Sunday, December 6, 2009
السلام عليكم ..
اليوم بسوي لكم نشره اخباريه شحبوطيه ترندي ع قولة زملائنا فعوتيه :p
امس وانا احوس بقوقل لفت انتباهي ::
@@
طلع موضة السنه ..
الجاكيت العسكري ..
military jacket
ورجحت المصادر انتشارها بسبب وفاة مايكل جاكسون ..
جيكوا ع صورة ريهانه بالطرف فوق حسبالي مايكل بشبابه خخخخ..
من عروض الازياء..


وع المشاهير اعتقد بحفلة وداع مايكل جاكسون ..
بس هذيل اذرب من اللي فوق ..

http://www.dresslikestarz.com/2009/07/08/michael-jackson-fashion-and-style-influencer/
_______________________________________________________________

هالشهر يعتبر شهر الخصومات بمناسبة كريسميس والخ ..

من الاماكن اللي مسويه خصومات فيلا مودا لو احب جان ماسوه :\

ومكياجي مسوي عروض ..

_______________________________________________

من جانب انترنتي ..

كشفت مصادرنا عن بلوق بناتي اجنبي عجيبه فكرته اهي اختيار لوك احدى الفنانات ومن ثم تقليده بسعر ارخص ..

http://getwhitit.wordpress.com/

وع طاري البلوقات البناتيه مافي بلوقات بناتيه ستايلهم سمبل ؟؟ اذا تعرفون تل مي بليز ..

______________________________________________


وعلى صعيد الاعلام النسائي ..

تحتفل جريدة سيدتي بصدور العدد 1500 ..



بالنسبه لي توني متصفحه المجله وصلت لي النص العدد مميز ..


من اللي قريته وعجبني ..

-متابعتهم الاخبار تم رصدها ونشرها فيها في السنوات الماضيه..

- كاريكتارات العدد متنوعه ..

-صفحات الازياء حبيت فكرة on , out لمعرفات اخر صيحات الموضه اللي بتزل الموسم الياي او اللي بتستمر او تخلص ..

و الجدير بالذكر انه الغلاف فكرة هيفاء وهبي ومعاها تغطيه صحفيه تقريبا ل3 مراحل اهمها مع الطفل المريض بالقلب ..


والعنوان الكتروني للمجلة ..

http://www.sayidaty.net/

وهذه كانت اهم الشخابيط لهذا الاسبوع ..
شورايكم :)

12 comments:

Abdulwahab said...

خووووووووش بوست

أحلى شي الجاكيتات الجيشية
نطري عليهم شوي يهبون فيهم بالكويت و يسوونهم ستايل حجابات لووووووووول

مشكورة :)

Made n Q8 said...

وااي أبي اركز بكتب تعلييق مو قادره من قرقه الي يمي يالله صباح خيير


المجله بشوف اذا موجوده عندنا بقعد اتطمش...

والتنزيلات متى تبتدي ما صارت ..خوفج على هالنطره بينزلون أسعار عالخلاجين خخ

Engineer A said...

بالنسبة لموضة الجاكيتات العسكرية اللي نفس مالت "مايكل بن جاكسون".. فعلاً أنا شايفة توه منهم في محل بالأفنيوز .. وقلت أكيد موضة .. أو هبة :)


ومبروك لمجلة سيدتي و عقبال الإحتفال بالعدد ال100،000

خوش شخطبة :)

رورو الشخبوطه said...

هلا اخوي وهابي ..

مرسي :)

خخخ لقيتهم بلاند مارك وتطنزت عليهم :)

العفو ولو..

حياك الله..

رورو الشخبوطه said...

هلا ميد..

وي انتي مال تلسبينهم جود يسكتون خخخ..

اي تونس وجنه منزلينها بسايت المجلة..

خخخ اهو حلاته تروحين اول الايام و مو الافنيوز مافي شي :(

واتوقع بنص 12 تبلش ..

وحياج الله..

رورو الشخبوطه said...

هلا انجينر ..

حتى انا شفتهم بلاند مارك وضحكت عليهم :)

الله يبارك فيج نيابه عنهم :)

ومرسي ..

حياج الله..

شاي الضحى said...

هلووووو رورو شلونج؟

لووووول هذا مو نفس جاكيت الانوثه الصارخه؟؟ هههههههه

توني يايه من السوق ما اذكر شفت خصومات او يمكن ما ثبت


مشكوره :)

رورو الشخبوطه said...

هلا والله جاي..

الحمدالله الله يسلمج وانتي شلونج ؟؟

اي اهو خخخ ..

اتوقع تبلش بنص ال12 او اخره واغلبهم مع بعض :\

العفو ولوو..

well said...

فى نشرتك الاخبارية بحثت ...ولكن لم اجد خبر عن فلسطين
تحياتى

ibnalsor said...

وعليكم السلام ورحمة الله وبركاته
فكرة حلوة بان المدون ينقل الشيء الجديد لقرائه .. يطلعهم على الاشياء التي مر عليها في الشبكة العنكبوتية ويخبرهم عن الجديد .. انها مثالية رائعة وابتعاد عن النرجسية
مدونة رائعة
من فضلج اقبليني عضوا دائم هنا

رورو الشخبوطه said...

هلا اخوي او اختي ويل..

لانها مو اخبار سياسيه ..

وحياك-ج الله..

رورو الشخبوطه said...

هلا اخوي ابن السور ..

مشكور ع الاطراء..

وحياك الله ع طول ..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads