Saturday, January 9, 2010
السلام ..
اليوم حبيت اعرض لكم تجربتي لمنتجين مشهورين بالبودي شوب..
الاول :
Spa Wisdom™ Africa Spa Salt Scrub

بالعربي معناه ملح مقشر للجسم ..
هالمنتج مو يديد من 2003 اول مره شريته حزتها كان المارينا توه مبطل وكنت ب4 ثانوي و كانوا مسوين عروض اذا شريتي السنفره يعطونج كريم الجسم ببلاش وسعرها كان جنه 8 ..
الحين صارت ب10 وشي ..
المهم عن نفسي حبيتها :
1- لانه توحد لون بس طبعا بشكل بسيط ومع الاستمرار..
2-تنعم الجسم هم بشكل بسيط ماكو مثل سنفرة لوريال اللي انقرضت اهي اهي ..
3-وتدفي احس لي حطيتها انه دافيه تونس وملمسها ناعم ..
المنتج ال2 :
Africa Spa Hand & Foot Butter
واهو مرطب للايد والريل..
للامانه اختي جربته اكثر مني تجربتي له بسيطه بس مفعوله حلو ..
يرطب بشكل حلو ومو دبغ ومفعوله يطول..
والمجموعه فيها غيرهالمنتجين ..
البرطمان مادري اذا صح اسمه جذي او لا للجسم موجود بالكويت اما ال2 الصراحة مانتبهت عليه ..
وع طاريه علبته حلوه ومفيده :)
و زميلتي بالدوام قالت لي بودي شوب مسوي سيل حده مو وقته خخخ ..
اللي تروح بليز تسال متى يخلص :\
وقبل لا اختم وانا احوس ادور الصور حصلت موضوع يشوق عن منتجات بودي شوب ..
وهذي مدونتها عباره عن سايت مترجم لبودي شوب وايد حلوه فكرتها ماشاءالله بس التصفح بالمنتدى اسهل..
وبس سلامتكم ..

16 comments:

Crazy Girl in aGood Way said...

هااااااااي

سنفره افريكا سبا تينن

تنعم اكثر من التوحيد

لاني استعملتها فتره قصيره مو طويله

ساره النومس said...

اهم شي ان مادري اذا صح اسمه جذي ولا لا لوووول

والله ودي اجرب

بس شنو اسم السنفرة مالت لوريال ؟؟ واقدر احصلها برا ؟

شاي الضحى said...

ولا مره جربت السنفره مالتهم

بس الكريم جربته فتره بعدها قطيته مع ان كان زين بس مليت منه

عاد اليوم مريت عند بودي شوب بس ما دشيته


شكرا :)

Anonymous said...

عاد تصدقين و الله كنت بسوي review على بعض المشتريات اللي شريتها توه :)
عليج بالعافية و شوقتيني اجربها

رورو الشخبوطه said...

هلا والله كريزي ..

اي صح التنعيم اكثر ..

بس مره جربتها بروحها بدون صابوني وكان مفعولها حلوو لتشيل اليلد الميت ..

وصح يبيلها استمرار..

وحياج الله..

رورو الشخبوطه said...

هلا طموحه ..

خخ خليتي كل الموضوع وركزتي ع هالكلمه ..

ماعرف اسمها بس هذي صورتها..

http://pics.drugstore.com/prodimg/82156/200.jpg

ومادري والله انا كنت اخذها من جمعية الشاميه ومره لقيتها بكارفور هالحجي ب2007 و عقب مالقيته ..

وحياج الله..

رورو الشخبوطه said...

هلا جايونه..

اي استانس لي خلصت العلبه :> احس انجاز ..

حسافه جان وفيتينا باخر الاخبار..

العفو ولو ..

حياج الله..

رورو الشخبوطه said...

هلا حنان..

من بودي شوب؟؟

وناسه احب هالموازيع ..

ناطرتج ..

والله يعافيج يارب مشكوره..

وحياج الله..

Engineer A said...

أنا جربت سنفرة أفريكا سبا ..

مادري حسيتها ما تسوي شي!

يعني ممكن تنعم اي بس ما تفتح والثانية ما جربتها ..

دوريلنا على سنفرة مفعولها عجيب :)

يعطيج العافية

Made n Q8 said...

hello roro

انا جربت سنفره النعناه جنه اسمها جذي مالت الريول هذي صج تعطي انتعاش اما الي انتي حاطه صورتها بعدي ما جربتها

والله يهداهم الحين وقته تنزيلات خل ينطرون شوي :(

رورو الشخبوطه said...

هلا انجو..

انا كنت اجربها مع الصابون التونسي وكان مفعولهم حلو بس الصابون اقوى بالتوحيد ..

المهم مره جربتها بروحه تشيل اليلد الميت من صوب الكوع اهم شي كوعي خخخ وحتى اللي تبيع قالت جذي :) قالت توحد..

وان شاءالله احصل :)

الله يعافيج يارب ومشكوره ..

وحياج الله..

رورو الشخبوطه said...

هلا والله مدمد ..

ماجربت هالسنفره انا اهم شي تنعم بس جنه ماره عليها طبعة ريول..

اي سليحط ..

وحياج الله..

amani said...

انا دايماا استعملهم واحصلهم
ما استغني عنهم لانه فعلااا ريحه مو طبيعيه

ههههه

اتدوهن واناام واقعد الصبح حايشني برد بس والله نعووومه مو طبيعيه

Angel of silence said...

مشكورة على موضوعج :)
عاد انا شاريتها من فترة نسيتها و ماجربتها

ذكرتيني فيها ;)

رورو الشخبوطه said...

هلا اماني..

مشكوره ع عرض تجربتج..

بس تدفي ماتسوى عليج هالنعومه :)

وحياج الله..

رورو الشخبوطه said...

هلا انجل ..

العفو ولو..

اي جربيها تسوى :)

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads