Saturday, November 14, 2009
السلام ..
كالعاده بوست مزدوج احاول اجمع بين غذاء العقل والبطن :)
نبلش بالعقل..
اليوم معاي رواية جديدة وهي اخر ماالفه خالد النصر الله بعنوان الحقيقة لاتقال ..
النبذه الخلفية :
بماذا تفسر ، لو ابتعدت عن عائلتك وتركتهم لظروف قاهرة .. وعدت إليهم بعد فترة طويلة ، وتفاجأ بأن أحداً منهم لا يعرفك ؟الحقيقة مثل الحرباء ، لها القدرة على التلوّن والتخفي وفقاً للظروف . أما الظروف فقد تكون كاذبة أو خاطئة أو مبهمة ، لكن المدهش ..أن هناك حقائق ثابتة ، لكنها أبداً لا تقال !! .
تعليقي :
القصه تدور حول 3 شخصيات رئيسة حسب ترتيبها فيما يالي , وكلها لها صلة بالشخصية الاول ومرتبطة بها :
1- وليد القصي : من ابناء احدى الاسر الغنية يتصف بضعف الجسد والشخصيه ونتيجة ضغوط من احد زملائه بالمدرسه يدعى ناصر يدخل السجن .
2- بدر زيمان : صحفي مجتهد يركز على القضايا الاجتماعيه المثيره للجدل .
3- جميل فاضل : دكتور واخصائي علم ايحاء والايماء.
تتناول الروايه العديد من القضايا المتعلقه بالشباب الذكور من حب وعلاقات وعمل وطرح قضايا تتطلب الجراءه لكن الحبكة كان موفقه بذكرها بتحفظ ودون خدش للحياء .
بالنسبه لرايي اعجبتني اكثر من هرطقة و ارى ان هذا امر طبيعي يدل ع تطور اسلوب الكاتب وتمكنه ماشاءالله خصوصا كونها العمل التالي له .
واحببت تنقل بين الشخصيات بشكل سلس.
كما استفدت من ذكر بعض الحقائق في علم التنويم المغناطيسي والا يحائي بصفحة 172..
اما العبارات التي شدتني فعلى سبيل المثال :
-الحياة عبارة عن حلقات متصلة , تؤثر في بعضها ببعض , فالماضي سبب الحاضر والحاضر يخلق المستقبل وان الغائه لمجريات حياته السابقة بخبراته ومكتسباتها وايجابيتها وسلبياتها تؤدي الى الغائة لحاضره وشرخه لهويته التي صنعها بمثابرة وجهود عظيمة.
- ليس الطبيب من يدخن سيجارة , ولاهو نتدين من يرتكب المعاصي , ولن يكن شرطي اذا خالف القانون ,وما من قاضي <<( ماجنه مجرور لازم نحذف الياء ولا منهج يديد خخخ ) يتلقى رشوة كل اولئك يمتهنون التمثيل ليس الا , فالاصلح بالانسان ان يبدا بنفسه قبل ان ينشغل بغيره.. ص 171
-الثقة تجلب الارادة , والارادة تحقق المستحيل والايمان بعدم وجود مستحيل , هو قمة الثقة التي من الممكن ان يصل اليها الانسان .
****************************************
باخر يوم بمعرض الكتاب كنت محتارة اروح له او لا قايلين لي في عروض والكتب اسعارها بتصير بالقاع قلت يبيله عيل خخ رحت ع المغرب عقب ماطلعت من فيلم case 39..
لما رحت ولا في ناس بدت تشيل كتبها و المعرض يصفر سالت عن فسوق لعبده خال قالي كتب عبده خال من اول جم يوم ماشاءالله خلصت رحت ابي عدد من فانتازيا اسمه ما امام الطبيعه ولا مو موجود اهي اهي ..
جان اروح افتر بالجناح الكويتي اللي غالي واغلى من الكتب المعروفين واغلب كتابنا شباب !! شي زين بس شلون اسعارهم اغلى من الكاتب الكبير اللي كتبه امتن و خبرت كثر واسمه وشهرته اوسع !!
الدار الوحيده اللي اسعارها مثل برا لانه اذا برا اغلى محد بياخذ كتبهم خو اغلبهم شباب يديد وكتبهم مو وايد متينه عادي واهي البديل للاسف عن دايموند بوك بس بديل لا يقارن اول كان في كتاب كبار وعرب الحين بس شباب كويتين اشهر عبدالوهاب السيد ..

مبين انه بشتري وبس :)
النصرالله كان بيوقع ع الكتاب بدون لا اقوله كنت لا هيه اطلع فلوسي ولا اسمع يقول باسم منو قلت لا لاتكتب << اختي تقول فشلته..
لو بفشله جان قلت له اخوي مايصير تهديني كتاب انا دافعه فلوسه @@

وطبعا لا عروض ولا بطيخ ..
***************************************************************************
الحين دور غذاء البطن ..
اول مره اروح 360 ومافتريت فيه بس تغدينا وطلعنا لانه معانا رفيجة اختي ..





المنيو اخر شي ذكرت اني مصورته لا وطلعت روحي يالله نزلت الصور واخر شي طلعت خايسه خخخ..

ع مايختارون البرنسيسات ارويكم جم لقطة للديكوور..

التب عندهم شي مقدس الظاهر برج الدلو صاحب المطعم ..



هذي لما طلعنا صورنها وصورت وانا قاعده عليها :)

من صوب ال2 بس مو واضحه..


حتى الليت ع تب ..

المقبلات مادري شنو اهما ..


خبز جنه كيك..



كالعاده المطعم اللبناني خيارته قليله فطلبنا كان..
ملفوف = ورق عنب لاختي..


سلطة بطاط..

فتوش بدبس الرمان .. شوفوا الصحن فيه خبزتي :\


حتى ماعندهم كبه بلبن طلبت كبه وداخلها لبنه ونعنان او روب مو ذاكره بالضبط..


تبولة اختي تقول مالت ليلى بلبنان احلى..

حتى فاتورتهم بتب ..


رايي اكلهم اقل من عادي و اما الخدمه لانه المطعم فاضي ماكو غيرنا فجابلونا خطر ليشيلونا لي سيارتنا خخخ..
وبس سلامتكم ..

18 comments:

شاي الضحى said...

اهم شي غذاء البطن هههههه

كتاب بالعكس مال شباب اعرفهم يحليلهم تعبوا على الكتاب وايد حتى بالسياره يألفون واحد يسوق وينقل الي يمه وواحد منهم اخوه كان معاي بالقسم :)

رورو كتاب وداعا احمد الربعي تحصلينه في مكتبة دار قرطاس و مكتبة دار العروبه :)

هالمطعم ما افكر اروحله لان الكل ذمه محد امدحه


بالعااااااااافيه :)


شكرا :)

رورو الشخبوطه said...

هلا جاي..

اي مهم خخخ ..

اي مابخسهم حقهم بالتعب هالشي متعب بس اعتقد ببدايتهم المفروض كتبهم ماتصير اسعارها مبالغ فيها اليوم اقرا كتاب ضعيف وكلها بدليات وبالكويتي و بنفس سعر كتاب اجنبي مترجم ومتين ومتروس صور !!
وبعدين دور النشر ارخص من المكتبات اما دور النشر مالت الكويت عادي مايفرق ..

صج وين صايرين دار العروبه بحولي جنه صح ؟؟ ومشكوووره ..

اي مايسوى ماعجبني شي من اللي كليته وماكو شي يديد اجربه فيه ..

الله يعافيج يارب..

والعفو ولو..

حياج الله..

شاي الضحى said...

اي والله صاجه المفروض يكونون ارخص خاصه ان ببدايتهم عشان الناس يشتريه وتشجعهم

دار قرطاس بالمباركيه السوق الداخلي

دار العروبه بحولي يم مكتبة العجيري تصير على جنب


:)

رورو الشخبوطه said...

ولكم باك..

اي بالضبط هذا قصدي..

اها مشكووره يبيله امرهم هالاسبوع ان شاءالله..

ماقصرتي والله فرحتيني الله يفرحج يارب..

:)

شاي الضحى said...

شوفي اذا ما لقيتيه قوليلي لاني اعرف ناس يقدرون يدبرونه لي :)

وتسلمين على الدعوه الحلوه ولج مثلها يارب :)

princess adadi said...

تسلمييين ويعطيج العافية

عجبتني طريقة تعليقج على كتاب النصرالله

لووول بس بدعتي لما قلتيله لا تكتب

يعطيج العافية ^^

princess adadi said...

باك

بغيت اقول شغلة بس
ترى الكاتب مو قصده شي .. بس بالمعرض كل الناس او اغلبهم لما يروحون له يطلبون منه التوقيع
وفي ناس يستحون _ مثلي _ .. فالكاتب يبادر ويسئلهم لما يشوف انهم ماخذين كتبه ومهتمين لقراءة كتاباته يعني اكيد حابين هالشي

وتوني انتبه على سالفة الاهداء
لوووول ترى مو معناته انه وقع لج يعني لازم يعطيج الكتاب مجانا .. عيل شلون يربح .. وشلون اسمه معرض
اهوه بس يوقع ويحط اهدائه كنوع من التواصل مع قراءه
وعشان يكون ذكرى لج ^^

بس حبيت اوضح هالشي

ويعطيج العافية ^^

اقصوصة said...

احنا معرض الكتاب عندنا اخر يوم الخميس

وبعدني متردده اروح والا لا

بس صراحه فتحتي نفسي شكلي بروح :)

رورو الشخبوطه said...

ولكم باك شايونه..

بعدي عمري مرسي ..

الله يسلمج يارب واجمعين يارب..

رورو الشخبوطه said...

هلا برنسس ..

الله يسلمج ويعافيج يارب..

مشكوره..

لا عادي خو كتابي وانا ماحب هالحركات ..

الله يعافيج يارب ..

حياج الله..

رورو الشخبوطه said...

ولكم باك برنسس..

هالكاتب خذيت منه مرتين مره عادي ومره اهو بادر بروحه المبادره تكون بحابه اوقع لج (او شي جذي)مو ع طول باسم منو :)<< للتوضيح بس

انا اتحجى عن معنى الاهداء البحت يربح انا خو ماقلت لله اهديني ولا متعنيه للمعرض عشان يوقع لي انا ماخذه منه مع انه كتبه موجوده بره ع ابو اشجعه كاخ كويتي ..

عموما كل واحد ورايه رايج ع عيني وراسي بس غير عن اللي اقصده ..

الله يعافيج يارب..

وحياج الله..

رورو الشخبوطه said...

هلا اقصوصة..

معرض الشارجه ؟؟

يقولون اللي ممنوع عندنا بينعرض عندكم و روحي ميزة المعرض دور النشر الرخيصه وانا اغلب الكتب تكون موجوده بمكان واحد..

وناطرين رايج بمعرضكم..

حياج الله..

ابو فلان said...

والله مارحت معرض الكتاب أحسن مافيه شي يسوا

وبالعافيه الأكل

المطعم شفته بس ماحبيته والأكل اللبناني كله نفس الشي يعني ماتلقين عندهم فنتك يديد نفس الأكل والخلطات والمنيو

رورو الشخبوطه said...

هلا اخوي بو فلان..

هذي اول سنه اروح له فعرفت شنو اللميز فيه اللمميز دور النشر العربيه الكتب ارخص فيها و الكتب يديده مو مثل الموجود طول السنه ..

الله يعافيك يارب..

اي هالمطعم مايسوى تجربه انا احب السلطات وكبة اللبن وهالطبق مو موجود باي مطعم وصاج الخيارات حيل محدده..

حياك الله اخوي..

danger beauty said...

اعتقد ان كتابات خالد النصرالله حلوة
يمكن بس قريت كويتي من كوكب اخر .. والقيت نظرة على الباجي

بس لازم اعترف .. الافكار اللي يحطها وايد حلوة

خاصه اذا اعتبرنا ان افكار شاب (لان اغلبيتهم مخهم تقدرين تخزنين حب بدال مخهم وماراح يبين الفرق :p)

بس فعلا .. تحسين افكار عميقه

و بالمعرض اصلا لمن شفته ما عرفته .. احس انه صورته وايد غير عن شكله الصجي

بس همن فيه روايه ثانيه ... اسمها الحرف التاسع و العشرون .. حق لولوة محمد صادق

مع انها اول روايه حقها .. بس لمن توصلين حق النهاية راح تتفاجأين .. او تنصدمين
لان صج النهايه محد يتوقعها

بس معرض الكتاب حسيت انه مافيه وايد كتب اجنبيه
والكتب الاجنبيه الموجوده كانت مالت يهال
يعني بس الكتاب الاجنبي التقريبا حلو كان توايلايت و السلسلة كلها

ما لقينا كتب ثانيه

وتسلمين على البوست الحلو

رورو الشخبوطه said...

هلا بيوتي..

انا عجبني تفكيره حسيت كويتي بحت مو من الشباب التافهه..

خخ اي صح في شباب يبيله اعادة تاهيل وتاسيس عساس يصير عنده فكر وراي ..

انا توقعته بالتعش ماتوقعته كبري ماشاءالله شكله صغير ..

شفتها وقريت عنها بس ماخذيتها لي خلصت اللي عندي اشتريها ان شاءالله..

وبعد في كتاب او بالاحرى قصه وزوعوا اعلانها كانت اجنبيه ..

اي اما الباجي كله عربي ..

الله يسلمج يارب..

ومرورج الاحلى..

حياج الله..

Made n Q8 said...

ديكور المطعم يونس تب ولون بنفسجي ضروري اختي تروحله تموت على اللون البنفسجي :d

علييكم بالعافية

رورو الشخبوطه said...

هلا ميد..

خخ بس اكله تر مو ذاك الزود اما الخدمه والديكور زينين ..

الله يعافيج يارب..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads