Wednesday, December 9, 2009
السلام ..

امس طلعت من الدوام ورحت الافنيوز بس امبيه الطريج زحمه حده :\ المهم وصلت هناك لقيت اختي طبعا انا وياه متفقين مو صدفه رحنا بنحجز بالسينما بس انصدمت الفيلم اللي ابيه 6 متاخر :(

المهم حجزنا فيلم 2 مو بالي ادشه كلش ولا اعرفه اساسا ..



وعقب رحنا كلينا بفرايديز هالمطعم احبه حبا جما و باخر كورس بالجامعه يمكن كل ثلاثاء انا اتغدا فيه ..

وطلبنا كان كله مقابلات هذيل اكثر شي نحبه بفرايدز جربت اغلب الاطباق بس ماحبيتهم مثل هذول ,,

تويستر ..


شوربة بطاط ..


سيزر ..



__________________________________________________________


مامدانا ناكل الا صار وقت الفيلم ..

الا اهو اولد دوغز حجزته و بوزي لي ركبي الا بدش السينما وانسب وقت لنا كان هذا ..



طبعا ركضه رحت اصلي وحتى ماخذينا نفيش لانه كان في قبلنا جم واحد ومع هذا دشينا والفيلم بادي :\



من موقع السينما :

http://webserver2.kncc.com/arabic_synopsis.php?mv=2831

بطولة

John Travolta, Robin Williams

المخرج

Walt Becker

النوع

كوميدي, عائلي

مدة الفيلم

87 min

تصنيف

PG

القصة
صديقين حميمين روبن ويليامز وجون ترافولتا تقلب حياتهما رأسا على عقب عندما تسند لهما مهمة رعاية توائم يبلغا السادسة من العمر وفي نفس الوقت فانهما على وشك توقيع اكبر صفقة تجارية في حياتهما.

هالتوام اهما عيال روبن اللي اسمه بالفيلم دان ..

راي الفيلم احلى من المتوقع دشيته ماده بوزي طلعت شاقه الحلج :)

اي دعايته ..

http://www.youtube.com/watch?v=RhY8AP806tU


***************************************************

وعقب مرينا خذينا برد من قولد ..

انا ماحب الخبيصه اهي اهي ع ابو ابي كورتين وحده الورديه جنه علج وال2 الزرق شعر بنات وبزيد خدود بنات مادري عيوز ماكنت ادري انه بيخلطهم جذي بس ماخليته يكمل الخلط :)





وهذا مال اختي اذكر ككاو ونوع ال2 نسيت اسمه و زادت براوني ,,



بس خدمتهم حلوه واسعارهم احلى ..

__________________________________________________


ولازم خو قصه مع اني هالفتره متنحه مااقرا وايد..

بس مو لانه امس زحمه فمليت وقريت هالروايه اسمها سلمى وتاليف غازي القصيبي ..





النبذه الخلفية :


يرفع الرئيس جمال عبد الناصر رأسه من الاوراق التي تكتظ بها طاولته الصغيرة، في بيته في منشية البكري. يشرق وجهه عندما يرى سلمى واقفة أمامه. يقول ضاحكا: - سلمى‍‍ كيف دخلت؟ لم يشعرني أحد. لم أحس بك. تضحك، بدورها ، وتقول: - سيادة الرئيس! هل نسيت أنني مديرة المخابرات العامة؟!

راي :

امم القصه ذكرتني بسلوى المطيري لانه البطله اغلب الوقت نايمه وتحلم بابطال عقب ماتسمع عنهم شي بالراديو ع سبيل المثال صلاح الدين واحمد شوقي وعبدالوهاب و جمال عبدالناصر وحتى شارون :\


وبس سلامتكم :)

16 comments:

عين بغزي said...

أقتباس:
امم القصه ذكرتني بسلوى المطيري لانه البطله اغلب الوقت نايمه وتحلم بابطال

لوووووووووووووووووووووووووووووووول
شي موطبيعي هالربط بين روايه و قصه انسانه مجنونه
لوول

رورو الشخبوطه said...

هلا اخوي عين بغزي ..

لا وي استغفرالله بس خخ هذا اللي طرا ع بالي لما قريتها ..

وحياك الله..

الوتين said...

ههههههههههههههههههه ضحكتيني على الربط بين البطله وسلوى المطيري

شلونج رورو؟

الفلم امبيه تحفه حده .. بس روبين ويليمز شدق حده بس بيموت

عالعموم هني وعافيه حياتي .. وكل برد وانتي بخير اسمها خذيتي فكره ماتطلبين اكثر من نكهه مره ثانيه :*

حبي

Shaikha said...

عاد اول امس ، طلعت من الجامعه ورحت تغديت بـ فرايديز الأفينيوز لأول مره ..

بس معاملتهم ما كانت ذاك الزود ، الفروع الثانيه ارحم !

~~~

احب كتابات غازي القصيبي ..
النبذه الي حاطتها تشد ، لول بس رايج فيها عجيب
p; !

رورو الشخبوطه said...

هلا الوتين ..

خخ هذا اللي طرا ع بالي ..

الحمدالله وانتي ؟؟

بس يونس :) حبيته ..

الله يعافيج يارب ومشكوره..

وانتي بخير يارب..

لا مره 2 ان شاءالله ماخليه يسوي ميكس لهم :)

وحياج الله ..

رورو الشخبوطه said...

هلا شيخة ..

بالعافيه يارب بالعكس زينين انا اكثر فرايديز اروح له اهو ..


انا هذا اول مره اقرا له و عندي له بو شلاخ برمائي ..

خخ ..

وحياج الله اختي..

شاي الضحى said...

هلووووووووووو

ما احب تويستر مالهم رفيجاتي يموتون عليه امي تسوي نفس طقته وواااايد احلى منه

ذكرتيني بزعفرانه بشوربة البطاط تحبها :(

وبالعافيييه :)


هالفلم صارلي فتره ادوره بالنت والمحلات وعند الهنود قالوا ما نزل وماكان لي خلق سينما

والاثنين الي طاف رحت مع رفيجتي تغدينه ودشينا السينما واكيد هالفلم

حدا مو طبييييييييييعييييييي طول الوقت بس تكركر ههههههههههه من زمان ما شفت فلم كوميدي :)

وقلت اذا نز بشتريه حق امي

هالآيس كريم ودي اجربه انتي نفس ذوق اختي الكبيره تحب اشياء مافيهم حليب انا احب الكاكاو والفانيلا والكاراميل بالمختصر اشياء تمتن هههههههههه

وبالنسبه للكتاب الظاهر سلوى المطيري قرته وتأثرت منه :q


شكرا

رورو الشخبوطه said...

هلا والله جايونه..

انا احبه لانه غرامي البطاط و كل ماخلي احد يذوقه يحبه..

اي انا مره سويت مثل برمضان وصورته والمقادير عشتو بس ماحطيته لي الحين خخخ..

وهم الشوربه طلعت طريقتها بس ماسويتها وان شاءالله ترد بالسلامه زوزو وتعزمينها ع الشوربه :)

و الله يعافيج يارب مرسوو..

لانه توه نازل شهر 11 ..

حتى انا من زمان ماشفت ..

ان شاءالله ..

خخ انا احب برد الككاو مال هجن داز و ساعات اخذ الجيز كيك مال باسكن و اول كنت كله الكاراميل مالهم بس عموما انا مو حيل مع البرد ..

خخ استغفرالله امبيه باستاثم فيها :(

العفو ولو..

حياج الله..

المباركية said...

عليكم بألف عافيه
عاد هذا فراديز عاد لوول

رورو الشخبوطه said...

هلا اخوي المباركيه..

الله يعافيك يارب ومشكور..

اي فرايديز بس ساعات يخورونها خخ..

حياك الله..

Made n Q8 said...

الفيلم دام ان فيه روبي ويليامز أكيد يضحك لان اهوا حركاته عبيطه خخ

لووول سلوى المطيري شي مو طبيعي هالانسانه كلش عاد ولا لما قلدتها منى شداد ههههههههههه.

والعايسكريم يشوق علييكم بالعافية
بجربه باقرب وقت بس ان شاء الله يطلع احسن من بو بيري

ويسلموو عالبوست

رورو الشخبوطه said...

هلا مدمد ..

اي انا حبيته :)

اي امبيه خخخخخخ استغفرالله ..

الله يعافيج يارب ..

ان شاءالله و اي احلى لانه نكهاته طبيعيه مو روب محزر ..

الله يسلمج يارب..

وحياج الله..

بو فلان said...

أووووووه يوم حافل بالاكل والفراره

عليج بالعافيه

فريديز الصراحه من احلى المطاعم وارخصها

خاتون said...

السلام عليمكـ
هني و عافية ... بس ترى قاعدة تحضينا على توسيع الولابس و هجر الخصور *_^
أما سلمى= سلوى فـ لوووووووووووووووول
بوست حلو و خفيف على الألب يسلمووو و كثري من هالبوستات الحلوة *_^

رورو الشخبوطه said...

هلا اخوي بو فلان ..

اي اخر شي 3\4 الاكل عداله ماكلينا شي من الركضه..

الله يعافيك يارب ومشكور ..

اي صح من الرخاص و حلو ..

حياك الله اخوي..

رورو الشخبوطه said...

هلا خاتون ..

وعليكم السلام والرحمه ..


الله يعافيج ويهنيج يارب مرسي..

خخخ لا راح تفترون فتحرقون الكيلوات الزايده ان شاءالله..

خخ هذا اللي طرا ع بالي ..

مرسي خالص من زؤقك ..

الله يسلمج يارب وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads