Friday, December 18, 2009
السلام..
امس كنت افتر بالبيت وكان حده ملل لقيت اختي حاطه التلفزيون ع mbcوحزتها كانوا عارضين برنامج جويل..
و اول كنت اتابعها برنامجها "بصراحة أحلى" وكان البرنامج بمجمع توديهم محل يختارون هدوم عقب اهي تشوفهم وتقرر الانسب او تختارغيرهم و توديهم الصالون يضبطون شعورهم سواء قص \صبغ\ تسريح وعقب اهي تمكيجهم ، وبعدين تغير اسمه لي "بصراحة كتير أحلى" وحزتها زادت فقرة طبيب الاسنان، و الحين اسمه صار"مع جويل أحلى"..
وصار بصالونها اللي بدبي واسمه :

وفيه مثل باجي صالون مكياج وشعر(صبغ -علاج -قص- تركيب-تسريح ..الخ)و سبا وتاتو والخ من سوالف الصالونات وزياده على هالخدمات في تصوير وبوتيك لازياء واكسسورات ..
وهذا صورته من برا .. ماشاءالله دورين وحلو :)


من داخل :





سايت الصالون :

http://www.maisondejoelle.com/index.html

مصدر الصور وفي معلومات عن الصالون :
ووايد شوقتني بالبرنامج اني اروح صالونها :)
اللي حابه تشوف بعض الحلقات تحصلهم هني :
والبرنامج ينعرض في هالاوقات ..
يعرض :
الخميس, 17:00 (جرينتش) ~ 20:00 (السعودية)
يعاد :
الخميس, 10:00 (جرينتش) ~ 13:00 (السعودية)
وبس سلامتكم :)

14 comments:

عفره said...

شفت اول عرض لها عقب ما تابعتها
بس واايد تغير الشو مالها عقب
و صالونها شكله يشوق

رورو الشخبوطه said...

هلا عفره..

حتى انا اكثر شي تابعت الاول ..

اي تغير اول كانت تسوي اغلب الشغلات مثل الازياء والمكياج الحين بس تعطي تعليماتها..

وايد يشوق راقي:)

وحياج الله..

Fishah said...

شحلو صالونها ماشاءالله :)

اول كنت اتابعها .. بس بالصدفه

:)

BookMark said...

أتابع برنامجها بس فقرة المكياج
وباجي الفقرات اممم أطوفهم
تعجبني طريقة مكياجها
ترضي كل الأذواق

Made n Q8 said...

hello roro

قبل كنت احرص اني اتابعها بس الحين صار كلش مو شي..والله قمت اشوفها بس عشان اضحك انا يكسرون خاطري المشتركات تهول فيهم واهما مستانسين..

قبل كان شغلها راقي ومكياجها ناعم الحين الي يحطون بصالونها مستواهم جنه الصالونات الي يحطون صورهم بالوسيط..

الصالون كتصميم حلو لكن كانتاج خرطي خخ

وثانكس عالبوست

Engineer A said...

انا اول كنت اتابعها في برنامجها القديم .. اما الحين يعني اذا شفتها صدفة اوكي كملت البرنامج ..

بس صج شكل الصالون حلو وشغلها نايس ..

ميرسي :)

سعد المحطب said...

الله رزقها من التقديم وسوت هالصالون ..

أعتقد خوش برنامج ..
بس عيبه إنه تقليد ..

حاله حال كل البرامج العربية ..
تقليد X تقليد

يعطيج العافية : )

شاي الضحى said...

هلوووو رورو

والله شي صالونها يحليلها اكشخت

توقعت صالونها بلبنان مو بدبي

غيرت اسم برنامجها جم مره مادري ليش


مشكوره :)

رورو الشخبوطه said...

هلا فشه..

اي حلو ماشاءالله ..

اي احس اول يتابعونها اكثر..

وحياج الله..

رورو الشخبوطه said...

هلا بوك مارك ..

اي مكياجها العاده ناعم فحلو هالشي..

وحياج الله..

رورو الشخبوطه said...

هلا والله مدمد ..

خخخ ع قولتهم واثقين فيها ..

وي وي خخ مو هالدرجه انا حلقه هالاسبوع عجبني مكياج الصغير ناعم ..

انا ماشفت الا حلقتين والانتاج كان متفاوت :)

ولكم وحياج الله..

رورو الشخبوطه said...

هلا انجو..

اي مثل ماقلت الفيشه احس متابعينه اول اكثر لانه كنا نسولف عنها بالجامعه وكلنا نكون شايفين الحلقه..

اي شكله راقي ماشاءالله ..

دوغيا :)

وحياج الله..

رورو الشخبوطه said...

هلا اخوي اجتماعي..

اي ماشاءالله الله يهنيها ويزيدها من فضله يارب ..

بس الحلو فيه انه طورت البرنامج ماحكرت نفسها بطريقه وحده وثابته..

والله يعافيك يارب ..

مشكور وحياك الله..

رورو الشخبوطه said...

هلا والله جايونه ..


اي ماشاءالله تطورت :)

حتى انا توقعته بلبنان بس جنه احسن لها يكون بدبي :)

الظاهر عشان ترز اسمها خخ..

العفو ولو حياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads