Tuesday, October 6, 2009
السلام عليكم,,

واي طلعت روحي يالله قدرت انزل الصور ولما نزلوا طلعوا ع صوب من امس وانا احاول مو متعوده انزل صور من تلفون العاده كاميرا ..

المهم اول امس كنت احوس بمركز السلطان ع ابو ابي كريم لجسمي خخ افتريت فيه كله الا صوب الكريمات مارحت له :(

و تنحت عند ثلاجة من الثلاجات اغلب اللي فيه من دايت كير لقيت كشري وبرياني وصمونه وسلطات وحلوو..

فخذيت للتجربه شغلتين بس ..

اول شي لزانيا ..

وحبيتها لذيذه وخاصة الطبقة اللي فوق ..




شكلها من داخل مادري شفيها متكرفسه ..

وخذيت سيزر لانه اكثر سلطة احبها ..
بس ماعجبتني كلش حسيت اكل كرتون والصولص شويه والتوست اسمر ماحبه ومافيها دياي ..
وثاني مره اجرب سيزر اللي تصير دايت اول مره من لوفات وهم ماعجبتني :(


وبس سلامتكم ..
وبالعافيه علي يارب :)
انتوا شنو جربتوا منه وحبيتوه او من مكان 2 يبيع سوالف دايت مابي الضعف عقدوني محد يشوفني متينه الا اخوي اول يناديني زيتونه الحين البطه اهي اهي ابي شي صحي ؟؟
واي نسيت للامانه الصور لاول من هالبلوق ..


29 comments:

شاي الضحى said...

هلوووو رورو

عليج بالعافيه :))

انا جربت تيركي ساندويتش عجبتني حلوه وتشبع وجربت سلطة سيزر ما حبيتها السوس مو مال السيزر حاطين شي ثاني يلوع الجبد وما فكرت اشتريها مره ثانيه

لانه اصلا السيزر ما تنفع حق رجيم لان السوس مالها ثقيل عشان جذي مغيرينه وصاير طعمها مو حلو

بس ما فكرت اجرب شي ثاني الا التيركي :)



مشكوره :)

star said...

أهلين رورو

أحلى شي جربته من دايت كير باستا آربياتا لذيذه جربيها و عطيني رايك

My Books and Me said...

تصدقين أنا اللي يبيلي ريجيم

بس أبي نظام غذائي زين دايت كير أبي أشترك بس وايد غالي شدعوه

=/

bokeh of magic * said...

انا باعتقادي كل الكلات الرجيم طعمها جنها بلاستك P:
اكلي الاكل اللي تحبينه بس خففي لا تكثرين احسن من هالاكل الماصخ !

Anonymous said...

أنا جربت vegetable wrap وعجبتني
و أكلت كشريو أرابياتا و هم حلو عجبني و ماني ذاكرة شنو بعد p;

رورو الشخبوطه said...

هلا والله جاي..

الله يعافيج يارب مشكوره..

اي حتى لزانيا تشبع اكلهم مو شويه راهي ماشاءالله ..

اي الله يزيد النعمه طعمها مو حلو وسالفه صولص لسيزر ماينفع للرجيم امبلى في نوعبه مخصصه له محصلتها بجمعية الشاميه بس ماخذيته لانه شكله يسد النفس استغفرالله انا احبه يكون ابيض هذاك لونه مدوعم جنه ..

بالعافيه عليج يارب..

العفو ولو..

حياج الله..

رورو الشخبوطه said...

هلا والله ستار..

ان شاءالله بجربها واقولج رايي..

حياج الله خيتو..

رورو الشخبوطه said...

هلا موم..

صج عيل توقعتج ضعيفونه ..

انا اخوي جرب العوضي وضعف على نظامهم هالحجي من جم سنه بس ماشاءالله وزنه زين لي الحين ..

اي غالي تقريبا 200 يالشهر جنه غسط سياره ..

حلاته تجربينه فتره اذا ولمج تشتركين فيه بس انا افضل امر اخذ اللي ابيه من الجمعيه احسن لي..

وحياج الله..

رورو الشخبوطه said...

هلا بينغ ..

بالعكس مو كله الزانيا حلوه وايد شغلات رجيم لذيذه ..

انا مثل ماقلت مابي اضعف ابي شي صحي مو متروس دهون ..

وحياج الله خيتو..

رورو الشخبوطه said...

هلا حنان..

بشوفهم ان شاءالله..

بس عيبي عسره بالاكل 3\4 الخضره ماكلها :(

وبالعافيه يارب ..

وحياج الله خيتو..

bhr.qadsaweya said...

عليج بالعافية و الله

بس جنج كنتي تبين كريمات شوداج عند الأكل لووول

شكل اللزانيا يشهي وتراني حدي يوعانه

يعطيج العافية

princess adadi said...

شكله لذيييذ

يعطيج العافية :**

سعد المحطب said...

بالعافية على قلبج ..

في مراكز دايت سنتر ..
أكلهم حلو وصحي ..

ويضعفج من غير رياضة ..
بس يخليج تفلسين بنص الشهر :d

اللي أعرفه ..
تلقينه بجمعية النزهة ..

يعني إذا كلفج باليوم "5-6" دنانير ..
تقبلي الوضع ولا تستغربين !!

رورو الشخبوطه said...

هلا بحرينيه ..

الله يعافيج يارب مشكوره..

خخ يمكن لانه كنت صايمه فما اشوف الا الاكل ..

اي والله انا عن نفسي حبيتها يبيله تجربينها :)

والله يعافيج يارب..

حياج الله..

رورو الشخبوطه said...

هلا اخوي اجتماعي ..

الله يعافيك يارب مشكور..

اي يبله اجربه ان شاءالله..

انا مابي اضعف صج متنت عن قبل بس هم اعتبر ضعيفه اهم شي ابي اكل شي صحي ..


اها مشكور ومن زمان عن جمعية النزهة خبري فيها ايام ومبي :)..

تدري عاد هالشي احس طبيعي لانه مثل سعر الكافيه انا ورفيجتي عساس مانتذابح عندنا سياسه كل وحده لها يوم تعزم ال2 بدال لانتهاوش عند المحاسب وكل يوم حسابنا 5 تقريبا وبس ناخذ صمونتين وشي اهي تشربه هذا اذا ماطلبنا زياده سلطة او كيكه ..

يبيله اكل صحي ع حسب الدوام خخ..

مشكور اخوي فادني تعليقك..

وحياك الله..

رورو الشخبوطه said...

هلا برنسس..

اي حبيتها :)

الله يعافيج يارب..

مشكوره..

نمووول said...

انا اكره كل شي دايت ولايت
بس غريبه تقولين حلوه العاده يكون
اكل الرجيم ماصخ ولا مو حلووو
انا يبيلي انزل ٤٠ كيلوا حلو ٤٠ ولا ٦٠ عشان اختفي ؟
شكراً .. وبالعافيه عليج اللزانيا

Cesc said...

عليج بالعافيه ,
مركز سلطان هذا مشكله لول
كل ما اروح له اشوف شي يديد واشتريه وع اساس اني بصير فلته اخربها ,
اخرها صلصه الكاري ..
بعد ما خبصت فيها , بالاخير قصيت ع نفسي وخليتها عصير : )*

رورو الشخبوطه said...

هلا اخوي نمول ..

انا جربت وايد اشياء من هالسوالف وحبيتها مثل الككاو والحلاو و الجبن بس ماحسهم خفاف لا عادي..

وهالمره وجبه كامله مثل لزانيا..

اي والله عجبني حسافه لو مخليه اختي تذوقها ع ابو اكثر من رايي احسن ..

حرام عليك حسيت اني ضعفانه رحت وزنت نفسي جان انصدم خخ بس سالت اختي وقالت اني ضعيفة وارتحت نفسيا العاده اهي تدقرني..

وماشاءالله شكلك ضعيف حيل ..

العفو ولو..

والله يعافيك يارب ..

حياك الله ..

رورو الشخبوطه said...

هلا اخوي Cesc ...

الله يعافيك يارب ومشكور..

اي يونس للتجارب بس يبيله نمسك عمرنا ومانخمط ع غير سنع ..

وي عاد حلو ولا لا؟؟

وحياك الله اخوي..

Cesc said...

اي لول خوش عصير
كركمي :P

مشكورة ع الزيارة : )*

فاطمــه said...

Yay 3ad ana a7eb hl swalef nfsch :p

w a7la salad 3ndy ahya el ciser Wnasa bel 3afyah 7bebty ***

tra 7ta LOW FAT 3JEEb w ra7 y3jbech enShala :d

رورو الشخبوطه said...

هلا اخوي ,,

بالعافيه عليك يارب..

العفو ولو..

حياك الله..

رورو الشخبوطه said...

هلا فيث..

اي صحيه :)

الله يعافيج يارب بس مو كل مكان يضبطها للحين احب مالت فرايديز التوب بالنسبه لي ..

ماجربت منه الا السيزر ان شاءالله اجرب شغلات 2..

مشكوره خيتو..

كاريكاتير said...

عن نفسي بين فترة والثانية آكل من هليث ستوب!!

ولأني قاطع علاقتي بالسلطة من يوم ما فهمت الفرق بين الموزة والجزرة فما اقدر اصف لج مذاق السلطة عندهم لكن للامانة الوحيد اللي حسيت ان أكله نظيف وصادق!!

رورو الشخبوطه said...

هلا اخوي كاريكاتير ..

بالعافيه يارب ..

انا ماجربته بس شفت انه يوصلون للدوام وبجربه باقرب وقت ان شاالله..

اها خخخ ..

مشكور اخوي ..

bent el deera said...

بالعافيه عليج

انا عندي دايت كير احلى من دايت سنتر
الاشياء اللي جربتها وعجبتني

عندهم حلو تمر اعتقد اسمه جمايكا او شي جذي حلو بس مو واو

حلو التك يهبل بس ثقيل يعني انا اكل نص واذا ابيه عشا اكل واحد
والشيز كيك ماله حلو بعد وانا دايما اخذه منه

وعندهم ساندويش المشروم حلو بس لاززم تسخنينه

سلطاته كلهم ما يعجبوني لان الدريسنغ نتفه

وبس

رورو الشخبوطه said...

هلا بنت الديره..

الله يعافيج يارب..

شوقتين اجرب هالسوالف ..


مشكوره..

Anonymous said...

Great post

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads