Saturday, January 9, 2010
السلام ..
قبل فتره رحت مع خواتي مطعم..
العاده كل مانروح له يانهون يا يكون بعد مابطل ..
وهذي المقابلات ..
زيتون وزعتر ولبنه وخبز ..




فتوش بس ماستمتعت فيه انا احبه يكون خيار وطماط وخس و خبز بس ماحب غيرهقلت للريال قال مايصير لانه اوردي مسوينه ..




تبولة لاختي تقول زينه مو وااو ..


هم ملفوف لاختي بس ماعجبها وانا ماحبه فماذقته ..


حمص باللحم او العكس عجبنا ..




روب عابو ماكو كبه باللبن قصوا علي فيه..

كبه زينه مو وااو اهي لي بس وزعته ع خواتي وبقت قطعه ..


مشويات مشكله ياحلات القيصر جبل هذول جعوص خخخ رجيم اجباري طبعا ماخلصناعقب وليمة المقابلات..
اللحم طعمه حلو اما الدياي نو ..


عجبتني خدمته وديكوره لايق مع لبس القرسونات ونوع الاكل:)
واللي حاب يعرف السعر18..
مع ماي كبير و2 بيبسي..


***********************************************
شخبوطة تساؤل ..
شنو عيوب ومميزات البلوق؟؟

بالنسبه لي :
المميزات..
1- امكانية التعديل عالموضوع باي وقت وبكل سهولة .
2-سهولة انشاء المدونه .
3- وجود البلوق رول اللي يساعدنا ع التعرف ع اخرما طرحه الزملاء..
4- سهولة تغير التصميم واضافة صور وغيره .
وبمستوى اجتماعي نتعرف ع ناس يدد نتناقش بمختلف المواضيع ونتفاعل معاهم ..
عيوبه:

1- وايد يتنح يعني ساعات ادش الردود صفر افتح الموضوع القى جم رد @@
2-ردي ماقدر اعدله سواءببلوقي او ببلوق غير.
3- مااقدر اضيف صور للرد ..
4- عادي انزل رد عقب مالقاه !!
هذا اللي بالي الحين ..
وت ابوت يو :)؟


***************************************


قبل فتره شفت هالفيلم ..
والبوستر يعطيكم فكرة مختصره عنه ..
باختصار المرا تدور حب والريال يدورالخرابيط قطع..
وراي فيه :ماحبيته ماكو قصه وفيه قلت ادب بالفكره ..


وبس سلامتكم ..

20 comments:

شاي الضحى said...

وايد امدحوه سراي بس ما جربته

اتوقع في مطاعم لبنانيه ثانيه احلى منه

وبالعافيه

المميزات مثل ما قلتي ماكو شي ببالي حاليا

اما العيوب

مو بس الرد يختفي ساعات تضغطين على كتابة تعليق جم مره يالله ينزل التعليق !

واذا بتنزلين موضوع يديد وفيه صور يععععل وكل ما تنزلين صور تصير مسافات وايد كبار بينهم وبين الصور الي منزلتهم من قبل !!! مادري ليش

وما تقدرين تقلبين الصوره وتغيرين اتجاهه

ساعات تطلع مقلوبه مادري ليش

الألوان الي فيه شويه

والبلوق رول مو كل مره يطلع لج منو منزل موضوع يديد الا اذا كتبتي تعليق او نزلتي موضوع يتغيرون فجأة

همممممممم مادري بعد شنو نسيت

وعععع هالفلم ما حبيته

مشكوره :)

{~المباركية~} said...

سراي كانت لي تجربه معاه لابأس يوجد الي افضل منه
بس كونه كـ ديكور و اثاث فخم اما طعم عادي

aboflan said...

عليج بالعافيه

ما ادري ليش لما شفته هالمطعم ماشجعتني نفسي وكرشي للدخول :-)

أشوا كتبتي عنه عاشن احط عليه إكس

وعليج بالعافيه يارورو


بالنسبة للبلوق انا عندي الووردبريس افضل منه خاصة وانه يعطيج ملخصات واحصائيات عن كل موضوع واي واحد يكتب كلمات بحث بقوقل وتطلعله مدونتج يقولج انه فلان من الناس كتب مثلا سراي واطلعلته مدونتج .. <<< اتمنى وصلت الفكره :-)

بس البلوق الشي الأفضل فيه انه يعطيج قوالب اكثر من الوورد بريس

وتقبلي مروري

رورو الشخبوطه said...

هلا جايونه..

صح عادي مو وااو انا بس ودي اجرب مطعم فيلا فيروز او صبح ومسا وخلاص ..

الله يعافيج يارب ومشكوره..

اي امبيه يعل القلب بالردود واخر شي ماينزل خخخ..

وتنزيل الصور لازم تبلشين باللي تحت عقب الفوق ولا ينعفس الموضوع ..

جربتي اللي تحت اللي سنتر او ع صوب ؟؟ مره بالغلط صارت وتوهقت ماقدرت اردهم مثل العادة خخخ..

وساعت ماتطلع الصوره @@

وهم الخطوط شويه واذا كبرتي الخط الحجي يصير عايم ع بعض ..

اي هذا قصدي بالتتنيح انه التعديل او التحديث مايبن الا بعد مايرتفع ضغطي خخخ..


اي حده ويع..

العفو ولو حياج الله..

رورو الشخبوطه said...

هلا اخوي المباركيه ..

صاج الاكل شويه اللي حلو اغلبه ياعادي والملفوف موذاك الزود ..

وحياك الله..

رورو الشخبوطه said...

هلا اخوي بوفلانه ..

الله يعافيك يارب ..

انت احس تحب المطاعم الامريكي عقب القيصر اكثر :)

اي في مطاعم احلى ..

الله يعافيك يارب ومشكور..

اي ماشاءالله حلوه هالخاصيه ..

انا نوعي مااحب اغير وايد بهالسوالف بس هم ميزه للي يحبون التغيير..

وحياك الله اخوي..

Engineer A said...

هلا رورو

عليكم بالعافية .. عاد تصدقين مره انعزمت بمطعم سراي و ماحبيت أكله حسيته مو واو صح؟؟


وعلى الموفي لوووووووول شفته الشهر اللي طاف ومت عليه من الضحك أهو كوميدي والقصة انهم يبون يثبتون انه في حب والرجل ممكن يحب بس اذا شال العناد من راسه وماكابر اذا لقا الانسانة اللي يحبها..

فيلم عادي مستواه نفس أغلب الأفلام الكوميدية بأمريكا :)

Made n Q8 said...

ماعمري جربت هالمطعم

وعلييكم بالعافية



وبالنسبه للعيوب وايد بطئ ويعل القلب غير ان يتنح شقول بعد خخخ

والفيلم كنت بطلبه بس بعدين هونت

Hanan said...

المطعم ان شاءالله على قائمتي عقب الامتحانات ..
و العيوب أوافقج و اوافق شاي الضحى .. بالذات سالفة الصور حدها غثيثة :@
و الفلم من أسوأ الأفلام اللي شفتها قطيعة وصخ و ماله داعي .. اصلا هالممصلة حدها رايحة فيها و طاحت من عيني عقب فلم knocked up

بالعافية:)

q8-lawyer said...

سبحان الله هالمطعم كلش ما حبيته رحتله مره وما أفكر أروحله مره ثانيه

عندج مطعم المياس بالبدع بمنتجع شيك أكله أحلى وألذ بمليون مره


((ولولا إختلاف الأذواق لبارت السلع))

وبالعافيه حبيبتي:)

رورو الشخبوطه said...

اهلين انجو ..

الله يعافيج يارب ومشكوره ..

اي صاجه مو وااو..

والفيلم فيه قلت ادب مااحب هالنوع من الكوميديا ..

اي اهما يحبون هالسوالف قطع خخخ..

وحياج الله..

رورو الشخبوطه said...

هلا مدمد ..

الله يعافيج يارب ومرسوو..

خخخ وماكو مميزات ؟؟

اي مايسوى ماكو قصه ..

وحياج الله..

رورو الشخبوطه said...

هلا حنان ..

ان شاءالله ..
وموفقه بامتحانتج يارب..

اي تدوخ ..

اشوه ماشفته خخ انا شفتهابدرس 27 وكنت زينه ..

والله يعافيج يارب ومشكوره ..

وحياج الله..

رورو الشخبوطه said...

هلا لوير..

حتى انا عن خاطرنا جربنا وع ابو في كبة بلبن طلع لا :\

ان شاءالله اجربه ..

اي اكيد بس هالمره احنا متفقين خخ..

والله يعافيج يارب ومشكوره ..

وحياج الله..

Mohammed said...

بالعافيه عليكم والله يهنيكم والواحد مرات يحتاج يغير جو لو بشي بسيط ,,
وعلى فكره دشي المدونه مالتنا وشوفي المطعم اللي حاطها اذا تحبين السي فوود جانكي سوشي اسمه بالرايه ..

رورو الشخبوطه said...

هلا اخوي محمد ..

الله يعافيك ويهنيك ويارب مشكور..


اي صح..

غريبه مارديت عليه خل ادش الحين اشوفه عيل..

وبالعافيه يارب..

وحياك الله..

أحمد الحيدر said...

هني وعافية :)

وموضوع البلوقات أحسه فيه مجهود علمي تشكرين عليه ..

أما الفلم فليش حاطته مدام مو عاجبج ؟ :P

تحياتي ..

روميـه فهد said...

رورو يا رورو...

فتحي شهيتي للمطاعم وأنا زمان عنها..
مدونة خفيفة طينه .. بريئة كـ قلب صاحبتها
عساج بـ سعادة دوم ..

دمتِ لمن تحبي

روميه

رورو الشخبوطه said...

هلا اخوي احمد ..

الله يهنيك ويعافيك يارب..

العفو لو :)

خخ مو شرط تكون الشغله تعجبني عشان احطها :)

وحياك الله..

رورو الشخبوطه said...

هلا روميه ..

:)

بعد عمري مرسي ..

اجمعين يارب ..

مشكوره وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads