Monday, January 4, 2010
السلام ..
اول بوست بهالسنه :)
عندي وايد مواضيع وودي اقرا بس متنحه الا ابي الكتاب اللي ضاع خخخ..
اليوم بسولف معاكم عن جم فيلم شفتهم قبل فتره وعن مطعم احبه ..
اول فيلم :
معناه بالعربي اعترافات مدمنة تسوق ..
البطله تموت ع الشوبينغ ع غيرسنع يعني نظام اللي تتشرا وماتحط بخاطرها بس عاد حزة الحساب تقزرها بالماستر و الفيزا (مامر عليها هالمثل مد ريولك ع قد الحافك :p)..
وتحب الصحافة وراحت قدمت بمجلة للفاشن بس قبلتها مجله 2 بس انشهرت من خلالها وكانت تكتب باسم ذات الوشاح الاخضر او صاحبة الوشاح الاخضر << حبيت هالجزء ..
ونتيجة هالنجاح طلبتها مجلة الفاشن اللي كانت تتمنى تشتغل عندها و قالوا لها كتبي بمجال الموضه الرخيصه << كسعر طبعا
اما البطل فهو اعتقد رئيس التحرير بالمجله (مو الموضه ال2) ولد من عايلة مشهوره وغنيه بس مايحب يعتمد ع اسم عايلته او فلوسها حب يبني نفسه بنفسه باختصار شخص عصامي << هم حبيته خخ..
راي بالفيلم :
حلو حسيت قريب مني باكثر من شغله باستثناء الفيزا خخخ..
وايد حبيت نجاحها بمستوى الصحافة والحب والبطل << شبقى خخخ..
وحبيت رقصة امها وابوها خخخ..
****************************************
الفيلم ال2..

كنت بدشه بالسينما ولقيت وقت حلو وبيوم الاثنين بس كان ع اختي امتحان << لحظه هالسالفه قلتها من قبل :\ طبعا ماذكر خخخ..
المهم بنفس اليوم دشيت موقع الديفيدي ولا القاه منزليته قلت اوفر خخخ ..
الفيلم باختصار بنت مريضه من لما كانت صغيره وتحتاج متبرع بس للاسف اهلها ماينفعون لانه مو مطابقين لها لا امها و لا ابوها و لا اخوها فتقرر امها تحمل وتيب بنيه عساس تساعد اختها المريضه ..
وكل ماتكبر المريضه تدهور حالتها اكثر و اختها تروح ترفع قضيه ع اهلهم لانها ماتبي تتبرع لها وملت من العمليات وتعبت ..
اللي عجبني شخصية المريضه وايد حلوه وطيبه ..
الام مادري ماحبيت انه تيب ياهل لمجرد يكون حقل تجارب :\
البنيه الصغيره ام ماحبيت انها ترفع قضيه ع اهلها بس لما عرفت الوضع والسبب عذرتها ..
عيب الفيلم كان استرجاع للذكريات ساعات احس الاحداث مخربطه ..
وحبيت البوم اللي سوته البنت :)
@@هو وين بوستر الفيلم ال3 خخ خيره اكتب عنه عقب ان شاءالله ..
******************************************
الفورنو ..
فوتشيني اعتقد مع انه بدون لحم او دياي بس لذيذ بس اذيه بالاكل ..<< طلب اختي الوسطيه..

كان ودي يكون بصولص الابيض لانه مره خيرونا واخترناالابيض وكان لذيذ بس هالمره قال مايصير لانه جاهز وصج حسيتها مو فريش ولذيذه مثل قبل..



غرامي الببروني واول مره اجربها عندهم شنو لذيذه وخفيفيه حبيتها ..


وناويه اجرب ريوقهم شوقتني عليه جايونه..

وبس سلامتكم ..

16 comments:

شاي الضحى said...

شكل الفلم الاول حلو جنه اختي عندها الدي في دي وشافته مادري بسألها

والفلم الثانيه شفته وما حبيته مادري ليش

وبالعاااافيه

احب الفوتشيني عيبه تأذي لما تاكلينه بس الي احبها اكثر بيني ارابياتا

بيتزتهم لذيذه وخفيفه بس انا ما احب الببروني كله اطلب خضروات مع جبن ومشروم ومادري شنو لوول

اي والله جربي الريوق لذيييذ


مشكوره :)

Hanan said...

عليج بالعافية:)
شفت الفيلم الاول و الثاني ان شاءالله قريبا..عجبتني القصة :)

Made n Q8 said...

هللو رورو

الفيلم الاول شفته حسيته عادي..وفيلم كاميرون دياز موجود عندي بس للحين ماشفته مبين عليه حلو ومؤثر..

و شوقتيني عالبيتزا لان احب البيبروني يمي
علييكم بالعافية :)

*Being One said...

اوول فلم وايد حلوو ,
بس الثاني من كثر ما مدحولي ياه الناس توقعته انه فلته و حاله بس حده عادي عندي يعني اشوفه مره و حده وبس ,
الله المطعم شكله يشووق يبيله روحه مناك =)
ثاانكس

خاتون said...

سلامـ مربعـ*_^
بالفلم الأول عجبتني طريقة معالجتها للموقف بأنها عطته راشدي محمودي و تركته أهو بمشكلة الأحراج و ذنبة أنه يتكلم لغة أدعت أنها تعرفها لووووووول

أما الفلم الثاني شكلة انساني و يضرب على وتر المشاعل يبيله بس كله بعد الامتحانات الحمد الله تو وصلني خبر يقول انه واحد من متحاناتي انلغى يعني لعب اكثر ^_*

و مطعم ألفورنوا بعد ما ذكرتي و ذكرته شاي الضحى بسجل أسماء الأطباق بمسج و بروح له بس بعد نهاية الكورس كأحتفالية كم أتوق للعطلة ^_*
i luv italian food & every thing could be italian

رورو الشخبوطه said...

هلا جايونه..

انا عجبني الاول اما ال2 حسيته مخربط ماحبيت طريقة الاخراج احس تشتت بس حبيت شخصية البنت المريضه وتوقعت احلى لانه الاغلب مدحوه ..

الله يعافيج يارب ومرسو..

صاجه يدمر اهو والسبغتي ومره غيرنا النوعيه بس مو عارفه شسمها بالضبط وهالطبق مال اختي سو مو على كيفي :)

عيل انتي عكسي لانه انا ماحب الخضرا بس الظاهر كل الانواع البيتزا عندهم حلوه ..

اي ان شاءالله..

والعفو ولو..

حياج الله..

رورو الشخبوطه said...

هلا حنان ...

الله يعافيج يارب ومرسوو..

اي ان شاءالله ..

وحياج الله..

رورو الشخبوطه said...

هلا والله مدمد..


عيل انا حبيت الاول وماعجبني وايد اال2 ..

اي عجيبه جربيها وان شاءالله تعجبج ..

الله يعافيج يارب ومشكوووره..

وحياج الله..

رورو الشخبوطه said...

هلا بينغ ..

عيل انتي مثل ذوقي :)

صاجه توقعت قوي حيل مو مقاطع ..

اي جربيه يسوى :)

ولكم وحياج الله..

رورو الشخبوطه said...

هلا والله وعليكم السلام والرحمه ..

خخ حرام لو احنا نسويها جان فصل :)

اي اهو نوعا ما انساني وموفقه يارب بامتحاناتج ..

وجربيه يسوى واكله لزيز خالص حيعجبك ان شاءالله ..


والاكل الايطالي لزيز بس مو اي احد يضبطه ..

وحياج الله اخيتي..

Engineer A said...

ويييي رورو عقدتيني لووول أنا ناسية انه عندج 2 بلوق لول فدخلت هالبلوق ولقيت نفسي مشتركة@@!! بعدين جيكت على اسمج والا اكتشفت اني مسجلة معاج من زمان ومع مدونتج الثانية بس ماكنت ضايفة هالمدونة عندي قصةp;!!

المهم الفيلمين شفتهم عجيبين انا شفت الاول بالسينيما ومت عليه من التكركر :)

والثاني بعد شفت اول ما نزل بامريكا ومت في من البجي :(

بس ترى على فكرة أنا قريت الرواية مالت الفيلم الثاني تختلف شوي قصة الفيلم عن الكتاب الكتاب اشوي "املقينها" الفيلم مسوين الأحداث أحسن .. والبنت الصغيرة كنت متعاطفة معاها من أول الفيلم من قرروا الأهل انهم ايبون ياهل "سبير" لبنتهم ونسوا ان الياهل الثاني ضناهم بعد!

حقدت على الأم أكثر شي بس آخر شي عورت قلبي :(


المطعم حلو وانا مجربة عندهم بعد باستا شكلها يشبه الباستا في الصورة الاولى بس مع شريمب ..

عليكم بالعافية :)

My Books and Me said...

عليج بالعافيه :**

الفيلم عندي أياه الأول بس لحد الحين ما شفته

والثاني عندي الكتاب بس لحد الحين ما قريته
بس ما أعتقد بشوف الفيلم لأني ما أواطن كاميرون دياز ;P

رورو الشخبوطه said...

هلا انجو..

خخ انا من الاول احس غلط ال2حلاته وحده بس ماقدر انا ع ابو الاول خلاص محد يدشه واهي بروجكت للجامعه فتحت هذي عقب لقيت الكل هناك اهني ماكو الا انا خخ بساحبه وال2 ذكرى من ذكريات الجانعه فماقدر اجمعهم احس بخربهم @@جنه قلت قصة حياتي..

اي الاول يونس وال2 ماسوي..


اي حرام مو من حقهم كسرت خاطري ..

اهي مو قصدها بس ماتفكر :\

شوقتيني اجربها ..

الله يعافيج يارب ومشكوره..

وحياج الله..

رورو الشخبوطه said...

هلا موم..

الله يعافيج يارب ومرسي..

الاول يونس شوفيه اما ال2 مايسوى عادي ..

وحياج الله..

Fishah said...

عندي الفلم الاول بس ماشفته لانه ماشتغل :(

والثاني ماخذيته لانه رفيجتي قالت يبجي ويضيق الخلق وانا مونااااااقصه الصراحه :((

الله احب الفوتشيني .. بس بالبيت لاني اهبس ههههههه

بالعافيه خينوو

رورو الشخبوطه said...

هلا فيشه..

وي حسافه ..

اي احسن لج ولانه ومو حلو وايد..

خخ اهو اذيه يدمر ..

الله يعافيج يارب ومشكوره..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads