Friday, November 6, 2009
السلام ..
شلونكم ..
هالاسبوع كالعاده احوس بالبلوقات واكثر بلوق اخذ راحتي فيه وتشردق واتمغط فيه بلوق صقيقتي واخيتي Made n Q8 عاد حزتها كانت منزله الجزء الاول اغراض المعرض ..
وايد عجبوني اسوراتها ماشاءالله وبالعافيه عليها يارب..
وانا وياه فينا طبع خخ اغلب اغراضنا مثل الشي وكل نحوس ندور بالنت عشتوا نتسوق وانا اشيشها تطلب واهي تشيشني خخ..
المهم صادف انه رحت المعرض مره 2 وكنت ادر محل جان القى الكشك بويهي جان احوس فيه وخذيت لي هالسوار ..
وسوار لاختي الصغيره بس تقول الابله خذته منها @@
ودفعنا ورحتا الصوب ال2 منه ع ابو يحفرون حرف اختي ع سواره اهي سواره خيوط وبالنص يلد ع قلب جنه واختي الوسطيه تلعب باغراض اللي جدامها ع طاوله وتشوفهم جان تلقى هذا ..

وراوتني اياه انا صرت جذي@@ سالته بجم قال ب4 اهني كنت بنجلط انا ماخذه مثله بس ب25 فرق مو!!

ولا لبناني بيقنعني يقولي خخ معاه خيط كنت حزتها منصدمه ولا كنت بقوله شرايك اكيد معاه شي ماراح الزقه برقبتي بصمق ..

كالعاده اذا لقيت شي عندي وارخص اخذ منه بس لون او شكل 2 ..

جان اخذ هالسوار لانه من الاول عاجبني ..


ولما يت البيت سويت مقارنه بين السوار والقلب القلب اثقل ولمعه اكثر ومقفاه ويه مثل الشي جان ارتاح نفسياا وقلت وي شكله تقليد خخخ ..

بس مره 2 ماراح اخذ منهم ..<< اقصد اللي بالعشرينات ..

ومساعه وانا ادور الصوره لقيتها بس طلع الولد عنده شعر مو قرعه واهو البنت عندهم 4 ايادي @@

وبس هذا اللي حصل وكان ..

انتوا صادفكم مثل هالموقف ؟؟

18 comments:

شاي الضحى said...

اكسسوارات لبنان بالكويت يبيعونهم غالين مادري ليش قاصين علينه

رفيجتي راحت لبنان لقتهم رخاص حييييييييييل يابت لها شكثر

انا مره شريت واحد على اسمي بـ 15 بس لقيته بمحلات ثانيه نفسه بالضبط يبيعونه على 25 و 29 !!

بس الحين ما قمت احبه ما البسه احس انه صار قديم

الحين هابه باكسسوارات ديزني :)


مشكوره :)

رورو الشخبوطه said...

السلام ..

امشي نروح لبنان عيل خخ..

اها والمصيبه الفرق وايد ..

انا نوعي اكود ع الفاضي ..

نايس انا احب الاكسسورات الكول البناتيه ..

العفو ولو..

حياج الله..

شاي الضحى said...

ولا مره رحت لبنان ما افكر اروحلها مادري ليش

الحين قاعده احن على امي اقولها ابي اروح دبي مره ثانيه لو يومين بس اتسوق ههههههه


نصيحه لا تكودين عالفاضي طلبي من النت ملوت ديزني يشوقون صج في بعضهم يبيعونهم اغلى مع التوصيل بس عندي احلى من سوالف لبنان لانهم بكونون غريبين وكل ما البسهم يسألوني عنهم

رورو الشخبوطه said...

ولكم باك جاي..

انا قريت روايه رايحين لها وشوقوني ..

انا ودي اسافر مكان جو والعاب وطبيعه وسوق :)

عندي وايد ع باباي سنوبي وسبونج وغيرهم نوعي مو وايد البس اكسسورات ..

نزلي لنا يوست عن ملوت ديزني :)

شاي الضحى said...

اللللللله انا بعد ابي مكان فيه العاب مو المدينه الترفيهيه او حديقة الشعب ويع

اموت على شي فيه العاب لوووول ليلحين ما كبرت

رورو الشخبوطه said...

بسم الله علينا بعدنا صغار ..

خخ اي ملينا منهم ابي ديزني لاند :)

Made n Q8 said...

رووعه علييج بالعافية

وصج شفت الي مسويتهم على بنت ولد وكنت بسويلي بس احس كبرت على هالسوالف..والله من كثر مجابل الحريم الي بدوامي احس كبرت على كل شي اهي اهي

وعلى طاري وحده اتشيش الثانية روحي محل shoexpress عندهم تكرمين جواتي رخيصه وحلوة :D

رورو الشخبوطه said...

هلا مدمد..

الله يعافيج يارب مشكوره..

وي وي وي عاد يوم الخميس قاعده اقول انا اللي مشجعتني ع هالسوالف رفيجتي تحب هالسوالف كول مثلي حزتها كنت لابسه جوتينا بو بنوته وانتي بكرامه والسوار هذا ..

احنا بدوامنا مواليد اول السبعينات ويلبسون هدوم ع بنات :)

بالافنيوز ؟؟ انا احب المحل اللي فوق بالخالديه تبع لاند مارك وجواتيه حلو بس مافي مقاسات وايد :(

وحياج الله صقيقتي..

ام الحفيز said...

صاجه شاي الضحى ،،،،،غاليين مادري شايفينا مقصااااه؟ اشدعووه اقصاه رانكون

جنات said...

وااااااو احب الاكسسوارات اللي كذا..
بس تكون على انعم ..
وخصوصا اكسسوارات محل كليرز لمن اروح احتار وش اخذ وش اخلي ..


ومشاءالله اختيارك مره ذوق

Fishah said...

انزين يمكن الغالي تحسين الماتيريال غير او الكواليتي احسن من بو 4 @@

البنيه نفس قلب شوجي اللي كل يوم كانت لابسته في برنامجها :>

بالعافيه

اي صج ليش ابلتها خذت السواره؟ @@

رورو الشخبوطه said...

هلا ام الحفيز..

اي صح ..

بس شنو يعني رانكون ؟؟

حياج الله خيتو..

رورو الشخبوطه said...

هلا جنات..

اذا انعم ماراح يبينون :)

اي اول كنت احب كليرز بس صارلي فتره مو مارته :(

مشكوره ..

وحياج الله اختي..

رورو الشخبوطه said...

هلا فيشه ..

اي مثل ماقلت اهو اثقل ولمعه اقوى..

اي بس اهي شله كامله ع رقبتها :)

الله يعافيج يارب .. مشكوره ..

ممنوع بالمدرسه هالسوالف..

وحياج الله خيتو..

ميمة السبيت said...

* عليج بالعافية ، انا احب اشياء كليرز حق اليهال كله الوان و اشكال حلوه شريت حق جوجو قلب جان تقصه :(

لاتخربين البنت مايصير يلبسون جذي حق المدارس -_-

رورو الشخبوطه said...

هلا ميمة..

الله يعافيج يارب مشكوره..

اي لانه بسم الله عليها بعدها صغيره نطري شوي وبتحب هالسوالف الله يخليها لج وتشترين لها شبكتها ع حساب معرسها طبعا :)

اي ادري بس اهي لابسته فيا انا شريت لها للطلعه او حتى البيت مو المدرسه بس شسوي انصدمت لما دريت انه خذته الابله منها ..

وحياج الله خيتوو..

lOsT said...

تصير وايد .. مره كنت ماخذه من هالسوالف بس على أسمي .. راويته ربيعتي قالتلي انا طلبته من موقع وحده لبنانيه .. خذته بـ 250 تقول مطلي ذهب .. انا مالتي بـ 200 بس مب مطلي ذهب !!

يلا بالعافيه عليج ^_||

رورو الشخبوطه said...

هلا لوست..

اي انا القلب ع اسمي وانتوا الفرق شوي 40 درهم يعني 4 دنانير انا الفرق يمكن 260 درهم @@

الله يعافيج يارب..

مشكوره..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads