Thursday, October 29, 2009
السلام عليكم..
اليوم اول مره بحياتي اروح معرض الكتاب وصراحة ولاختصار كان صدمة لي كنت ابي 7 كتب تقريبا لدكتور احمد توفيق ماحصلتهم اهي اهي اهو تبع دار ليلى بس هالسنه ماشاركوا :(
عاد متعنيه عشانهم مدورته باغلب مكاتب الكويت ماحصلتهم..
وكنت ابي كتاب وداعا احمد عن احمد الربعي الله يرحمه شفته مرتين برا المعرض وما خذيته الحين متحسفه وابيه :(
والمعرض اغلب اللي مشاركين فيه مكاتب كويتيه او موجودودة بالكويت مثل جرير والعجيري ودار العروبه وذات السلاسل والخ ..
وزارات الثقافه او جهات مختصه بهالامر و من اكثر من دوله لاحظت الامارات ماشاءالله عندهم اكثر من جهة تهتم بالثقافه احنا ما اعرف للحين جهة تختص بهالشي ..
والجرايد وكونا وفي ملوت الاحصائيات مادري شكو خخخخ..
خل ارويكم الصور وبكل صوره بقولكم سالفه << احب القرقه خخ..
كتابين من تاليف خالد النصر الله من مكتبه الصحوة ماكنت حاطتهم بلستتي بس مالقيت شي قلت اخذهم كل من يمدحه حسيته حياوي وصغير ماشاءالله بس ماحبي الكاتب اهو يبيع كتبه سالت الحجي عن كتاب جان يسال الكاتب واي ملاغه لو ابي سالتها قالت السعر قلت لاختي رديه اشدعوه ضعيف واول اصار لها بهالسعر@@
اختي قالت لي ماخليته يوقع ع كتابج قلت لها ماحب هالحركات يوصخ كتابي ع ابو اهداء انا خابره الهديه ببلاش مادفع فلوسها :) << هالحجي بالسياره مو جدامه ..
ومريت مكتبه الشروق اشوه موجوده وبالستتي كان بس تاكسي حواديت شوفوا اللي خذيتهم ..
الحلو فيها اسعارها رخيصه اللي اذكره اغلبهم دينار ودينار ونص بس لروايه ب2ونص,,
طبعا في اغلى بس انا حصيلتي كانت بهالحدود..

والاحلى انه ملزقين السعر ع كل كتاب بدال لا اسال عن كل شي فشله..





هذي هم برا اللسته قريت له جر ناعم وعجبني اسلوب وهم كتبه رخاص بدينار وربع وواحد بس دينار ونص..<< الاطلس



هم باللستتي من رابطة الادباء مؤلفات وليد الرجيب وكنت ابي بدريه بس قال من زمان خالصه يمكن من 5 سنين انزين سو طبعه يديده مدام عليها اقبال ..



نسيت اصوره كتاب خواطر شاب وروايه الامال صارت الاما من العبيكان ..





هالمكتبه ماعرفها اسمها الازمنه خذيت هالسوالف بناء ع مدح الريال ..
ميزه 2 بالمعرض اللي يبعون خدومين ويدلونا يعني شي مو عنده يقول بهالمكان تحصلينه ..


من بلاتينوم بوك اللي اهي بديل عن دايموند بوك اصدارات احمد الحيدر وفي كتاب له اسمه حياتنا نصه فاضي انا حسبالي مختربه الطبعه قلت لريال عقب ماجيكت ع 2 منهم جان يقول اهما متعمدين يسون هالحركه عشان احنا نكتب اللي نبي بقلبي قلت عزالله بتكون فاضيه ولا مثل بنات الدوام نقول عن مذكرتنا اليوم مثل امس ونكررها بكل المذكره خخ..


انصدمت انه البوست خلص وانا نسيت شبقول خخخ ..
فيني نومه مقفله ماذكر شكنت بقول اي ذكرت في مكان اسمه الحاسب الالي اهو المفروض يساعدونكم يقولون لكم الكتب وين موجوده ووجوده او لا؟؟
امبيه حدهم اي شي اول شي تطبع بطئ عقب ماتدري انا ابي شي واهي تقول عن شي 2 خو محسبتكوم انا رازه ويهي معاها بالجهاز واغلب اللي سالوا ماعلموهم !!
وطبعا لا يخلو الموضوع من افلام..
فيني طبع خايس اللي اهو تقديم الخدمات بدون لاحد يطلب مني ..
مو كنت اسال عند الحاسب شفت قروب شباب صغار بالتعش يسالون عن دايموند بوك جان اقول لاختي وقفي خل اطالع يعلمونهم او لا طبعا لا جان الحقهم واعلمهم لا واول واحد عبرني واحد صغيرون ومستحي خخ امبيه ياربي شسوي عادي اقدم خدماتي ولا عيب !!
تذكرت سالفه شفتوا اللي يبعون اكل برا كلهم نفس الشركه مو حلو اكله الناتشوز جنه بايت وطعمه بفك الجمعيه مو ناتشو ز الاصلي مثل مال السينما..
شعر البنات ابداع الله يزيد النعمه ..
حتى كهربتهم بوطقه طفت فجاءه جان اضحك عليهم خخخ رحت ولا ناسيه الماي عندهم اللي بس خطوتين مابعدت لما رديت يقولي دورتج مالقيتج شهالعبو وصلت المريخ @@
ومريت معرض الهدايا بس هذا بوست ثاني ببلوقي ال2 ان شاءالله..

34 comments:

سي لافي said...

مشالله عليج بالعافية رورو
خوش كتب
بس بروحتج ما شفتي كتب انجليزية؟

فيشه said...

شكلي ماراح اروح
ماكو شي في بالي + ماحب الزحمه

بس والله الكوليكشن اللي خذيتيه شكله حلوو .. رورو بلشي في تاكسي الحواتيت .. شدني العنوان ترا :)

انا ساعات اروح المعرض مع اختي بس نشتري ذرة مشويه ونرد السياره لوول

معرض الهدايا ماراح اروح له .. امي كانت كله تروح معاي المعارض .. الحين لأ :(

بانتظار البوست الياي عن المعرض الثاني :))

ابو الوليد said...

واضح تحبين الروايات

بس هالكتب شيخلصهم!!
ماشاء الله عليج

خالد said...

bacher broo7lah!

رورو الشخبوطه said...

هلا سي لافي ..

الله يعافيج يارب ومشكوره..

اللي اذكره و هم سالت اختي عشان اتاكد انه فيه بس شويه بذات السلاسل رحت اسال عن كتاب قالي هالصوب للانجليزي و وزعوا علنا برشور لكتاب انجليزي وجنه موجوده المكتبه اللي بالمثنى واغلبها كتب انجليزيه ..

وحياج الله خيتو..

رورو الشخبوطه said...

هلا فشه..

خخ انا كان عندي لسته طولي اخر شي ماحصلت 3\4 اللي فيها اهي اهي..

والزحمه بس بالشارع بالطلعه اما داخل لا عادي ..

ان شاءالله ابلش فيه عقب ماخلص هرطقه و عدد توني بلشت فيه من ماوراء الطبيعه ..

خخ انا ماعرف اروح بدون لا اخمط :(

اي شخبارها تنت ان شاءالله صارت احسن وي بعد عمر لو ادري جا خذيناج معانا..

اي ان شاءالله بعد مارد من طلعت اليوم..

مرسي فشويه.

وحياج الله خيتو.....

رورو الشخبوطه said...

هلا ابو الوليد..

اي احب الروايات بس هذيل مو كلهم روايات نصهم بس الباجي منوعين ..

لا بيخلصون ان شاءالله ماعندي شي غير القراه متعتي الوحيده عقب القرقه :)

حياك الله اخوي..

رورو الشخبوطه said...

هلا اخوي خالد..

ان شاءالله ..

وان شاءالله تحصل اللي تبيه..

حياك الله..

مي said...

ماشاء الله ..

مبين عندج خبرة كبيرة بالروايات.. إذا باخذ لي رواية لازم أمر عليج ;)

أتمنى لج قراءة ممتعة ..

بالتوفيق ،،

رورو الشخبوطه said...

هلا مي ..

اممم تصدقين لا !!

بحاول انوع قرائتي عساس اغطي كل الموجود او ع الاقل احسن الموجود..

حياج الله باي وقت وبكل وقت..

مشكوره..

اجمعين يارب..

تسلمين..

جوفنس said...

وين يا خلاف

انا رحت امس , والرقابه ذابحة المكتبات !!

ماكو شي بس شريت كتابين وجني ابي اكمل الثالث

انا اعرف واحد سنة الي طافت دفع 60 دينار كتب .

الحين ما كو شي يشتري فيه إلا جم كتاب .

انا اتكلم عن الكتب الدينيه والسياسيه .

عين بغزي said...

لسته طيبة وقراءة سعيده :)

بالنسبة لتاكسي الحواديت اهو عباره عن شنو بالضبط روايه او قصص صغيره ؟؟؟
شدني اسم الكتاب

أنا اشوي العصر بمر المعرض وانشاء الله احصل شي جميل

المباركية said...

الصراحه في بعض المكتبات اسعارهم حدث ولاحرج بالكتاب
المفروض بالمعرض تكون الاسعار ارخص من جذي
بس نصدمت لما قلتي الكتب بالمكتبه الي بره بدينار دينار وشوي

اغلب كتب موقع عليهم واهدائات

موضوع طيب

رورو الشخبوطه said...

هلا اخوي Jevons ..

عاد الكتب اللي ابيها عاديه مو ممنوعه وحتى الممنوعه نقدر نطلبها استغفرالله حركاتهم تبط الجبد ..

انا مادري شكثر صرفت بس كان عندي تقريبا 20 او اكثر وسحبت 50 وخلصوا وخذيت من اختي بس هالشي لمعرضين واللي يبط الجبد اللي ابيهم ماخذيتهم حتى خواطر شاب طلع ماخذه خواطر اليابان :(

عموما قراءه ممتعه باللي شريتهم ..

اي اتوقع هالسوالف وايد مشددين عليها مع انها تنباع بالدول ال2 عادي :\

وحياك الله اخوي..

رورو الشخبوطه said...

هلا اخوي عين ..

ان شاءالله مشكور..

توي بطلته وتصفحته ع الطاير واللي اعرفه انه مواقف صارت له او مواقف عموما مع سواق التاكسي ..
<< اقرب للقصص القصيره..

ان شاءالله تحصل كل اللي تبيهم وقراءه ممتعه مقدما..

حياك الله اخوي..

رورو الشخبوطه said...

هلا اخوي المباركيه..

في مكتبه شريت منها احس اغلى من اللي برا وهم جرير خو اغلى من الباجي معروفه ..

اي انا توقعت في عروض مو تواقيعهم وخرابيط ..

اي مكتبة الشروق المصريه ودار الاطلس الكتب اللي خذيتهم منهم رخاص ع دينار ودينار وشي بس الروايه بدينارين ونص مكاتب مصر ارخص من مكاتبنا ومكاتب الاردن هذا بناء ع تجربتي بالمعرض..

انا كتبي يدد لو مشخبطين عليها جان علوم وصاروا قدم و اخذهم ببلاش بعد خخ :)

مشكور..

وحياك الله..

خاتون said...

وناسة أنا أحب معرض الكتاب بس وقتي ما يسمح أخاف أن طلعت من البيت ما أسوي تقاريري و لا أخلص دراسة أهي أهي ...أحلى شي طبعج ألا وهو المساعدة بدون محد يطلب منج و هو في أحلى من كده
الكتب اللي شريتيها شكلها تونس بس أغلبها روايات و أنا ما أتجرأ أشتري روايات وايد إلا إذا كانت رعب وناسه نياهاها ...على العموم بغيت أسألج حبابة شسالفة كتاب النساء من الوفرة و الرجال من العبدلي لا يكون تقليد حق كتاب من الزهرة و و الرجال من المريخ
أفيدينا أفادك الله صديقتي زين الزاد تقراه بس مالي خلق أسأل أدري عيز ههههههه لا و كل يوم بويوه بعض
بوست رائع كصاحبته الرائعة و الجميلة *_^

رورو الشخبوطه said...

اهلين خاتون..

روحي له بالعطله بس ترا شويه المكتبات اللي تسوى تتعنين عشانها اغلبها كويتيه موجوده ع طول ..

اي ساعات احسه رزت ويه خخخ..

اي انا احب الرعب بس كل اللي ابيهم رعب مو موجودين:(

اي اهو مثله بس بطابع كويتي << ع حجي المؤلف ..

خخ لا عادي احلى تاخذين راي اكثر من وحده ..

بعد عمري مرسي..

وحياج الله اخيتي..

برنسس اديدي said...

لوووووووول

وايد تتحلطمين حجية :P

ترى الكتب مو غالية .. سعرها زين
انا مرات لما اشتري كتب من فيرجن يوصل سعر الكتاب الواحد 8 دنانير

اهم شي انج شريتي هرطقة + الحقيقة لا تقال .. صدقيني ماراح تندمين على قرايتهم ^^
ابداااع بشهادة الكل :)

حدي متشوقة للروحة للمعرض
دمتِ بود :*

رورو الشخبوطه said...

هلا برنسيس..

مو تحلط هذا الصج ..

اهي مو غاليه اوفر بس اغلى من برا المعرض وانا لما اشتري ماخذ كتاب ولا 2 اخذ وايد فيفرق اذا شريت منهم ولا من برا ..

الكتاب اللي ب8 يكون عن شنو اكيد شي اسبشل مو روايه ماتعدت ال200 صفحة ..

قريت هرطقه خلصتها وكانت زينه البوست الياي بيكون عنها ان شاءالله..

حياج الله..

اقصوصه said...

ما شا الله عليج

كل هالكتب

انا عاد ممستحيل اطوغ معرض الكتاب

لازم دوم اروح حتى لو ما فبالي اخذ شي معين

ع فكره لفت نظري صورة كتاب واحة الغروب

ترى الروايه جدا جميله

انصحه تبدين فيها :)

مي بوك اند مي said...

عليج بالعافية بالكتب

هرطقه شكثر أشوفه بجرير و فيرجن وما أشتريه

تتوقين يستاهل؟؟

ناطرين الريفيووز يا رورو ;)

اللي على رسمة ديج شكله يونس

عبدالله said...

تسلمين رورو

قولي لي شنو احسن الكتب اللي لقيتيها عشان نشتريها ..

وعندي استفسار عن طماشة وينه ؟

مدونتج حلوة ومفيدة وروعة

رورو الشخبوطه said...

هلا اقصوصة..

مو وايد اغلب اللي ابيهم مو موجودين :(

انا المره اللي رحت له ماحصلت اغلب اللي ابيهم :(

خلصت 2 وان شاءالله ببلش بخنفروش عقب اليوم التالي لامس عقب اهي :)

مشكوره..

وحياج الله..

رورو الشخبوطه said...

هلا موم..

الله يعافيج يارب ومشكوره..

امس خلصته وباجر بنزل عنه ان شاءالله..

ان شاءالله من باجر ببلش ..

اي مال مطاوع خذيته ع ابو في عباره قريت له وعجبتني بس من اي كتاب مادري :\

حياج الله خيتو..

رورو الشخبوطه said...

هلا اخوي عبدالله ..

الله يسلمك يارب ..

ان شاءالله اول باول بنزل بوستات عنهم ..

والله مادري 2 واحد اليوم يسالني عنه :( فجاءه اختفى ..

مشكور اخوي ع الاطراء من ذوقك..

وحياك الله اخوي..

مد ان كويت said...

هلا رورو بالعافيية خووش مشترياات انا رحت معرض الهدايا الخميس وما مداني امر معرض الكتاب قلت يبيله يوم بروحه احسن عشان اتمقل على كيفي

انا حاطه ابالي كتب عنايه بالبشره والشعر وبشوفلي بعد روايات وقصص

فانتازيا said...

هلوو رورو

سمعت ان المعرض هالسنه مو شي لان مكرر واايد شغلات مغبرة


عليييج بالعافيه بالكتب ذووقج عجيب :)
شوقتيني بروح اخملي جم كتاب

مشكورة

رورو الشخبوطه said...

هلا مد مد ..

الله يعافيج يارب ومشكوره..

هم انا رحت الخميس بس العصر واحتمال باجر اروح له ان شاءالله ..

ان شاءالله تحصلينهم ..

حياج الله خيتو..

رورو الشخبوطه said...

هلا فنتازيا ..

اهو عيبه يبيله فراره عدل لانه ملوت الحاسب الالي خرطي شكلي بروح له مرثانيه ونزل بوست 2 عنه ..

الله يعافيج يارب ومشكوره..

اي روحي يسوى تفترين بهالعالم الجميل خخ..

العفو ولو ..

حياج الله اختي..

جاي الضحى said...

صدمتيني لما قلتي اول مره بحياتج تروحين المعرض؟!

اذكر قبل كله يودونه رحلات بالمدرسه وكنه نروح مع امي نشتري الكراسات الكبار نلون فيهم ونشتري قصص

وايام الجامعه كل سنه اروحله وما اطلع بشي :(

كل الكتب الي ابيهم ما احصلهم تخيلي السنه الي طافت قعدت ادور كتاب عن سياسية الكويت مااااااااكو الا كتاب واحد يتكلم عن اشياء عامه كله كتب طبخ وروايات وقصص :( عقبها قلت بس توبه اروحله ما منه فايده


مشكوره وعليج بالعافيه حبيبتي :)

رورو الشخبوطه said...

هلا شاي..

اي اول مره حتى المدرسه ماودوني اهي اهي ..

حتى الوايات والقصص مو كلهم موجودين باللستتي شكثر كتب مو موجوده هناك :(

والعفو ولو ..

والله يعافيج يارب ..

وحياج الله..

Anonymous said...

مساء الخيييييييير

يا عمري يا شخبوطه .. هبة ريح ماشالله اول باول

عن نفسي من اول ما قالوا يا معرض وآنا اقول بروح

اخوي قال بروح ... وياك
بنت خالتي قالت بروح .. وياج
اختي قالت بروح ... وياج
واليوم مرت اخوي قالت بروح .. وهم قلت وياج

وكلهم ماراحت مع ولا احد فيهم :\ شكلي بالاخير بروح بروحي .. شوفي اهو لو مارحت باجر بطلع صج مو قدها :|

عالعموم آنا جدا جدا جدا تعبانه جسديا ونفسيا هاليومين علشان جذي مكسله .. ادعولي بالشفا

ملاحظه : عدي تقريبا 9 قصص من روايات نجيب محفوظ يايبتهم من مصر هالسنه من المكتبة اللي بهلتون رمسيس .. قريت منهم بس رواية (رادوبيس) روعه .. وعندي رواية عصر الحب بس ماقريتها .. خلصت زقاق المدق والشيطان يَعِض ... وشقة الحرية .. لوووول حدي دشيت عرض بالقصيبي هههههههههه

يعطيج العافيه ياعمري ..

متابعه (الوتين)---> مفهيه ناسيه كلمة السر مالتي لول

رورو الشخبوطه said...

هلا الوتين ..


مساء النور..

سبحان الله ع عماي دشيت هالبوست جني حاسه انج راده :)

اجر وعافيه وماتشوفين شر وسلامات يارب..

ان شاءالله تروحين باجيله 3 ايام انا ودي اروح له مره 3 ابي فسوق لعبد خال وابي عسار لبثينه ولخولة القزويني ..

شريت سوالف للقصيبي 2 بس بالبوست اليديد حطيتهم ..

وقراه ممتعة يارب..

الله يعافيج يارب ومشكوره..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads