Saturday, October 3, 2009
السلام عليكم ..
صارلي فتره بشتري نظاره شمسيه لانه نظارتي انتهى عمرها الافتراضي و الظاهر درت وزعلت وضاعت اهي اهي كيفها ماحبها ..
انا العاده اخذ نظارات سود كبار هالمره غيرت ل ray ban..
قايست وايد وهذي اكثر وحده حبيتها ..




تقريبا مثل مالتي ..


ومشاهير مقلديني خخ من قلدني فقد اكدني من قائل هذه العباره :)




توني اثبت انه ليندسي ياالله باكثر من ستايل :)


















ماشاءالله بشرتها حلوه ..


وهم ليندسي اهني :)





الموضه هذي مو يديده بيصير لها 4 سنين بس لازم انا اللي اختمها :)
وختامها مسك ان شاءالله ..
:)

42 comments:

reemas said...

ذكرتيني بمسلسل شيبس بالثمانينات
ايام هبة الريبان..طبعا ما تذكرينهم :))
دايما اشوفج بالتعليقات في البلوقات اللي اتابعها
و تاخرت وايد في المرور علي مدونتج
و هذي اول زياره لي و ان شالله ما تكون الاخيره
و اتمنى تردين الزياره و تشرفيني في مدونتي

اخوج
ريمس

رورو الشخبوطه said...

هلا اخوي ريمس..

انا مواليد 87 فماتوقع لحقت عليهم انا اقدم مسلسل شفته فول هوس وشفته وانا بالثانوي :) طبعا الاعاده الاف ..

اي انا بكل مكان احوس خخ..

حياك الله باي وقت شرفتني ..

ان شاءالله ..

وانا زايرتك ببلوق من مره معقوله ماعلقت !!

امبيه جيكت طلعت مو معلقه غريبه ليش !!

بس ان شاءالله بزور مدونتك ع طول وعد واعلق..

ومشكور اخوي ..

Butterfly Chick said...

Abeee sunglasses :(

I tried many.. wala wa7da etnaseb wayhi !! aw yamken cuz ana mo met3awda madrii.. I really need one.. When I drive 3ainii et3awerni min el shams :( & I know be9eerli taja3eed o halat min el shams :( << esmella 3alai lol

:$ wayed te7al6amt la loool

bel3afya 3alaich el na'9ara :P :**

رورو الشخبوطه said...

هلا بتر فلاي..

ماتغلا عليج..

هم انا جربت ن اللي بالمحل و هذي 2 مره و 2 محل واشوه لقيت شي ..

جربتي هالستايل ؟؟

صج الشمس تطلع تجاعيد وهالات !!

ياخراشي خخ..

اخذي راحتج خيتو..

الله يعافيج يارب..

مشكوره ..

وحياج الله..

Anonymous said...

هاي رورو حبيبتي

أنا بعد أبي نظاره بس أنا مشكلتي ويهي نتفه و ولا نظارة لايقه علي حتى أصغر وحده شكلها علي تخب و ويهي يصير جني ذبانه :(

مادري شنو الحل حتى ما ألبس نظارة عيوني تذبحني من الشمس بسبة هالمشكلة

star said...

على البركة خوش نظاره يا رورو ... بس لا تضيعينها ديري بالج عليها @@


وبعد أذنج بحاول أساعد mybooksandme

جربي ألوان فاتحه مثل العسلي الفاتح أفضل من الغوامج وأن شاء الله تحصلين الي يناسبج ^_^

Butterfly Chick said...

Roro..

jarabt wayed dear.. bas wayhi maysa3ed 3al na'9ara :P a9eer cheni BUG weya big eyes loool .. no really kelhum kbar e9eroon 3alai :P

belnesba 3an el shams.. ana garait enha etsabeb el taja3eed wel halat fa a7san nalbes na'9ara..

o thanks 7abeebti.. 3alaich a7la :*

رورو الشخبوطه said...

هلا والله موم..

هايات ..

انا عيل عكسج ويهي موصغير كلش وفي نظارات اليوم جربتهم اكثر من ستايل حسيت لو ويهي اصغر بيطلعون احلى وهم هذي في منها مقاسات جربتيهم !!

وي الله يعينج جربي رايي ستار..

وحياج الله..

رورو الشخبوطه said...

هلا ستار..

الله يبارك فيج مشكوره..

وان شاءالله بحافظ عليها ..

واخذي راحتج اخيتي البلوق بلوقج..

ومشكوره ع النصيحه حتى انا استفدت منها..

وحياج الله..

رورو الشخبوطه said...

ولكم باك بتر فلاي..

مشكلتج مثل ماي بوكز جربي نصيحة ستار ..

وان شاءالله تفيدج ..

والشمس تسطل الوحده انا بدون نظاره ادوخ ولما ادش البت ادعم طوف خخ لاني تعودت ع نظاره بيصرلي 5 سنين ماطلع بدونها ..

ولكم خيتو مرسو :)

نمووول said...

حلوين وايد
وانا ما البس غير الراي بان
عندي ٢ اصليه وتقليد
التقليد لونها احلى بس مشكله
كلام الشباب ما يخلص
الي يقول (ها بودينار ونص)
والثاني يقول (ترى قاص عليك اهي بدينار)
فنلبسها عشان نجعمهم
المراد تعبي عاللون ،،
عشان ما تلقين تقليد لونها احلى وتتحسفين

شكراً

رورو الشخبوطه said...

هلا اخوي نمول..

اي ماشاءالله اهي حلو ع الصبيان ..

لا مالتي اصليه وشاريتها لاني مو وايد مع التقليد خصوصا النظارات طبعا مو تعنفق لا اخاف على نظري ..

مالتي لونها اسود مثل الصوره احب النظارات الشمسيه السودا ..

وفراغه بيجابلوني مالتج تقليد القوطي ومالها والخرجه و وخرجه ال2 كلهم يبينون انه اصليه اللي تقول جذي ماعندها سالفه خو لو تقليد بقول مو حرام ولا عيب ..

جني اشتطيت خخ..

والعفو ولو ..

حياك الله..

شاي الضحى said...

مساء الخير

عليج بالف عااااافيه :)

انا كل ما اشتري نظاره اول اسبوع كله بعلبتها واحافظ عليها بعدين مادري وين العلبه وتتزلق وتروح فيها لما اخر شي البسها وما اشوف فيها من كثر الزلوق لووووووول

وكل مره اشتري وحده غاليه ولازم تكون سوووووده اخر مره قلت انا مو كفو غاليه وشريت وحده من محل الجواتي (وانتوا بكرامه) الي يم اشاز بالأفنيوز بـ 5 دنانير لونها بني حدها عجيبه ورفيجاتي كلهم يسألوني من وين والي كنت اشتريهم غاليين محد يسأل عنهم هههههه بس صج باللبس وايد حلوه ولا تشوفين شلون محافظه عليها جنها بـ 500 دينار مو 5 دنانير هههههه


يعطيج العافيه :>

Fishah said...

مبرووووك النظاره اليديده

انا يبيلي بعد بس متعيزه اروح ادور

لاني اطفر اللي معاي ماقتنع بسرعه في اي وحده

بس هالديزاين احسه مو لايق علي مادري ليش :<

C'est La Vie said...

عليج بالعافية رورو
انا عندي مثلها بس الحجم الصغير
لأن ويهي عنونو اذا خذيت الكبيرة اختفي xD

رورو الشخبوطه said...

هلا جايونه..

مساء النور..

الله يعافيج يارب مشكوره..


خخ احم احم مثل حالتي ..


هالشي تاكيد ع نظريتي انا موشرط الشي يكون غالي عشان يصير حلو ..

وزين تسوين حافظي عليها وانتي تحافظين عليها لانج تحبينها :)

بالعافيه عليج يارب..

والله يعافيج يارب ..

مشكوره..

وحياج الله..

رورو الشخبوطه said...

هلا فيشه..

الله يبارك فيج يارب..

مشكوره..

انا تعذبت فاحترمت نفسي وشريت :)

اي صح صعب تقررين ..

جربتيه ؟؟

وحياج الله خيتو..

رورو الشخبوطه said...

هلا سي لافي ..

الله يعافيج يارب مشكوره..

بالعافيه عليج..

انا كلمالها تزلق الظاهر يبيلي خنافر خخخ..

وحياج الله..

سعد المحطب said...

متابعة جيدة للموضة :)

ورينا بعد أحلى ماركة نظارات
"Emporio Armani"

bokeh of magic * said...

وناااسه عاد احلى شي لما اشتري نظاره يديده احس اني مسوية انجازP:
عاد يبيلة اشتري نظاره شوقتيني لووول
اي و مبروك على النظااره ^^

رورو الشخبوطه said...

هلا اخوي اجتماعي..

مشكور ..

بس هالمره متاخره شوي :)

سويت سيرج عليها فيها نظارات كبيره تشوق بس بالمحلات ماثبت عليها للاسف :(

وحياك الله..

رورو الشخبوطه said...

هلا بينغ ..

اي وناسه جنج حاطه مكياج حلو خخخ..

اذا عندج وحده زين حرام اشتري شي غيرها :)

الله يبارك فيج يارب ..

مشكوره..

وحياج الله..

My Books and Me said...

لووول رورو تبادلين الويوه :(

من صجي بس صح بجرب حجي ستار

ستار حبيبتي مشكورة بجرب الراي بان اللي لونها عسلي اليوم شفتها على وحده و وايد عجبتني

Fishah said...

رورو اتصدقين ماجربتها

بس حكمت عليها انها مو لايقه علي من شكلها .. يبيلي اتجرأ واجرب

اتحوشج حاله ماتبين اللي يشتغل بالمحل يجابلج .. جنه اهوا المنظره ماحب يخزني اللي يبيع :<

وحـدهـ من البـشر said...

بيــه من زمان خاطري فيها

رفيجاتي شروها وانا ليلحيــن


عليج بالعافيه

وملبوسـ العافيه

Sweet Revenge said...

علي البركة
حلوين ماشا ءالله نظاراتج
بس مشكلتي ويهي ضغير مايتحمل موضة النظارات الكبيرة ولا ودي اخذلي وحدة

رورو الشخبوطه said...

هلا موم

ولكم باك

خخخ مايغلى عليج..

اي وياريت لي جربتيها تعطينا خبر..

وحياج الله خيتو..

رورو الشخبوطه said...

هلا فيشه..

ولكم باك

اي جربيها وربي اكثر من حجم منها..

اي ماحب احوس واللي يشتغل وراي بس ع حظي كنت رايحه لهم الظهر فمو فاضين لي خخ..

وانا المحل اللي رحت له كل حريم بس 3ادري اذا اسعره زين او في ارخص منه اهو بجمعية الروضه فوق..

وهم ناطرتج تجربينه ..

وحياج الله

رورو الشخبوطه said...

هلا وحده..

اي لحقي اخذيها قبل لا تخلص موضتها ..

الله يعافيج يارب..

ومشكوره..

رورو الشخبوطه said...

هلا سويت ..

الله يبارك فيج مشكوره..

مرسي ..


في منها مقاسات جربتيهم ؟

وحياج الله..

خديجة البهاويد said...

عجييييبة ماشاء الله

وشكلها بتطلع حلوة عليج



تعالي اقولج
جربت بطلب من موقع نفنوفي اخييييرا
بس حجزته بالسلة وماطلبته
لان جاكيت في منه قياسين بس
وخايفة يطلع مو قياسي

تهقين اجازف ؟؟

رورو الشخبوطه said...

هلا خدوه..

من زمان عنج عاش من شاف :)


مرسوو..


شوفي مره وحده نفس حاله وقالت لهم انه يبون مقاسين واهي تختار الاحسن..

انا مو متاكده بس جربي وان شاءالله تضبط..

وبالعافيه يارب مقدما ..

وحياج الله..

ميمة السبيت said...

** عليج بالعافية و ديري بالج لاتضيع .. انا اعتزلت النظارات

princess adadi said...

راي بان صايرة هبة مو طبيعية

الكلللل يلبسها

وانا مازلت على النظارات السودة الكبيرة

على قولة امي جنج ذبانة لوووول

يعطيج العافية ^^

رورو الشخبوطه said...

هلا ميمه..

الله يعافيج يارب و مشكوره..

وبحافظ عليها ان شاءالله..

بس لمازا اعتزلتي ؟!؟

وحياج الله خيتو..

رورو الشخبوطه said...

هلا برنسس..

اي صح ..

انا القديمه كانت كبيره واللي قبلها بعد كبيره وهالمره دورت كبيره ماحصلت :(

الله يعافيج يارب ومشكوره..

وحياج الله..

Fashionet said...

heheh tha7aktiniii " mashaher wayed qlidoni :P :" hehe ya7eilweich ;*

LION KING said...

مبروك النظارة الجديدة

بس اعترض علي وضع صور متبرجات

تحياااااااااااااااتي

رورو الشخبوطه said...

هلا سوييت..

:)

حياج الله خيتو..

رورو الشخبوطه said...

هلا اخوي لون كنغ..

الله يبارك فيك يارب مشكور..

ولا يهمك اخوي مره 2 بحاول اغطيهم كثر ماقدر ..

وحياك الله اخوي..

الوتيــــــــــن said...

أقولج شي ؟ توني أدري عن هالمدونة !!! صج مفهية آنا

نايس يارورو حدج نايس ومواضيعج تهبل .. الجنطة ماعجبتني لأن ستايلي غير .. بس سارونه ينت عالثانية وتسألج .. فيها حماله؟ تحب لطوال

--------------

هاذي نظارتي .. بس إطاري رمادي مو سلفر ;)

بس أكو مشكلة .. لو حبيت أرفع النظارة ماقدر أحطها فوق راسي لأنها ماتمسك نفس النظارات الثانية فاظطريت ولأني أبيها إني أييب وياها نظارة شوبارد اللي عليها دوائر من الجنب وكرستاله

.... عجبتني سالفة (ضاعت .. ماحبها ) ياحلوج يارورو

يبيلي فرة مره ثانية بهالمدونة أستطلاعية :)

يعطيج العافية رورو

رورو الشخبوطه said...

هلا الوتين ..

ترا قبل جم يوم رديت وماطلع الرد :(

خخ لا توني رديت لها و ع الخفيف بعد كنت ..
ملاسي مرسي خيتو..

ال2 ماشفتها عدل بس شلتها اختي وكانت تتعلق ع صوب عقب جف الايد وتصير بالطول ماحبيتها وماتعبثت فيها اذا لها خيط او حزام او علاق مادري شسمونه 2 او لا..
--------------

انا نظارتي اطارها اسود ..

ليش تحطونها فوق ؟؟ اشوف البنات يسون جذي ..

انا يا على ويهي يامحذوفه خخ..

اي للي الحين مالقيتها سوليحط..

حياج الله واخذي راحتج خيتوو..

الله يعافيج يارب مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads