتبه باباي وانا قاعده اقراها بباي عبالي رسوم متحركه يديده نازله بالسينما صج توني قاعده من النوم خخخ

كل عام وانتي بخييير وان شاء الله تكون سنه خييير

سبا النخيل جربيه وقوليلي ادري مامني فايده لوول

ميمة السبيت said...

** كل عام و انتي بخير اشرايج تبادلين اعطيج 31 تعطيني 23 ترى ماكوو فرق وايد لووول

- سبا النخيل حلو بس انصحج بسبا تايم هناك الجو وايد أحلى و اذا تبين عقب مطعم روحي جاتشوجريل اللي بالنخيل اذا تحبين الستيك

و لوسمحتي نبي كيكة :)

Engineer A said...

كل عام وانتي بالف خير يارب

وان شاءالله تكون سنة حب وخير عليج والله يخليلج اهلج وحبايبج اللهم آمين :)

صمت البوح said...

كل عااام وانتي بخييير

وعقبااال 187530 سنه

المصيبه انا مب من الكويت ولا جان قلتلج وين تسيرين

تبينه سبشل ..سيري السيح (البر) خليه يكون يوم ميلاد بدويه لووووووول

شهيتينا بالكيك ^^
اظن الاولى من عند ربيعاتج والثانيه من عند اخوج

ويثلمو ع الموضوع

ebtsamh said...

كل عام وانت بخير .. سنه سعيدة يا صغيرونه ..

daloo3a said...

أمس انا قلت لج و باركت لج مب لازم اقولج مره ثانيه خخخخخ

لالا كل عام و انتي بخير =)

و عقبال 1000 سنه

شاي الضحى said...

HaPPy Birthday TOOOO YOOOOOU

:***

كل عام وانتي بخير

باقيلج سنتين ويوقف فيج الزمن ههههههههههههههه

والله ما جربت السبا مع ان كان عندي كبونات بس ما فكرت اروح

هممممم المطاعم اتوقع البدع اونس لان هالايام الجو حلو وفيه مطاعم وايد

شوفي الي يريحج ولا تنسين تعزميني ههههههه :q

بنطر الساعه 12 وبقولج مره ثانيه :q

سعد المحطب said...

كل عام وانتي بخير ..
والله يعطيج طولة العمر بالطاعات إن شاء الله ..

وبالعافية عليج كيك السنة اللي طافت : )

نمووول said...

كل عام وانتي بخير الا 10ساعات
العمر كله يا رب والله يجعل ايامج كلها سعادة وفرح ويحققلج كل الي تتمنينه قولي امين ..

بقالج سنه ويكتمل نمووج :)

للأسف ماعندي خبرة بالمطاعم ولا جان فدتج ..

Amla7 MajnoonaH said...

كل عام وانتي بمليوووون عشرين الف خير وسعااااااااااادة...
تمنيت اكون وياج حسيتة يوم حلو
هع
هع
تقبلي مروري
عقبال 1000سنة

Abdulwahab said...

رورو! كل عام و انتي بألف ألف خير , هههه كيفي ابي اقلد اول واحد\ة حط كومنت لوول!

عسى الله يهنيج بهالسنة و تستانسين فيها :) و خوش هدايا , اتوقع اللي عاليمين من اخوج :)

اقووووووول , وين هديتي بعيد ميلادج؟؟ :p

المهم انا اقولج تريقي بالموفنبك و تغدي بجوكلت بار و تعشي بالنخيل ههههه و بالوسط تمشي!

Fishah said...

هاااااااااااااابي بيرثدي .. كل عااام وانتي بخير رورووووو :))

ماعرف اقترح .. صايره بيتوتيه انا وايد هالايام :<

سمو الأميرهـ ..ツ said...

كل عااااااام وانتي بخيير
وعساها لج سنه سعيييدة يارب

وكل عام وانتِ إلى الله أقرب :)
***

تعالي إحتفلي عندنا

:d

بسوي لج حفلة لا صارت ولا استوت ..
***


GOOD LUCK DEAR
ونبي صور عن البارتي إذا سويتيه :)

رورو الشخبوطه said...

هلا بينغ ..

وانتي بخير يارب ..

خخخ ..

رورو الشخبوطه said...

هلا اخوي بطالي..

وانت بخير ..

اجمعين يارب..

مشكور..

رورو الشخبوطه said...

هلا اخوي عين ..

وانت بخير ..

اجمعين يارب..

مشكور..

رورو الشخبوطه said...

هلا اخوي محمد..

امين يااااااااااارب اجمعين..

وانت بخير..

مشكور..

رورو الشخبوطه said...

هلا مدمد ..

خخخخخخ اهي بدليه ولا انا كاتبتها صح عموما احنا ع طول نتنح :)

وانت بخير يارب..

ان شاءالله بروح اشوفه شكلي بسوي لويهي بس :\

رورو الشخبوطه said...

هلا ميمه..

و انتي بخير

خخ لا ما اقبل ارفض بشده انا اتفكر اسوي تنزيلات ع عمري تبين اعطيج افائض اللي مابيه خخخ..

مشكوره وبشوف ال2 وباختار الانسب ومشكوره مره 2..

توني من ال7 اتصل ع دايت سنتر ومايردون علي كنت بسوي اوردر :\

ولايهمج خل تضبط السالفه خخ..

مرسي..

رورو الشخبوطه said...

هلا انجو..

وانتي بخير ..

واجمعين يارب..

مشكوره..

رورو الشخبوطه said...

هلا صمت..

وانتي بخير..

خخخ مرسي..

مو شرط مكان عادي لو افكار عامه..

خخ لا هالمره بنطلع من مود البداوه البر حلو بس يبيله ترتيب ويمعه تونس ..

مال العام لو مال السنه جان مقدم مايغلا عليكم ..

صوح الكحليه من رفيجتي واللي عليها شمع من اخوي..

الله يسلمج يارب..

وحياج الله,,

رورو الشخبوطه said...

هلا ابتسام ..

وانتي بخير ..

وناسه صغيرونه :)

مشكوره..

رورو الشخبوطه said...

هلا دلعلع..

اي اجليها لباجر اليوم الصجي:p

خخ وانتي بخير ..

تبيني اصير عيوزه وتستلمني وحيده خخخ..

ومشكوره..

رورو الشخبوطه said...

هلا جايونه..

جاجاجا..

وانتي بخير..

خخخ واصير كبر امهاتنا ..

خلصوا مدة كوبوناتج ؟

اي شكله اخر شي الافنيوز..

حياج الله لا مايصير مفروض انتي تعزميني خخخ..

اوكي ناطرتج مو تنسين :)


ومرسوو..

رورو الشخبوطه said...

هلا اخوي اجتماعي..

وانت بخير..

واجمعين يارب..

والله يعافيك..

مشكور..

رورو الشخبوطه said...

هلا اخوي نمول..

وانت بخير الا 17 دقيقه :)

اجمعين يارب..

صج يعني في مجال اطول ابي اطول جم سانتي بس ويع مااحب ال24 :\

بالعكس مشكور ماتقصر كافي ردك اخيي..

رورو الشخبوطه said...

هلا ملح..

حياج معاي هالسنه :)

وانتي بخير وسعادة يارب..

مشكوره..

رورو الشخبوطه said...

هلا وهابي..

وانت بخير يارب اي قلد اخذ راحتك خخخ..
اجمعين يارب..

لا العكس اليسار من اخوي اللي عليها شمع :p

وت المفروض انت تهديني خخخ..

اي خوش خطه واهم شي المشي لزو احرق كيلوات خخخ..

مرسوو خيوو..

رورو الشخبوطه said...

هلا فشه ..

مرسي..

وانتي بخير ..

ماقصرتي خيتو بس انتي لو يوم ميلادج قريب شنو ودج تسوين فيه :)

ومرسي..

رورو الشخبوطه said...

هلا سمو ..


وانتي بخير يارب..
اجمعين يارب..
امين..

خخ ماكو محرم :\


بعد عمري ماتقصرين ..

ثانكس ..

ان شاءالله..

ومرسوو خيتو..

Anonymous said...

ل عام و أنت بخير :)

روان said...

SPONGEEE !
انا أحبه بعد ;**

روان said...

إي صج ،
إنتي سميتي
:p

F6o6a said...

كـــل عـــام وانتي بـ خير سيس

تدرين انا ماادري اي وحده من سوسو واي وحده من بو علي

بس توقعة ام شمعه من بوعلي لان رونه مكتوبه غلط :)

رورو الشخبوطه said...

هلا حنان ..

وانتي بخير ..

مشكوره..

رورو الشخبوطه said...

هلا دريما ..

اسبونج بوب عجيب ..

وخخخ مو سميتج لانه رونه الكل حسباله دلع روان وانا مو اسمي روان ..

وحياج الله..

رورو الشخبوطه said...

هلا اخيتي..

لا توني ادري انج ماحتفلتي معانا العام خخخ..

وصح توقعج..

وانتي بخير يارب ..

مشكوره..

Crazy Girl in aGood Way said...

كل عام وانتي بخير .. وعقبال السنه اليايه وتصيرين 23 ......


هذي المعايده حق العام لوووووول

الا بسالج شنو خدمه الاتصال داخل الكويت في صورة الماسنجر ؟؟؟

طلعت برى الموضوع :)

رورو الشخبوطه said...

هلا كريزي..

وانتي بخير يارب مرسي..

خخخ..

اهي صورة محداثه بالماسنجر مع رفيجتي واهي برسونال مالها هذا ..

لا عادي اخذي راحتج..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads