Wednesday, October 28, 2009
السلام ..
ذاك اليوم كنت اشوف برنامج صباح الخير ياعرب لحظه وصلة النت قامت تطلع الوان غريبه يالهي اكمل ولا اشوه ردت طبيعيه..
المهم وبهالحلقه استضافوا مصمم ازياء اسمه حاتم العقيل اول مره ادري انه في مصممين للدشاديش بس اختي تقول بجده عادي فيه لانه يحبون هالسوالف ..
وقال انه عنده مجموعتين توبي ومجموعة حاتم باي حاتم واهما اللي بينعرضون بالامارات البلوق يقول انه حجي ماتسيف اهي اهي بس بكمل اشوه رد طبيعي شفتوا لا حياة مع الياس خل اختصر لاينفجر بويهي خخخ..
وعرض الازياء بيكون بهالشهر وبدبي اتوقع خلص اول امس و بابوظبي باجر بيصير او بالاحرى اليوم الساعه 17 مالي خلق احولها عادي بس جنه 5 بتوقيت الامارات ..
نشوف صور من مواسم مختلفه ..
نبلش بالرجالي ..
تطريزات ناعمه..




سبور ..











في شغل مو مبين تحت الصدر تقريبا تطريز بخطوط متعرجه مثل تخطيط القلب ..










في جم موديل منهم عجبوني بس ماتخيلهم مع غتره :\




الجاكيت مخربه طالع جنه روب ..


هم سبورت..
واي يما رد الوصله فيها بلا مو طبيعيه شكلي بكسرها وريح نفسي ..










جنه تنورة ..




لماعي..
















اتوقع هالصور من محله ..








لليهال ..


مادري ليش تذكرت نحن والاطفال :\



دورنا :)
اغلب تصاميمه تعتبر ساتره ..
احس الخامه محليته ..

عجبني الموديل ..



هالموديل في شي حلو وشدني شنو مادري ..


مميز بانه ناعم ..

حاتم العقيل بالصحف << تذكرت هوموركات وبحوث الجلمعه اهي اهي ..













المصادر :

مصدر يبين ان اسعار وتتراوح مابين 400 و700، والمطرزة بين 450.<< معقوله اسعاره ..

http://moheet.com/show_news.aspx?nid=299327&pg=20
عروض الامارات..
63تقريبا صور لموديلات نسائية والاغلب رجاليه..
سايته :
وغيرهم وايد نسيت اسيفهم :(
اذا في اي غلطه من هالوصلة واذا مارديت عليكم ترا انجلطت منها :\
اي قبل لا انجلط شرايكم ..
يارب ينزل اهي اهي ..

33 comments:

Fishah said...

صباحوووو

نزل نزل الحمدالله :)

انتي الظاهر جهازج مخنزر نفس اللي عندي .. يبيله فورمات وافتكي :>

موديل الكرفته الصراحه ضحكني .. وحتى اللي جنه تنوره
احس مااا اتقبل ريال يلبس جذي!

يا دشداشه صجيه .. او خلك كاجوال !

اممممممممم اي الموديل اللي قلتي عنه حلو .. يمكن لانه ناعم مع الحزام والورده اللي على الجتف :)

تشكرات خيتوو .. واسم الله عليج من التجلد :))

Fishah said...

التجلد !!

*التجلط

بدليات الصبح عااااااااااااادي :))

ميمة السبيت said...

** صباح الخير عالحلوين

يعني موديلات الرياييل هلاقه و مادري ليش حفاي بس الحريم فيه جم موديل حلو و ناعم ..

مشكورة يا ام الفناتق

رورو الشخبوطه said...

هلا فيشه..

نزل ولما بعدله اخترب خخخ..

لا من الوصله اتوقع ..

اي التنوره عجيب ذكرني بوزار خالي خخخ..

اي الحلو بموديلاته انه ناعمه..

العفوو وحياج الله خيتو..

مرسي خخخ مانتبهت لو مو مصلحه ماانتبهت..

رورو الشخبوطه said...

هلا ميمه ..

صباح النور والسرور..

اي الرياييل بعضهم يليق ع شباب بس ولاماكن محدده شاليه او بيت مو دوام او جامعه والنسائي ناعم ..

العفو ولو..

حياج الله خيتو..

Made n Q8 said...

الله يهداه بدع بتصاميم الدشاديش خخ

بس تصاميمه حق البنات حلوةوناعمه

يسلموو

رورو الشخبوطه said...

هلا ميد..

خخفي ناس تحب جذي انا عن نفسي افضل الدشداشه العاديه..

يس يس ملوت البنات حلوه..

الله يسلمج يارب..

حياج الله..

Fantaseyah said...

هااي

حتى الدشاديش لهم مصممين بعد !!!

الصراحة ملابس الريايل تفشل مو ذاك الزود .. ودشاديش اليهال يمكن نتقبلها..

وملابس الحريم حلوة في جم شغله ناعمه :)

مشكورة يا حلوة

رورو الشخبوطه said...

هلا فانتازيا..

هاايات..

اي تطوروا عشتو خخخ..

اي حلوه للقرقيعان يمكن او مناسبة ..

وملابس الحريم حلوة في جم شغله ناعمه << مثل راي..

العفو ولو ..

حياج الله خيتو..

bhr.qadsaweya said...

قوة

موديلات الديشاديش كلش مو ماعجبوني حلاته الريال بدشداشتة البيضة السادة ولا الحين حتى بالدشاديش بطلعون فيها ستايلات ...

وموديلات الحريم حلوين ونعومين

ويعطيج العافية حبيبتي

عين بغزي said...

مالك امل نلبس هالخلاجين
دشاديش هذي ولا نفانيف .؟؟؟؟
نفانيف جمع نفنوف :)

ماااااااااااالك امل كلش ملش

Faith said...

اهلا رورو الحلوة **

والله تصاميم غريبه عجيبة **8

تسلمين عالموضوع :)

رورو الشخبوطه said...

هلا والله بح بح..

اي احلى الموديل التقليد حتى الوان السخيفه المخوضر والمزورقه جانه مغسوله بجويت مو حلوين..

اي موديلات الحريم احلى بوايد..

الله يعافيج يارب..

مشكوره..

وحياج الله..

رورو الشخبوطه said...

هلا اخوي عين ..

اي صح في بعضهم اقرب لنفانيف لانه لمعه خامتهم ..

اذا صغير ومثل العارضين اتوقع السبورت بيناسبونك للشاليه وهالسوالف :\

وانت اول صبي يعلق ع البوست :)

حياك الله اخوي..

رورو الشخبوطه said...

هلا والله فيث..

مرسو..

وعاش من شافج..

اي هالتصاميم لو يقصرها ويخليها قمصان مع جينزات بتصير احلى ..

الله يسلمج يارب..

حياج الله..

Khalid said...

walla 3jabnii elley 3la badla !
ybeelah wa7d!

كاريكاتير said...

عن نفسي ضامن لي دشداشة من الجرايد

بصراحة اتوقع فعلا انتشارها خلال السنوات القادمة بفناتق كويتية

عادي شركة سوني تسوي دشداشة LCD

رورو الشخبوطه said...

هلا اخوي خالد ..

اي شكلها حلو ع غريب حبيتها كعرض بس ..

لو بتلبسها كلهم بقلدونك << اتوقع..

وحياك الله اخوي..

رورو الشخبوطه said...

هلا اخوي كاريكاتير..

اي حلو الجرايد ..

جنه نفنوف احلام قبل :p

اي حتى انا اتوقع بس لايبالغون ولايسون منها وردي وزري وكل سوالفنا نلقاها بدشاديشكم :\

حلو الكترونيه عز التطور بيصير..

حياك الله اخوي..

My Books and Me said...

أي صح أهما يضحكون وشكلهم مو شي بس خل أحد يلسبهم كل الناس تهب فيه وتصير شي عادي

حلاتهم ما يهبون في شي

والفكرة أحس بايقها

لوووول شفيني ولا شي يعجبني =/

رورو الشخبوطه said...

هلا مومو..


ترا لو يتضبطون ع شكل قمصان مع جينزات بيصيرون احلى ..

خخ مشكله الشي اللي مو حلو ينتشر..

من منو لا يكون قصدج الدعايه مالت التلفونات خخخ..

عادي حرية الراي كفولة بالدستور :)

حياج الله خيتو..

Anonymous said...

الظاهر محد عاجبه الدشاديش غيري

مو كل الموديلات حلوه

بس في موديلات زينه وتلبس

بس مو عندنا

وبدون غتر اكييد

والي احلى من الموديلات العارضين D;

تشكرات خيتووو

F6o6a

علي حيدر النويسندي said...

والله زين تصلح دشاديش هذي الي فوق

Ļa ƒéммé said...

وايد حبيت تصميماته في منهم وايد ينفعون للقنص والشاليه والبر وفي منهم حلوين حق دوانيه الشباب برمضان كنوع من التغير بس تضل الأساسيه لها رونقها وأصالتها

رورو الشخبوطه said...

هلا سيس فاطو..

وينج من زمان عنج ..

عاش من شافج خخخ..

امبلى في بس الاغلب لا مو عاجبتهم..

العفو ولو ..

حياج الله ..

رورو الشخبوطه said...

هلا اخوي اداب بلوق ..

مافهمتك ..

بس حياك الله اخوي..

رورو الشخبوطه said...

هلا لافيم ..

بالضبط مثل رايي..

حياج الله اخيتي ..

حياة في حقيبة امرأه said...

بصراحه عجبتني تصاميمه خصوصا النسائيه تحسينها تناسب الحفلات الرسمية و ساتره بس حلوه

رورو الشخبوطه said...

هلا حياة ..

اللي محليها انها ساتره وناعمه..

حياج الله اخيتي..

Anonymous said...

عيدج مبارك كل عام وإنتي بخير =*

رورو الشخبوطه said...

هلا موم..

وانتي بخير يارب..

وايامج سعيده ..

مشكوره..

Anonymous said...

وظيفة جيدة جدا.

Abd-alrhman said...

واااااااااااااااو

خرافي والله بس ماتوقع البس كذا
ماعرف ههههههههههه

بس ياز لي الثوب الي فيه كرفته
حبيته

شكرا

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads