Wednesday, November 18, 2009
السلام على من اتبع الهدى ..
صلوا ع احمد ..
لا وي مادري شفيني اليوم ..
كالعاده بسويت نوفمبر اللي طار بسرعه بوست مزدوج..
ببدي بالكتاب هالمره من جزئين ..
مر وقت طويل على قرائتي لاحدى مؤلفات م . عبدالوهاب السيد وقد كانت عبر الانترنت وهي بعنوان مذكرات مراهق كويتي الذي مؤخر و بعد عودتي مجدد للقراءه اشتريتها ..
وهذه مره اخر يعود فيها الينا خالد سليمان بطل مذكرات مراهق لكن هذا المره كمستضيف لنا ومستقبل للرسائل الكترونيه من متابعيه وكل جزء يحتوي ع قصتين :
#الجزء الاول :
1- 14 يوم :
للمرسل فهد وهو مراهق يبلغ ال16 من العمر يتيم الابوين تتولى رعايته خالته التي تعامله هي وعائلتها بكل جفاء وظلم ممايؤدي الى هربه منهم والدخول في مغامرة مع الوحده .
2- ايها الحب ترفق :
المرسل مجهول واما قصته فهي عن الحب الذي ينتظره وكيف يحصل عليه بشكل غريب و فجاءه دون اي استعداد .
وفي هذا الجزء تناول العديد من الظاهر النفسيه او الخارقه للطبيعه ..
كظاهرة ديجافو - تاثير الفراشة- التنويم المغناطيسي - والاحلام المتجلية -تناسخ الارواح - الوجدان الجمعي .
الجزء ال2:
القصه الاولى عندما احترقت زوجتي ..
وكذلك مرسلها مجهول وهي قصة ذكر بالثلاثينات من العمر يتحدث فيها عن زواجها وعن المشاكل والجدال اليومي بينه وبين زوجته ,والذي ادى به الى انهاء بشكل حقير << امبيه كرهت الزواج .
وخلال عرضه لتجربته يبين لنا الظواهر الغريبه التي مر بها من محاولات قتل وحبس وحرق و وتحرك الاشياء الثابته .
القصه غريبه بس تخوف مو لانه اشباح لا لانه طلعت لعانة الذكور :)طبعا مو الكل لازال هناك صفوة يتمتعون بالرجوله << اتمنى ذلك :p..
القصة الاخيره: بعنوان الذي اقتحم العقل ..
وفيها يتحدث خالد سليمان عن تجربه غريبه مر فيها ومن خلالهالامس الواقع واظهر بها مدى تدهور الاحوال في الكويت للاسف :( .
**مميزات الكتاب :
1- ذكر الظواهر وتفسيرها وشرحها بالهامش .
2- عرض بعض الحقائق والتجارب التي تدعم القصه.
3- تنوع القصص .(الاولى دراما - الثانيه عاطفيه- الثالثه اجرام- الرابعه وطنيه) ال3 الاخرين فيهم نسبة من الغرابه .
**عيوبه:
1- السرد الطويل احيانا ممايشتت القارئ وخاصة بالقصه ال3 او بالاحرى الاول من جزء الثاني وهي عندما احترقت زوجتي .
2-عبارات ذكرت طبق الاصل لعبارات رفعت اسماعيل بطل سلسلة ماوراء الطبيعه .
___________________________________________________
الاسبوع اللي فات شوقتني ام ميدو من مدونه فيونكات بهالمطعم فرحت جربته بنفس اليوم اللي رحت الفيلم ومريت المعرض ..

لقطات من المطعم ..






هالمكان كنت بقعد فيه بس قلت اخاف اكلنا وايد ونتذابح انا واختي بدال لاناكل خخ..



طلبنا من الصمون اللي بالصفحة الاولى وانا اقول زين رخيص اغلى شي بدينار وشي يمكن و100 قلت بعد معاه بطاط بس احترمت نفسي وقلت مو معقول , المهم القرسون قالي انها صغيره انا حسبالي انها ميني طلع لا وحده بس ..


لونها فوشي يشوق وحبيتها طعمها لذيذ وتشبع ..

مالتي اختي ربيان خخ وحاطين ربيانه وحده وقاصينها بالنص !!




صمونتي الصمونه اللي فيها كل شي ماعدا البصل..


العادي لاختي وحطينا جبن وياريتنا ماحطينه لزق البطاط بالصحن والودجز لي..


السيزر ماحبيتها الدياي زين والخبز ترف ويقرمش بس الصولص لا ماعجبني..



________________________________________________________
توني طالبه اليوم افلام من سايت كويت ديفيدي اللي قلت لكم عنه قبل طلبت الضحى ويالي العصر وناسه بس ماقدر اشوف شي الحين اختي عليها امتحانات و اسبونج بوب طلع عندي مثله الاصلي @@







هذول لخواتي فلونه للكبيره وبيت جدي للوسطيه ..



وبس مرسي..
يوعانه باكل طالبين حياكم ..

14 comments:

شاي الضحى said...

لا لا لا تكرهين الرياييل مو كلهم جذي في بعضهم بعضهم بعضهم بعضهم ههههه ينحطون على الجرح يبرى

وانشالله تلقين الزوج الصالح

بالعاااافيه .. ولا مره جربته

ENJOY THE SHOW ;p

thank u :*

محمد said...

يااااااااااااه انا صراحه احب الاكل استانس عليه

اي موضوع فيه اكل شي شي شي والافلام شي ثاني

عندي فلم 2012 بس هم ماشفته يقولون ديكمنتري

والله فلوووونه ايام الطفووله ذكرتيني فيها

وعلى جم الافلام هذول اللي تشترينها اذا بدينار ونص

او دينارين ونص قاصين عليج لوووول

خل اضبطج بهندي يبيع الفلم بنص دينار ككككك ..

اقصوصة said...

عاد انا من عشاق الاكل

والقراءه بعد :)

رورو الشخبوطه said...

هلا جايونه..

خخ طبعا مو كلهم مو زينين لو خليت خربت :)

اجمعين يارب خيتو ..

الله يعافيج يارب انا هذي اول مره اجرب واذا جربته مره 2 باخذ بس صمون ..

مرسي حياج الله معانا ..

ولجم ولجم :)

رورو الشخبوطه said...

هلا اخوي محمد..

مي تو واحب اجرب مطاعم ..

اي وايد يمدحونه انا بس شفت دعايته ..

اييي ياحلات الطفوله ..

لا بنص من سايت بالنت اسمه كويت ديفيدي و كل 3 دنانير فيلم هديه..

جربت كومار هندي مال ديفيدي مارضى يوصل عشتو ..

حياك الله اخوي..

رورو الشخبوطه said...

هلا قصوصه..

القراءه ممتعه اكثر من الاكل :)

الاكل تحاتين تمتنين :)

وحياج الله اخيتي..

جاي الضحى said...

روروووو

شوفي هذا الموقع

http://www.widgeo.net

الي يطلع لج المناطق بس ما عرفت شلون اضيفه بالبلوق :S

اهما انواع بس الي نبيه اسمه geo counter

اذا عرفتي علميني هههههه :q

مد ان كويت said...

علييكم بالعافية شكل البرجر تشوق

,,,,
والافلام مثل ماقلتي وصلوا بنفس اليوم طلع مثل نفنوفي خخخخخ

فيشه said...

شوقتيني على المطعم .. احب شي اسمه بورجر :>
حاليا حبيت بورجر فدركرز + ميني بورجرز ملوت شيليز :>
انزين وين صاير @@

وهم شوقتيني على الافلام .. اتصدقين اطلب وايمع في هالافلام وماطالعهم :<
اخرتها اشوفهم بالشوتايم لوول

تشكرات خيتوو :*

رورو الشخبوطه said...

ولكم باك جاي..

مشكوره ع السايت مو نضيفه مثل الصوره او العداد اللي بين جم شخص بالبلوق ؟؟

واي دوخني مو قادره اصيد ولا تصميم @@
اي ان شاءالله اكيد ..

رورو الشخبوطه said...

هلا ميد ..

الله يعافيج يارب..

مشكوره ..

وصاجه شكله لزيز وطعمها بعد..

اي شفتي شلون اشوه اني سحبت الحمدالله..

وحياج الله خيتو..

رورو الشخبوطه said...

هلا فيشه ..

حتى انا احب الهبمرغه ..

امم بالافنيوز صوب الطاعم جنج رايحه ماجيك بلانت ..

خخ وي ليش ؟؟ انا اكود كريمات ,الافلام اشوفهم بس مو كلهم ..

العفو ولو..

حياج الله خيتو..

الوتين said...

أحلى مافيج انج تعطينا جم موضوع وتعطينا مساحه أكبر .. يعني نقدر نعلق على اي واحد فيهم

أولا الكتاب كنت موجوده لمن كان عبد الوهاب السيد موجود بمعرض الكتاب وككان ودي يوقع لي عل الكتاب .. بس قريت شوي منه حيته نفس كابة اللي طاف .. مادري شنو من العالم الآخر ... فا هونت بس الحين تحسفت

---------

شوقتيني رورو عالأفلام .. بس تصدقين الحين يايتني هالة نشاط غريبة ودي أشتغل فوق طاقتي للمدرسه من شفت بناتي تفوقو وآنا معذبه نفسي ... الوناسه مؤذيه احيانا

بس فلم ghosts of girlfriend past شكله يشوق ... وفلم ذي أقلي تروث أينن شحلاته

من يومين يابو عالام بي سي فلم p s i love you كانت المره التيليون اللي اشوف بسس جني اشوفه اول مره خو تعرين عالتلفزيون الفلم جوه غير عن الديفيدي .. أحلى مادري ليش ..

يعطيج العافيه عالبوست .. وعليج بالعافيه عالمطعم بس وين قايل؟

رورو الشخبوطه said...

هلا الوتين ..

مرسي احب المزدوج احس يغطي شريحه اكبر لاذواق وميول مختلفه ..

ليش تتحسفين اتوقع الحين موجود بالمكتبات واذا لا مايغلى عليج مالي :)

الله يعطيج العافيه هذا لانج شفتي نتيجة اجتهادج موفقه يارب المهم انج مستانس وياحلاته تعب الوناسه ماشاءالله الله يهنيج يارب..

اي شفت دعايته وشكله غريب وهالممثله استانست عليه ب13 قوينق 30 واي هم هذا متشوقه اشوفه بطالع فكرة اللي طرت علي من شفت البوستر صح او لا وهم هالممثله استانست عليه بدرسس27 ..

وي حسافه عاد ادوره ابي اشوفه مادحينه لي اهي اهي عيل انا افضل الديفيدي او السينما السينما لانه مافي لقطات و تغير جو اما الديفيدي اشوفه ع راحتي ..

الله يعافيج يارب مشكوره..

بالافنيوز صوب المطاعم جنج رايحه ماجيك بلانت ..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads