Tuesday, December 15, 2009
السلام..


شلونكم..


اليوم بسولف معاكم عن منتجات لوكستيان اللي يقولون انها تتميز بمكوناتها الطبيعيه..




انا جربت منهم 3 شغلات:
1- كريم حماية ..
مميزاته :
- فتح بشرتي بشكل بسيط ..
-ما في لون.(اللي يخلي الويه مشوهب او ابلق)
-وحد لون بشرتي انا خدودي يصيرون حمر لانه بشررتي حساسه مع استخدمه خف هالشي .
-يرطب البشره بشكل حلو و ووخر حراشيفي .
عيبه : احسه ولا بيزه بدون المرطب .
2- الصابونه ..
استخدمتها مرتين تقريبا لويهي احس انه فرش بس اخاف كثره استخدامها تجفف بشرتي وافضل الغسول عليها لانه يرطب بشرتي اهي لا.
واستخدمتها لايدي حسيتها صفت ايدي واحس ايدي خفيفه و نظيفه بس عيبها ماترغي (اعتقد انه هالشي ميزة الصابون الطبيعي ) بس عن نفسي ماحب الصابون اللي مايرغي احس جني افرك ايدي بطابوقه @@
وهم ميزتها حجمها كبير وتطول حتى ماعتقد خلصتها جنه انتحرت كل مره الحق عليها اخر مره خونت فيني خخخخ..
3- هالمنتج عباره عن ماسك وسنفره..
اللي تبيع قالت لي انه فايده يوخر حراشيف اللي ع خدي بس بعد تجربه اكثر من مره باكثر من طريقه اقول خرطي في جم حرشوفه تظل عقب وساعات احس قوي على ويهي @@
احب اي منتج انه يكون يرطب عندي ماسك نفيا احسن منه :\
وماشفت فيه ميزه تذكر..
و بالنسبه لنوع بشرتي جافه حساسه ..
والاسعار الحساب كله طلع 27 ..

وسلامتكم ..

14 comments:

شاي الضحى said...

طلعتي سمجه؟ ههههههه

احلى شي بالصابون الرغوه

مو خوش دعايه لهم لووول

جربت ماسك نيفيا حلو

جربي الماسكات الطبيعيه الي تلقين اغراضهم بالمطبخ افيد من هذوله :q


مشكوره :>

رورو الشخبوطه said...

هلا جايونه..

خخخ الظاهر :p

اي وناسه وحلاته فقاعات بعد ..

خخخ العاده كلن من يمدح هالمحل انا قلت تجربه بحذافيرها المميزات والعيوب..

اي مبدايا اهو احلى شي جربته من الماسكات..

اي بجرب ماسك النشا وماي الورد..

قبل جربت الروب ومره الهرده..

العفو ولو..

حياج الله..

DoDoq8 said...

جربت عندهم شيين كريم مرطب للبشره كان حلوو بس بسرعه خلص خلينا على ماي الورد احسن

وجرب وايبس الديودرنت كااان عجييب

بس قطعووه :(

رورو الشخبوطه said...

هلا دودو..

مشكوره ع عرض تجربتج..

كنت بجرب الديودرنت بس مالحقت عليه..

وحياج الله..

Made n Q8 said...

Hello

شكرا لنقل التجربه

خل اقولج الأشياء الي جربتهم منهم

1_ حمايه للشمس اسمها ماادري شنو برازيل ما عجبتني فيها لون يخلي الويه مشوهب.

2_ غسول فوم لونه أزرق من مجموعه الوايتننغ حلو وخفيف.

3_ سيروم من نفس مجموعه الفوم بصراحه ما استمريت عليه عشان اقولج اذا يفيد ولا لأ.

4_صابونه زبده الشيا استخدمتها للجسم زينه.

5_ حاليا قاعده استخدم جل لتحت العين على تفاح وللحين ما شفت نتيجه بنطر لين اخلصه واشوف.

6_ كريم للايد على زبده الشيا لما شميت ريحته جنه ريحه كريم نيفيا.

وبس :)

رورو الشخبوطه said...

هلا والله مدمد..

العفو ولو..

وانتي بعد مرسو ع عرض تجربتج..

انا لي الحين مالقيت شي عندهم توب يسوى اكرره..

والصابونه جنه مثل مالتي ..

وحياج الله..

عفره said...

غرامي احورف بنفسي حتن لو مافيني شي احس انه في شي غلط ولازم اعالجه
مره يننت دكتور جلديه
رحتله اتشكى من بشرتي اقوله تخرع مو حلوه بليييز دورلي حل
واهوا مبطل عيونه يقولي واللهي ياابتي مافيهاااش حاااقه ئولي الحمدالله لا حب شباب ولا محفره صافيه ماشاء الله
وانا اقوله لا فيها شي غلط شوووف ويهي لونه مشوحب ؟؟
وما راااضا يصرفلي شي ورحت احورف فيها لما حسس ويهي :(

رورو الشخبوطه said...

هلا عفره..

وي حرام عليج..

الحين ان شاءالله تعدل ..

وحياج الله..

Sn3a said...

3jbatnee salfat l 7arashef
ana ast5dem menhom hand lotion
re7ta mo nice
bs wayed yra6eb o yna33em l eed

Engineer A said...

دايماً أشوف هالماركة بس عمري ماجربتها او مادري مافكرت أجربها ..

امممممممم جنج ماسويتي لهم دعايه؟

:))

رورو الشخبوطه said...

هلا سنوعه..

اي مشكله البشره الجافه :\

مشكوره ع عرض تجربتج..

اي هم الحمايه ريحته موذاك الزود..

وحياج الله..

رورو الشخبوطه said...

هلا انجو..

والحمدالله عالسلامه..

حتى انا كنت نفسج امره صوبه وماادشه بس مره قلت ابي الديودرنت اللي قالت دودو عنه ولا قطعوه خخخخ..

وهالمره داشه اتطمش مو بالي اشتري شي جان اخذ هذول :\

وماسوي دعايات خخ اعرض تجاربي :)

وحياج الله..

العناية بالبشرة said...

تسلميين

رورو الشخبوطه said...

الله يسلمج..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads