Friday, January 22, 2010
السلام ..
اول امس شاركت بقروب بنات بلوقر تونا بالبدايه نتعرف ع بعض ونسولف احنا مجموعة بنات تقريبا فوق 10 ..
للحين شفت وحيده بلياهم و مخمليه و دلوعه وسمو الاميره وميوسه والطبع الحشيم ان شاءالله ماكون نسيت احد ..
وان شاءالله بيتطور هالقروب ..
مشكوره سمو ع هالفكره الحلوه ..
(2)

مجموعة شباب يصورون فيديوات سواء مواقف من حياتهم العاديه او تمثيل..
في وايد شغلات يدد ماشفتهم ...
بس اللي شفتهم وحبيتهم..
*ليلى والذيب..
*المذيع الجميله..
*بو خرشد ..
صفحته :
(3)

قروب يدز ايميلات كل سبت وميزتهم انهم متنوعين (اسلامية\ للبنات\ للصبيان\اخبار \سيارات\علم نفس\منوعات ..الخ) وايد احبهم وانطرهم..
صفحته :
اذاعة اويامال ..
عرفتها من مسج اعلاني وصلني وقلت بدشها ونسيت :\
عقب كنت افتر بايميلي جان اقى ايميل منهم عن حلقه للمدونات عاد دشيته وسمعته ماشاءالله كانت الحلقه زينه ..
قابلو فيها المدون الطارق واتصلت عليهم المدونه سمبسوت وفيها فقرات متنوعه..
http://oyamal.net/wp/wordpress/

(5)
كنت بقول شي وكالعادة نسيت :\
تذكرت :)
اليوم اليمعه يعني موعد الفيلم الهندي المدبلج كويتي ..
وهالشي بلشوه اعتقد من الاسبوع اللي فات شرايكم بهالشغله حبيتوها او لا؟؟
انا حبيتها ..
بس اغلب اللي اعرفهم لا ماحبوها :\

30 comments:

C'est La Vie said...

ويي حسافة
الفيلم الهندي يبدي الساعة 9 اكيد طافني الحين :(
عاد يقولون اليوم حاطين ديفيداس

*Being One said...

البووست وايد حلوو حبيته =))
ايي انا الحين قاعده اشوف الفلم
اهيا الفكره حلوة بس الفلم لما يكون يالهندي
لا يصير شي ثاني يضبط اكثر و له نكه غير ^^
و شكرررا

شاي الضحى said...

الحين قاعده اشوف ديفداس

الاسبوع الي طاف ما حبيت البدلجه كلش وكانوا واااااااااااايد مليقين .. ديفداس ارحم منه

بس تظل اللهجه الهنديه احلى من الدبلجه

مشكوره :)

sweetya said...

البوست رائع


اما عن الفلم الهندي المدبلج بصراحه ماحبيت الفكره لأن تظل مثل ماقالت جاي الضحى اللهجه الهنديه افضل


يعطيج العافيه :)

Shaikha said...

انا حبيت الترجمه وايد ..
فلم الاسبوع الي طاف كانو ضابطين الدوبلاج أكثر ..
اهي الفكرة حلوه و قلت بطرح هالسؤال بغنفه .. لان حالي من حالج اغلب الي حولي مو حابين الفكرة .

اما عالافكار الشبابية .. ناخذ جوله بسايتاتهم
بس لفتت نظري الاذاعه شكلها خوش شي ..
ويعطيج العافيه رور

Engineer A said...

بوست منوع وحلو ..

الفيلم الهندي نسيته!! توني ذكرته من مدونتج طافني اكيد!!

ولامرة شفت الفيلم الهندي المدبلج .. بس عندي فضول اتابعهم يمكن الاسبوع الياي :)

تسلمين عزيزتي

A/Z said...

ya36ech el 3afya

سمو الأميرهـ ..ツ said...

مرحبااا رورو ..

يعطيج العافية ع البوست ..

امممم ..فيديو ليلى والذيب جفته ..حده يضحك ..ما شاء الله عليهم ..

امممممم
الحلو عندكم بالكويت شي إهتمام بالبلوقات من الناحية الإعلامية
:) أتمنى هالشي يصير عندنا

***
وعن الأفلام الهندية المدبلجة
أنا مب من متابعيها لكن .. كنت جايفة فلم شاهد كابور وبالصدفة الأسبوع اللي طاف بطلت التلفزيون و قلت فخاطري : يا إما هذيل يرمسون عربي ... أو إني و أخيرا صرت أفهم هندي !!

***********

يعطييج العافيه حبيبيتي :)

رورو الشخبوطه said...

هلا سي..

اي ديفيداس بس ماحبيته صج فيلم هندي :\

وجيكي بالسايت يمكن حاطينه او ع الاقل حاطين وقت الاعاده اذا في..

وحياج الله..

رورو الشخبوطه said...

هلا بينغ ..

حبتج العافيه :)
اي صح ..

والعفو ولو حياج الله..

رورو الشخبوطه said...

هلا جايونه ..

خخخ اي مو مضبوطة كثر هذا بس هالبطل ماتغير حسه ..

اي اللهجه الاصليه احسن بسع الاقل نتبه الحين مع الفيلم بدال لا نركز بالترجمه خخخ..

والعفو ولو حياج الله..

رورو الشخبوطه said...

هلا سويتيه..

مشكوره ..


اي صح بس بالنسبه لي اريح الدبلجه واوفقكم انه اللهجه الاصليه لها طابع مميز ..

الله يعافيج يارب ..

وحياج الله..

رورو الشخبوطه said...

هلا شيخه ..

حلو انه مدبلجينه انا عندي الفيلم الاول اهو احلى بغض النظر انه مدبلج او لا وبالنسبه الدوبلاج في اخر فقره نسوها خخخ..

وان شاءالله يعجبونج اي الاذاعه ماشاءالله متعوب عليها وفكره يديده مو منتشره ..

الله يعافيج يارب..

وحياج الله..

رورو الشخبوطه said...

هلا انجو..

مرسوو ..

اي خلص الساعه 12 بس يمكن ينعاد ؟؟
وشوفيهم يونس الحجي خخخ والفيلم الياي شكله احلى من ديفيداس ..

الله يسلمج يارب..

وحياج الله..

رورو الشخبوطه said...

هلا اخوي A\Z..

الله يعافيك يارب..

وحياك الله ..

رورو الشخبوطه said...

هلا والله سمو..

الله يعافيج يارب..

اي يونس خخ..

اي بلش هالاهتمام من 2007 حتى عطونا اياه بالجامعه :\

والجرايد بلشت الحين تخصص مساحه تقريبا يوميه
للمدونات ..

وان شاءالله يصير عندكم هالشي..


وخخخ حلو مال الفيلم المدبلج ماتوقع من زمان مبلشين بهالشي ..
***********

الله يعافيج يارب ومرسوو..

وحياج الله..

WoJoh said...

رورووووووو صح اللي طرشتيه بالكومنت لوول ضروري اكلمج طرشيلي بنفس طريقة الكومنت الايميل اللي تشبكين منه

رورو الشخبوطه said...

هلا وجوه..

خخخخخخخخخخ اعتقد الايميل اللي حاطته صح اشبك فيه عادي كلميني اذا حابه منه :)

بسم الله علي ذكيه خخخخخ..

Made n Q8 said...

hello roro

اقول مو جنه المجموعه الثانية اهيا الي كانت معانا بالجامعه ولا غيرهم ؟

رورو الشخبوطه said...

هلا مدمد..

مادري تقصدين منو بس هذيل صغار واغلبهم مو بالجامعه..

وحياج الله..

●• ۈحيدة بليآهُم•● said...

بالنسبة للقرووب بالصرااحــة .اليلسة وياكم حلووة ..

اما بالنسبة للفيديوو ما اقدراشووفه الحين لان السمااع مختربة ..

اما بالنسبة للفلم الهندي ..
احبه يكوون مب مدبلج ..رمستهم حلووة خخخ


وفااتج فلم جب وي ميت ..صرااحة عجييب ..

ونايس بووست ..


تقبلي مروري الاول فمدونتج ..

صمت البوح said...

تسلمين يالغلا ع البوست الغاوي
1)
اقروب بنات بلوقر يجنن ..انا شارت فيه من اول ما سووه..ماقصرت سمو الاميره ..ولا مره شفتج
الايام بينا وان شاءالله بنسولف^ ^

2)
شفت شوي من الفيديوات بس ما كملتهن
^_^ بس شكلهم فالينها الشباب

3)
عيبني واايد موقع الدوبلماسي..وشاركت فيه تحمست من كلامج

4)
بشوف موقعهم خلاف ..

5)
بصرااحه بصرااحه كان الفلم يخبل
بس الفلم هذا ما عيني احسه موول ما راكب


وعسااج ع القوه

رورو الشخبوطه said...

هلا وحيده..

اي وناسه خصوصا لما تتناجرون خخخ لاجد خوش جمعه الله يتمم علينا :)..

وي حسافه لي تصلحت لن شاءالله شوفيهم يونسون..

والافلام حلوه للمتعودين عليهم انا توني هابه فيهم ..

لا شفته اللي نعرض فيل اسبوعين تقريبا ..

مرسي ..

حياج الله ع طول خيتو..

رورو الشخبوطه said...

هلا صمت ..

بعد عمري الله يسلمج يارب..

1)
اي صاجه حلوه الفكره ماشاءالله اي وما صادفتج بس ان شاءالله قريب..

2)
اي يونسون عايشين حياتهم مو احنا :\ خخخ..

3)
وان شاءالله يعجبج ..
4)
ان شاءالله..
5)
مثلي الاول عجبني احلى من ال2 صج فيلم هندي ينطرها تيي عشان يموت :\


الله يقويج يارب ومشكوره..

وحياج الله..

Crazy Girl in aGood Way said...

واايد عجبني تنوع البوست

قواج الله

ونااسه خووش قرووب شركوني معاكم ههههههه

بالنسبه لمستر فورمات من زمان سامعه عنه بس مالي خلق اتابع وطواله يبيله قعده

وشوقتيني على الفلم الهندي المدبلج عندج رابط اقدر اشوفه على النت ؟؟؟

انا بس تطلع عندي القناة الاولى ..

وشكرا

رورو الشخبوطه said...

هلا كريزي..

مرسي..

الله يقويج يارب..

حياج الله اذا حابه تشاركين التفاصيل بهاالرابط..

http://somow92.blogspot.com/2010/01/blog-post_15.html

لا فيديوات مستر فورمات خفيفه ومو طويله كلش تونس..

لا والله ماعندي الرابط بس اهو انعاد ع ماكس امس جنه و جيكي ع سايتهم تاكدي واهو ينعرض ع الاولى باجر الساعه 9 ان شاءلله..

والعفو ولو ..

حياج الله..

Crazy Girl in aGood Way said...

شكرا حبوبه على الرابط :)

رورو الشخبوطه said...

العفو ولو ..

حياج الله..

خاتون said...

السلام عليكم
حركااااات
مستر فورمات ورتني لهم فيديو صديقتي و اهم ينهمون بنص البر لوووووووووول
أما هالقروب بقول حق اختي تشترك لاني ما احب اشترك و اهي ان شاء لله تدز اللي ستايلي و بس ههههههه
إلا صج شلون ندخل على بلو البنات و إلا أهو قيد الانشاء ؟
و يسلمو على موافاتنا باهم الاخبار مراسلتنا
و صج بما انج تحبين المطاعم في خوش مطعم كويتي اسمه الستينات بحولي اكل كويتي حلو و أحسن من باجي المطاعم الكويتية نظافة و اكله خفيف و اللي تاخذ الطلبات اسمها سلمى محسرين فيها باللبس لووووول
^_* Try !T

رورو الشخبوطه said...

وعليكم السلام والرحمه..

هلا خاتون..

خخ اختي تقول لغى فيديواته :\

ان شاءالله..

لا انشاء وموجود التفاصيل ببلوق سمو الاميره ..

الله يسلمج حياج الله..

خخ ان شاءالله مع اني افضل المطاعم الاجنبيه ..

ومرسو..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads