Wednesday, December 9, 2009
السلام ..

هالبوست كنت بنزله من زمان بس مانزلته لسبين :

1- شاورت اختي وقالت لا ماله داعي خخ..

2- خفت احطه تكون التنزيلات خلصت ..


بثاني العيد كنت بالافنيوز و دشيته وعجبني هالجوتي وانتوا بكرامه بس ماكان في مقاسي عاد خلت اختي تاخذه وقالت لي انه يمكن احصله بالبحر او المارينا و 2 يوم اللي صادف 3 العيد رحت له ومالقيت مقاسي لقيت اصغر قايسته ولا كبري وناسه ريلي كشت خخ..

كان ب15 تقريبا صار ب7 ..



وهالجنطه عاجبتني من زمان بس ماخذيتها و كنت بحاسب الجوتي وانتوا بكرامه جان اشوفها واخمطها..
كانت ب12 تقريبا وصارت ب5 ..

وامس هم كنت بالافنيوز عقب الدوام مريته عاد كانت البنت اللي قبلي بتبصم جنطته من الدو وعجبتني تقريبا من جذي لما شفت دشيت وخذيتها تقريا مثلها :\
بالصج احلى..
جنه كانت ب22 وصارت ب17..


وهذي خذتها اختي اللي تبيع تقول كانت ب17 وصارت ب5..




وبس هذا اخر اخبار التنزيلات :)

10 comments:

DoDoq8 said...

هاااااااااي رورو شو الاخبار؟


اول جنطه حلوه وخووش تنزيلات

يبيله شوبنق

رورو الشخبوطه said...

هلا دودو..

الحمدالله بخير الله يسلمج..

مرسي ..

اي يبيله بس حلاته الباجي يسون تنزيلات بعد خخخ..

وحياج الله..

Engineer A said...

حلوين عليج بالعافية ..

صج يبيله شوبينغ p:

فاطمــه said...

بالعافيه على قلبج عزيزتي


اختيارج حلو

حدي ودي اروح السوق
الامتحانات طلعتلي قرون
وحتى لو اروح ما يمدي احوس عدل
يالله ادش فيلم ونتعشى

=)

دمتي بود

شاي الضحى said...

تصدقين الدو مادري شسالفته يقلد او اييب بضاعته من محلات ثانيه

السنه الي طافت لما كنت بإيرلندا دشيت محل OFFICE LONDON احب جواتيه (وانتي بكرامه) وايد حلوين وناعمين واسعاره حلوه مو غالي ولا رخيص وكل سنه لما اروح هناك لازم اشتري منه اقل شي 4 جواتي

فالسنه الي طافت شريت حق رفيجتي جوتي صوغه من هالمحل ولما رديت الكويت وكنت رايحه الدو جان انصدم ولا نفس الجوتي بالضضضضضضضضضضضضضضضضضضضضضضبط وارخص من الي شريته بوايد

ولا شي فيه غير جنه اهوا بس مغيرين الاسم وكاتبين عليه الدو وكان في منه لون اسود وازرق بس ... وبالدو عندهم اسود وازرق وبنفسجي

حتى رفيجتي كان على بالها انا يبته من الدو لوووول

وبالصيف هم دشيت الدو جان القى 3 جواتي كانوا موجودين اهناك يايبين نفسهم بس الوان غير مو موجوده هناك وكان شكلهم بو طقه مو نفس الي خذيته حق رفيجتي


حلو الجوتي الي خذيته احب هالستايل

ليش ماخذه جنطتين نفس اللون ههههههه

اسعاره زينه والله :)

عليج بالعافيه :>

انا اليوم رحت الفنار صارلي دهر مو رايحتله اييب اليهد ماكو شي حلو بس شريت لي سكارف من محل مادري شسمه حده يونس :)

وقلت باجر الصبح بروح الأفنيوز بتسوق لان ماعندي شتوي كله صيفي صارلي سنتين مو شاريه شتوي لووووول


مشكوره :)

Made n Q8 said...

حلوين مشالله عليكم بالعافية

والاسعار بعد وايد مناسبه

وشلون السوق بدت التنزيلات السنعه ولا بعد؟

رورو الشخبوطه said...

هلا Engineer A ...

مرسي والله يعافيج يارب..

اي بس حلاته كلهم يسون سيل ان الحين اخاف اشتري شغله 2 يوم القى المحل مسوي تنزيلات :\

وحياج الله..

رورو الشخبوطه said...

هلا فيثه ..

الله يعافيج يارب ومشكوره..

موفقه يارب..

اهو حلاته طلعه تكون مخصصه للسوق لانه اذا دشينا السينما راح نص الوقت :\

حياج الله ..

رورو الشخبوطه said...

هلا جايونه ..

صج مالاحظت لانه مو وايد اشتري منه ونادر ادشه ..

وي عاد الدو العام دشيته ابي فلات ع ابو فلاتاته رخيصه ولا القاه ب30 استخسرته خخخ ,,

اي في شغلات عندهم شكله مو شي ..

مايغلا عليج :)

خخ ال2 بخاطري ماقدر بس خلاص هاللون مارح اشتري منه عندي شكثر صار ..

اي زينه :)

الله يعافيج يارب ومشكوره..

اي صاجه الفنار مافي وايد محلات بس استرادي فاريوس لاني احبه خخ..

بالعافيه يارب..

خخ عاد جنه الشتا خلص :\

العفو ولو حياج الله..

رورو الشخبوطه said...

هلا مدمد..

مرسي والله يعافيج يارب..

اي زينه في فرق بين قبل و عقب التنزيلات ..

لي الحين ماكو الا ناين وست و الدو و في محل جناط فوق بالافنيوز بسطرة اورجيم بس مادشيته ..

و هذيل مبلشين من زمان..

و حياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads