Monday, December 21, 2009
السلام..
رديت للبوستات المزدوجه من كل بستان زهره << شخباري مجلة ماجد :)
اليوم رحت لفيلم معتوق في بانكوك والحمدالله انه التذكره بدينار ونص:p
اللي ما عجبني فيه:
-طارق العلي وايد ماخذ راحته مع هالتايلانديات :\
- الفيلم يبيله بطله اصغر من عمو طارق :p
- مادري شعلاقته بتايلند 2مره يسوي شي فيه عدل !!
- ماكو قصه احس ميمعين جم فكره من افلام قديمه ودامجينها ..(النصب بالسفر- العصابه- الاشخاص متشابهين)
احلى شي في جم موقف بسيط بس يضحكون ..
دعايته :
_________________________________________________________
ريوقي العاده يكون من كاريبو ..
وهذي جم لقطه لطلباتي منهم ..
سيزر و اخليهم يخلطونها وساعات يحطون فيها خبز وساعات لا..

صمونة تركي ذوقته 3 وعجبتهم :)


هوت شوكلت هاليوم كان احلى هوت شوكلت ذقته عندهم كانت الكريمه وايد ونوعيه الككاو مغيرينها :)


طبعا مو كلهم اطلبهم مره وحده..

وهم اطلب كرواسان جبن مره خذيت ساده كرهت عمري خخخ..

وايام الجامعه كنت اطلب منهم براوني لذيذه وصولص الكاكو سايح ايباااه خخخ ..

وهم عندهم كيك انجلش جنه كان حلو بس من حبيته طلبته جم مره وقطعوه @@

____________________________________________________

هالروايه قريتها من زمان قبل معرض الكتاب ..



اسمها :شمس الليل ..


مؤلفها : د. نبيل فاروق ..

القصه عباره عنمجموعه من الرسائل البريديه من البطله صفاء لصديقتها في مدينتها السابقه تروي فيها تفاصيل حياتها واهم الاحداث التي تمر بها هي حبها لجارها الشاب الكفيف .


وبس سلامتكم :)

14 comments:

شاي الضحى said...

اي والله اشوه بدينار ونص ههههههه

طارق العلي مره قابلوه عن التايلنديه الي معاه قالوله في تواصل بينكم الحين؟ قالهم شناوي علي عشان تذبحني المدام .. وبالفلم مبدع لوووووول

بالعافيه

ما احب الهوت جوكليت ... بس في مكانين كل ما اروح لازم اطلب هوت جوكليت الاول في جوكليت بار (ايتاليان هوت جوكليت) والثاني (بتلر) في ايرلندا هذا نمر ون مو طبيعي حده لذيييييذ

وما قلتي شنو رايج بالروايه؟


ومشكوره :>

C'est La Vie said...

عليكم بالعافية
بالنسبة حق فيلم طارق العلي
مادري شلون يقولون عنه فيلم كويتي؟ وسينما كويتية؟
والمثلين اغلبهم تايلنديين؟
عالعموم احنا عارفين طارق واسلوبه فمو غريبة ان فيلمه يطلع بنفس المستوى
الحين كاريبووو
ذكرتيني فيه يم يم
قبل بالجامعة كنت اطلب dates cheesecake
شيز كيك على تمر وفوقها توفي
لذييييذة بس شوي ثقيلة
بس مادري اذا ليلحين موجودة

R@ngoog@h said...

هلوو رورووو ..

ابييه هالتركي ساندويتش ؟؟ مووو صج اموت فيها

عليج بالعافيه ..

وبالنسبه للفلم ؟؟ وحياتج مافكرت اروح له احس ابيه

خلاص ملينا من الاروقوزات والتنقز والقصص التافهه

Made n Q8 said...

Hello roro

والله عاد قلت أكيد مافي قصه بس سوالف ضحك وعبط

وشوقتيني عالهوت جوكليت :)


علييج بالعافية

رورو الشخبوطه said...

هلا جايونه..

ووايد عليهم بعد خخخ..

يامؤدب @@

الله يعافيج يارب ومشكوره..

شوقتيني اجربهم انا مو وايد مع المشروبات بسعشان ككاو خذيته ..

اي صح قاعده اقول الحجي شويه خخ ..

الروايه رومانسيه وراقيه ..

والعفو ولو ..

حياج الله..

ومشكوره

رورو الشخبوطه said...

هلا سي لافي..

الله يعافيج يارب ومشكوره..

بالناي صاجه الاغلب تايلندين بس يمكن عساس طاقم العمل والانتاج ولا الممثلين ماكو كويتين الااهو ..

واي صح من زمان مو مقدم شي زين :\ا

وكاريبو كل كيكه تجيز كيك وفي انواع وايد وفيرقم مخصص لهم بسماثبت عالانواع :\ ولا جان فدتج ..

وحياج الله..

رورو الشخبوطه said...

هلا والله رنوجه ..


اي لذيذه..

والله يعافيج يارب..

و احسن لج انا اختي اللي كانت تبيه ..

وقلت الادب و تطنز ع ابو تنكيت..

وحياج الله خيتو..

رورو الشخبوطه said...

هلا والله مدمد..

اي حده عبيط وحتى مايضحك وايد :\

ماكو الا ادز لج واحد مع اختج :p

الله يعافيج يارب ومشكوره..

وحياج الله..

Hanan said...

ضحكتين على الدينار و نص خخخ
المشكلة يوم الاثنين دايمامشغولة فماكو وقت اسوح السينما بهاليوم .. شوقتيني على الفلم و طارق طول عمره باعها بالحجي و كل شي خخخ و بالنسبة لريوق كاريبو .. انا احب كرواسون الجبن شحلاتها اما الرواية ما سمعت عنها :)

q8-lawyer said...

حتى انا رحت فيلم طارق العلي حسيته جنه اللمبي
وهم مثلج رحت يوم الأثنين يعني موحسافه دينار ونص
لووووووووول

ويعطيج العافيه على البلوق عجبني :)

رورو الشخبوطه said...

هلا حنان..

خخ انا عقب الدوام اروحلها ..

اي هالمره الحركات شويه بعد لج عليها ..

اي لذيذه انزين للحين ايبعون البراوني بكليتنا ؟؟

خخ والروايه عرفتها من بنيه بالمنتدى هم بكليتنا :)

وحياج الله ..

رورو الشخبوطه said...

هلا كويت ..

خخ عاد مااحب اللمبي ..

اي حلاته السينما الاثنين :)

الله يعافيج يارب ومشكوره حتى انتوا بلوقكم ماشاءالله وايد حلو..

وحياج الله..

e3lamidiaries said...

شخبوطة انا شرابي المفضل الهوت جولكيت لان ما اشرب شاي او قهوة :)

بالنسبة لفلم طارق العلي انا كان ودي اروحه بس محد رضى ايي معاي الكل يقول فلم كويتي خايس :) عشان جذي الافلام القادمة لازم تكون قوية ولها حبكة وقصة عشان الناس تفتخر فيها وتروحلها
وتسلمين

رورو الشخبوطه said...

هلا اخوي اعلامي..

حتى انا ماشرب لاجاي ولا قهوة :)

اي احس بعدهم مو متمكنين ودي اشوف فيلم اعلامي كل الكوادر كويتيه اقصد تصوير واخراج والخ ..

ان شاءالله القادم يكون احلى واقوى ..

الله يسلمك يارب..

وحياك الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads