Friday, December 11, 2009


السلام ..








صرت ملكه وعندي تاج وورد ورصاص :)








كلهم من جايونه مرسي ..








والثمن اجابات ..














اسمك واسم مدونتك؟



رورو الشخبوطة ..



اسماء مدوناتي ...



1- ترندي قيرل ..



2- شخبوطة ..







احب الالوان؟ الايام؟ الارقام؟



اللون الفوشي ..



الايام اي يوم عطله احبه واعتبره عيد بعد :)



الارقام افضل رقم 1..



برجك وتاريخ ميلادك؟





برج الدلو ..



تاريخ ميلادي 11/2/1987



قرب :)باجي شهرين >> نغزه



ماهم مميزاتك؟ واهم عيوبك؟ وماهى الصفه التى تتمنى ان تتوفر فيك؟



ميزتي اني صريحه وحقانية و صاحبة مبدا وساعات احس اني طيبه خخخ,,



عيوبي فاقده الذاكره و اتنرفز و سلبيه ساعات ..



الصفه اللي اتمناه اكون ايجابيه و ما تنرفز ..





مكانك المفضل؟



بيتنا و اي مكان في يمعه حلو وناسه ..



واول كنت احب دجة القسم..



اي هى هوايتك المفضله؟



القراءه والقرقه الشفويه فيس تو فيس ..





ما المقوله اللى تؤمن بها؟



ليس الفتى من قال كان ابي ** ان الفتى من قال هائنذا.



مابين طرفة عين وانتباهتها *** يغير الله من حالٍ إلى حالِ



تفالؤ الكويت مازالت جميله << د. احمد الربعي <<بنتفائل والله كريم
انما نعامل الناس باخلاقنا لا باخلاقهم..




اجمل هديه قدمت لك من مين؟



اجمل الهدايا اللي تكون مفاجئه وغير متوقعه حتى لو قرطاس:)



اسعد يوم فى حياتك؟ واتعس يوم فى حياتك؟



اي يوم انجز فيه شي يذكر اهو سعيد ..



تعيس يمكن يوم وفاة ديده الله يرحمها يارب بس بنتلقى بالجنه يارب..



موقف طريف لا ينسى من ذاكرتك؟



وايد بس مايحضرني شي الحين..



معاك ثلاث وردات لمين تهديهم ؟



الوردة الأولى لديده و يدي واحمد الربعي << الله يرحمهم يارب



الوردة الثانية لامي



الوردة الثالثة لعائلتي ورفيجاتي واللي يحبوني ..



الورده الرابعه اللي عطتني اياها جاي:p



معاك ثلاث رصاصات على من تطلقهم؟



خخ شسالفتي اليوم مع الرصاص :)



عموما ماحب العنف ولا ايده وافضل الاستفزاز عليه بس الرصاص اذا في مجال يزيل كل من يسوي واسطه ويبديها ع الكفاءه فيستاهلها و يبيلي وايد عيل:(



اي رايك فى الحب؟ ولمن تقول اجمل كلمه حب؟



اه من الحب وسيرة الحب وظلم الحب



الحب مزيج من المشاعر الاحترام والتقدير الوفاء الاخلاص الشوق التضحيه العطاء ..



للي يستاهلها معاني مو رومانصيه ولا من النوع اللي ابوح بمشاعري ولا راعية كلام حلو ..



هل من السهل ان تمثل الحب لشخص يحبك لعدم جرح مشاعره؟



امم اهو لا بس يعتمد انا نادر اللي ماحب ناس بس جذي عبط العاده اكره او بمعنى ادق اتنرفز من موقف او شغله معينه ومجرد مايتعدل الشخص ومايكررالموقف الخايس بكون معاه اروع مايكون فاذا احد قدملي ابسط حقوقي وهي الاحترام بقدمله كل شي ومع العشره بحبه ان شاءالله ..



المراه فى نظر الرجل ।لحظة الحنان ......... أكمل ؟



اعظم كائن





الرجل فى نظر المراه...الآمان ..........أكمل؟



السند ..



ماهو اسعد خبر سمعته هذا العام؟ وماهو اتعس خبر؟



اسعد خبر:انه ولد اخوي طلعوا براطمه علي خخخخ..



اتعس خبر: وفاة ديده الله يرحمه يارب و اي خبر انه في خطيب يرفع ضغطي :\





لمن تهدى التاج؟



مدمد >>made n q8



الوتين - خاتون <<اذاحابين ..



فشه اذا ردت مختفيه :\





مرسي جايونه :)

اضافة : اهداءشريته بس عشان اصوره لج اكيد عندج مثله خخخ..



12 comments:

شاي الضحى said...

وي وي يا بختي صار عندي ورده

اول ما قريت ابتسمت جان يتشقق الماسك لوووووووووووووووووووول (لاني حاطه ماسك الحين بويهي)

هممممم يعني نزهب الهديه من الحين؟ هههههه

الله يرحم يدتج ويدتي واموات المسلمين

الواسطه ما يبيلها رصاص يبيلها دبابات ورشاشات وقنابل نوويه يالله نفتك منها


لووووول متعقده من الخطاب ... انا عطيت امي تصريح اي واحد بدون ما اعرف منو """ لا """ :q

مشكوره حبيبتي :)

رورو الشخبوطه said...

هلا جايونه ...

خخخ بالعافيه ..

وي وي سوري خخخ وناسه الماسكات نعيما:)

اي بليز خخخ..

امين يارب جزاج الله خير ..

اي والله ..

اي اهو زين ومو زين وانا قايله لامي مابي اتزوج ماكو فايده خخخ..

والعفو ولو ..

حياج الله..

شاي الضحى said...

الللللللللللللللله

يهببببببببل

عندي 3 نفس طريقته بس مو نفسه بالضبط

وعندي واحد هم نفس الطريقة يشب ليت يابته لي خدامتنه القبليه لووووووول


ما قلتي من وين خذيتيه بروح اخذ نفسه


مشكوره :***

made n q8 said...

مبروووك التاج خخخخخ

وخل اروح اجاوب عالاسعله الله يستر عسى ما أخوره لوول

رورو الشخبوطه said...

ولكم باك جايونه..

بالعافيه ..

من سيرز حولي عند المحاسب..

اذاماحصلتيه قوليلي اطرشلج هذا ..

والعفو ولو..

حياج الله..

رورو الشخبوطه said...

هلا مدمد..

الله يبارك فيج يارب خخخ صارالحين عندج :)

لا عادي اخذي راحتج خو بلوقج ورايج خخخ..

وحياج الله..

الوتين said...

لحظه لحظه رورو شهالوهقه؟ شسالفة التاج؟ ترى ماني فاهمه :s

رورو الشخبوطه said...

هلا الوتين..


خخخ اهو اسم لمجموعة اسئلة اللي فوق اللي عليج تسوين لهم كوبي و تجاوبين عليهم بوست ببلوقج اذاحابه طبعا :)

وبس سلامتج..

اقصوصه said...

ما شالله

تاجي وصل لين عندكم

لووووووووول

اشوف التاج انتشر بين المدونات بشكل رهيب

لو اعرف انج تحبين الفوشي

جان ما اخترت التاج اسود

لوووووووووول

رورو الشخبوطه said...

هلا اقصوصه..

انتي اللي مالفتها ؟؟

خخخ بس الاسود نايس مع الفوشي ولايق للبنات والصبيان ..

حياج الله..

خاتون said...

على قولة القايل:
كل شي فيك أنت حلو *_^
وي فديتج ما أدل بيتج>>>أكيد أحب التاج شرط مع المملكة لووووول*_^
على البركة أنه ولد أخوج طلع نفس براطمج عقبال
الأحفاد الباجين ^_^
أما الفيل ذكرني ببرزنتيشن أختي فشلة بالجامعة و برزنتيشنها عن الفيل لووووول ^_^ دي كانت أيام عبيطه بشكل

رورو الشخبوطه said...

هلا خاتون..

خخ مرسي..

تبين العنوان :) بتدلينه من برقة تاجي :p

ماتغلى عليج المملكة بس احنا حدنا نوزع تاجات ..

خخ الله يبارك فيج ان شاءالله ومرسي ..

خخ اختج جاي:) وعادي بالجامعه بدعنا ..

حياج الله خيتو وبانتظار بوستج..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads