Tuesday, November 24, 2009
السلام ..
مثل ماقلت لكم بالبوست اللي فات اني امس سويت جوله جزء منه كان بارض المعارض..
وصلنا قبل لايبطل المعرض بجم دقيقه فدشينا ماكدونالدز نتريق ..
هناك شفت صبي كيوت منغولي ..
سلم ع المحاسبه 3 مرات وكله تحقره :(
انا لفيت لقيته يطالعني جان ابتسم له وعقب رديت عادي اسمع حسه يتحجى بس مو منتبه شيقول عاد اختي نبهتني انه ماد ايده بيسلم علي جان اصافحه بعد عمري راح ناده اخته يبيها تشوف عور قلبي احبه لانه عفويين الله يحفظه يارب..
المهم تريقنا وطلعنا لي المعرض وصلنا قبل ال10 بشوي وفي وايد محلات مابطلت ..
بس انصدمت انه توقعت المعرض كله شغل يدوي وهالسوالف من اسمه استوحيت هالشي:\
طلع كل اكسسورات وعطور وهالسوالف تقريبا مثل معرض الهدايا ..
واحنا نحوس لقينا ..
بوعبد بانافع استانست هالمحل كل اشوف ميد تشتري منه واهي تمدح الجل ماله خذيت لي واحد طلع في اتواع وروايح مختلف انا شميت اغلبهم واخترت سما يعتبر عطرعربي ..
وفي منه جل للجسم يكون ريحه بس اما هذا فهو كريم مرطب ومنعم ومعطر للجسم ..
وعقب قالتلي انه في صابون منه وفي من باجي روايح بعد قلت لها ابي افيد صابونه عاد قالت لي المره والكركم << متكلمه عنه ميد ببلوقها من قبل اول شي سويته لما تذكرت طبعا اجيك اذا اهي ولا لا وطلع اشوه اهي..
خليتها تقصصه لانها كبيره ..
وبالبرشور مكتوب فوايدها خل انقلها لكم ..
1- نضاره ولمعه وبياض وحيويه .
2- منظف و مساعد للجلد في ازالة الخلايا الميته .
3-منظف ومطهر للوجه و جميع اجزاء الجسم الحساسة .
4-مفيد ومعالج للبقع الداكنه والحكه .
5-قابض ومطهر ومضاد للبكتريا .
6-يعطيك شعور بالراحه .<< مادري شكو بس بجرب وشوف.
سالتها وين احصلهم غير المعرض قالت يوصلون للبيت لما يكون الطلب ب10 ..
ورقمهم :
94047897-99775909
******************************
وعقب وانا احوس لفتت انتباهي هالجنطه في الوان منها في احمر احلى درجه وفي سوده و في دعمه ..
انتي تختارين لون الورده ..



وخذيت هالبروشات اقدر احطهم ع تاج او حزام او قلب او كبروش عادي او ع جنطه ..




واخر شي من محل اكسسورات اللبناني خذيت هالسوالف وسوار لي بعد وسوار لاختي ..






وهم خمطت سوالف من بو نص ..
عقب بطلعتنا كنا بالسياره بنروح حولي مرينا صوب المعرض الشتوي جان ننزل ولا مافي شي يديد مثل مال الهدايا بس اشرح شوي بس خذينا العاب لسمسم و قلب من بو نص وطلعنا ..
وبس سلامتكم ..
وملل ماتشوف بكل بلوق رازه بوست خخ..

14 comments:

Hadeel said...

أحلى شي الجناط والوردة الي عليه.. حلوين !!

يصلحون هدية حق إختي ! ^^
عاد من جم يوم شفت جناط يشبهونهم بس ألوانهم فسفوري .. بس هذي أحلى

تقطعين كل الي شريتيه بالعافية ^^

رورو الشخبوطه said...

هلا شي..

اي انا حبيتهم ..

اي وسعرهم حلو ..

هذي اغلب الوان راكده بس هي اللي كول الباجي اسود واحمر وادعم وكحلي ..

الله يعافيج يارب ومشكوره..

وحياج الله..

شاي الضحى said...

اول مره اسمع عن هالصابون انتي مجربته من قبل ؟

عاد صج كل هذا يسويه الصابون؟

الورده حلو تحطينها على سكارف وتربطينه بجنطه كبيره ساده

يونس القلب

وملبوس العافيه

مشكوره :)

رورو الشخبوطه said...

هلا جاي ..

لا والله ماجربته..

بس ميد مادحته وهم اللي تبيع واهي اللي مريحني انه مو نوعه اللي غصب تشتري او ماتوعين اللي بالمحل كله بجيسج لا اشوه..

خل اجرب هالفكره الحلو فيها انه لها اكثر من استخدام ..

والله يعافيج يارب مشكوره..

العفو ولو..

حياج الله اخيتي..

Made n Q8 said...

علييج بالعافية الجنطه كيووت :)

شراايج بالجل من بو عابد حلو ولا لاع؟ :)

عاد اتصدقين اختي اليوم تقولي خل نروح معرض لمساتي جان اقولها وييه احس مو متحمسه للمعرض ورحنا أيكيا بداله.

انتي شرايج اروح ولا ما يسوى؟!

رورو الشخبوطه said...

هلا ماد..

الله يعافيج يارب مرسو..

امبيه ريحته عجيبه بس كستخدام لي الحين ماستخدمته عدل ودي اروح اخذلي جم واحد منه لانه حتى اختي الصغيره عجبتها ريحته حيييل..

خيره ان شاءالله..

اممم انا مافتريت فيه عدل واغلب اللي فيه كان مسكر بس عجبني محل الجنطه و انه بوعبد موجود وفي الاكسسورات اللبناني بس الاقرع مو موجود اشوه خخخ..

وفي اكسسورات بونص الباجي مانتبهت عليهم ..

بس احلى من الشتوي ب9000 مره..

وحياج الله..

may said...

ياعمري والله
عورتي قلبي على الصبي اللي قلتي عنه
زين سويتي ، الله يحفظج..

عليج بالعافية ، خوش سوالف شريتيها

:)

lOsT said...

يختي على الولد الصغير تخيلت شكله ;*
الله يحفظه لأهله يارب ..
ماشاء الله شغل البروشات روعه وينفعون حق طوق ( تاج ) على قولتج ^_||

يعطيج العافيه =)

رورو الشخبوطه said...

هلا مي..

من زمان عنج عاش من شافج خيتو..

اي الله يحفظه يارب..

الله يسلمج ويحفظج مشكوره..

الله يعافيج يارب..

وحياج الله..

رورو الشخبوطه said...

هلا لوست..

امين يارب الله يسلمج ..

اي صح اتوقع بيطلع شكله كيوت..

الله يعافيج يارب مشكوره..

وحياج الله..

فاطمــه said...

كيوت الجنطه أم وردة

أنا رحتله بس متأخر شوي
وكانوا بيسكرون

عليج بالعافية حبيبتي **

رورو الشخبوطه said...

هلا فيث..

مرسي ..

الله يعافيج يارب..

ومشكوره..

اقصوصه said...

عسى كل ايامكم عيد :)

رورو الشخبوطه said...

هلا اقصوصه..

اجمعين يارب..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads