Tuesday, September 22, 2009
10:37 AM
السلام عليكم..
عيدكم مبارك هني مابركتلكم بالعيد ع ابو حطيت بشخبوطتي موضوع عنه..
اليوم بكلمكم عن ماركه تميزت بلونها ونقشاتها ..
اللي اهي ..
وهذي اهي صاحبتها والشغل عباره عن رسوماتها..
بهالفيديو تتكلمنا عنها ..
http://www.youtube.com/watch?v=sQ6Je19_POQ
شكلها تعبانه الله يعينها يارب :(
وهذي الصوره توضيح لبعض نقشاتها والوان اللي تميزت فيها ..
بالنسبه لي عرفتها من نقشة القطوه ..
واما هني فنماين من شغلها وخاصة الجناط..
هالجنطه الوانها تشوق ماشاءالله تخيلت البسها مع قميصي البنفسجي الكئيب اللي مادري شلون شريته ..
وهم هذي الوانها تشوق بس الجنطه الاول شكلها احلى..
وهم في الوان هاديه حبيت هالدزاين منهم..
هالصوره يبيلها مكبر بس اهي اكثر صورة لقيتها توضح انه من نفس النقشه في اكثر من تصميم..
الشي ال2 اللي حبيته من هالماركه ..
السكارفات ..
هذا ماحبيته وايد بس براويكم انه في نقشات وايد غير القطاوه..
هذا ماحبيته وايد بس براويكم انه في نقشات وايد غير القطاوه..
نايس..
اغلب اللي عجبوني ع قطاوه :)
هذا زحمه ويحول بس الوانه تونس..
جزء بسيط من الاكسسوارات بالسايت في تشكيله اكبر..
اغلب اللي عجبوني ع قطاوه :)
هذا زحمه ويحول بس الوانه تونس..
جزء بسيط من الاكسسوارات بالسايت في تشكيله اكبر..بروش..(رصه)
تراجي حلوين ذكروني بهوايتي اللي ابدع فيها النوم :)
واي غرامي الدلاغات الازرق اللي ع الطرف فيه منه جناط وجنه سكارف بعد..
المداس والزنوبات وانتوا بكرامه..
وهم في شغلات للبيت مثل الكوشيات في اكثر من حجم و شكل وفي زل ..
هم في سوالف للمطبخ مثل الاكواب في هذيل وفي العاديين ..
تراجي حلوين ذكروني بهوايتي اللي ابدع فيها النوم :)
واي غرامي الدلاغات الازرق اللي ع الطرف فيه منه جناط وجنه سكارف بعد..
المداس والزنوبات وانتوا بكرامه..
وهم في شغلات للبيت مثل الكوشيات في اكثر من حجم و شكل وفي زل ..
هم في سوالف للمطبخ مثل الاكواب في هذيل وفي العاديين ..وطبعا في نقشات 2..
هم في غنادير واللي بنص جنهم طابي بس مادري شنو اهما بالضبط..
ينا لمربط الفرس ..
هم في غنادير واللي بنص جنهم طابي بس مادري شنو اهما بالضبط..
ينا لمربط الفرس ..
ان شاءالله يكونون عجبكم ..
اما تحصلونهم وين ؟؟
1- امازون ..
2- موقعها بس مادري اذا يوصل للكويت او لا.. وفي تشكيله كبيره ومتنوعه ..
3- في تاجرات كويتيات ايبونهم مثل ساره ستايل بس عاد مادري الحين عندها او لا وين تحصلون ساره بمنتدى كويتيات و بالفيس بوك وهم تسوي وتنزل بالمعارض...
وبس :)
الحين بطلع ولي رديت بكتب لكم عن جولتي هالمره بشخبوطتي ان شاءالله..
مع السلامة..
Labels:
fashion
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
30 comments:
اول شي عيدج مبارك
ثاني شي انتي من وين تييبيين هالسوالف الحلوة؟
حدهم عجبوني خاصة الدلاغات حق الشتا وناسة عدل؟
فديتج والله
اي اذكر مره شفتها بمعرض الظاهر ساره ستايل وعجبوني وايد
بس اللي بالسايت اكثر بوايد
مشكوره خوش بوست احب هالسوالف وايد
خووش شغل من صاحبته ..
وخوش موضوع وصور منج :)
يعطيج العافية ..
ايامج سعيده اهني ههههه
اول مر اسمع عنها بس عجبوني السكارفات وايد حلوين مع شي ساده وعجبوني اغراض البيت والدلاقات
صج اني اكره القطاوه بس هذوله عجبوني
وقميصج البنفسجي حطيله اكسسوارات او بروشات او ركبيله فوقه لون ثاني تكسرين اللون
مشكوره :)
هلا طموحه..
ايامج سعيده..
خخ تقعت ماراح يعجبونكم :)
انا احب الدلاغات بكل وقت طبعا بالطلعه ام البيت لا انغمت الظاهر اتفس بريولي خخ..
بعد عمري خيتو..
حياج الله ..
هلا رجيمي..
بعلق ببلوقج مايصير ليش :(
اي يونسون وساره جنه عندها بوشات وضايفه عليهم شغلها ..
اي ماشاءالله بالسايت في شغلات ماتوقعتها حتى كروت وجياس تغليف وماعين ..
العفو ولو ..
حياج الله ..
هلا اخوي اجتماعي ..
مشكور..
الله يعافيك يارب..
هلا جايونه..
مرسو :)
اي حلوين صح لازم مع ساده اذا الهدوم منقشه بعد بيصير اوفر ..
انا بعد مو حيل من القطاوه اخاف منهم..
قلت بلبس قلب لولو بس احس مع جنطه احلى و يمكن سكارف :)
العفو ولو ..
حياج الله..
الحين هابين باللولو كل ما ادش محل سواء كان رخيص او غالي عندهم اكسسوارات لولو وشوفي ملوت بيمبا اند لولا الي في 360 وايد حلوين خبري فيهم قبل رمضان انشالله تحصلينهم الحين :))
حلويين
ذكرني بشغل ساره ستايل :)
اتصدقين اول مره اشوف هالماركة
شكل القطاوه حدهم كيووت :)
ميرسوو خيتوو .. الصور وايد حلوين
انتي الدلاغ الازرق وانا الوسطي :)
ولكم باك جاي الضحى..
ان شاءالله قريب بروح 360 وبجيك ع هالمحل..
مشكوره..
هلا دودو..
اي قلت اساسا انا عرفتها منها :)
مشكوره خيتو..
هلا فشه..
اي مو وايد مشهوره عندنا الظاهر..
دوغيا خيتو ..
خخ عاد عجبني اللي بالنص اكثر :)
حياج الله..
عيدج مبارك وتقبل الله طاعتج
امبيه حدهم يشوقون
يعطيج العافيه
عيدج مبارك رورو ولهت عليج من غير شر ... والبوست واااايد حلو يا أم الذوق والفناتق الزينه
بروح اجيك على بلوقج الثاني اشوف شكاتبه هناك =)
هلا ayo0oh..
ايامج سعيده ومنا ومنج صالح الاعمال يارب جزاج الله خير..
الله يعافيج يارب..
مشكوره..
هلا ستار ..
ايامج سعيده..
حتى انا والله ولهت عليكم وايد :)
بعد عمري مرسي..
وحياج الله..
كل عام وأنتي بخير :)
تقبلي مروري الأول
...
صور جميلة وموضوع أجمل
دمتي بود
هلا فيث..
وانتي بخير وصحه وسلامه يارب..
حياج الله ع طول :)
وتعليقاتكم الاحلى..
مشكوره..
عيدج مبارك و تقبل الله طاعتج
.
.
الأغراض وايد حلوين ويشوقون
تسلمين عالموضوع والله
بس السايت ماشتغل عندي
مادري شلة
يعطيج العافية =)
كل عام وأنته يخير.
icdl - امتحانات حقيقية فى الرخصة الدولية لقيادة الحاسب
امتحانات الرخصة الدولية لقيادة الحاسب الآلي,#الخوجة, icdl, اختبار حقيقى فى اى سى دى ال, اختبارات ICDL, الاوتوتست الحقيقى بالكامل, امتحانات icdl,الخوجة,مدونة الخوجة,- امتحانات حقيقية فى الرخصة الدولية لقيادة الحاسب, EXCEL, icdl, icdl auto test, WINDOWS, الأكسل, الورد, الوندوز, برنامج word portable,icdl - امتحانات حقيقية فى الرخصة الدولية لقيادة الحاسب
الاوتوتست الحقيقى بالكامل فى اختبارات ICDL
alkoga,الخوجة,مدونة الخوجة,امتحانات icdl
نتيجة الثانوية العامة 2009
alkoga,الخوجة,مدونة الخوجة,نتيجة الثانوية العامة2009
حملة الدبلومات الفنية وتأثيرهم السلبى على تصحيح مادة الرسم والحاسب الالى بالشهادة الاعدادية
#الخوجة, alkoga, ministry of education, التربية والتعليم, التغذية الرجعية, الحاسب الالى, الخوجة, الدبلومات الفنية,الخوجة,مدونة الخوجة,نرفض أن يعلم اولادنا حملة الدبلومات الفنيه,التعليم فى مصر,وزارة التربية والتعليم,ministry of education
امتحانات icdl
الخوجة, ICDL, الخوجة .مدونة تهتم بشئؤن التعليم والمعلمين من جميع النواحى, # الخوجة ,الخوجة ., # الخوجة , الخوجة .#alkoga., كادر المعلم, التربية والتعليم, التعليم فى مصر, ICDL شرح دورة الرخصة الدولية لقيادة الكمبيوتر, وزارة التربية والتعليم, Ministry Of Education, education in egypt, icdl exams
اعراض انفلونزا الخنازير - H1N1 Cure - علاج انفلونزا الخنازير
اعراض انفلونزا الخنازير , H1N1 Cure , علاج انفلونزا الخنازير ,alkoga,education,الخوجة,مدونة الخوجة
التغذية المدرسية والتعليم الكداب
التغذية المدرسية والتعليم الكداب,الخوجة,تطوير التعليم,التربية والتعليم ,التعليم فى مصر,مدونة الخوجة,وزارة التربية والتعليم,صور
قل الدمار الشامل ولاتقل التقويم الشامل
قل الدمار الشامل ولاتقل التقويم الشامل,التقويم الشامل,الخوجة,مدونة الخوجة,التربية والتعليم,التعليم فى مصر,تطوير التعليم,التعليم الكداب,alkoga
جميع امتحانات الرخصة الدولية لقيادة الحاسب الآلي icdl كاملة | الخوجة
جميع امتحانات الرخصة الدولية لقيادة الحاسب الآلي icdl كاملة | الخوجة
هلا ايامج سعيده
الدلاغات والاكواب يشوقون..
طاانكيييوووووو
هلا بحرينيه..
ايامج سعيده ومنا ومنج صالح الاعمال يارب جزاج الله خير..
والله يلمج ويعافيج يارب..
جيكت ع السايت بطل جربي اذا حابه مره 2 وان شاءالله يبطل..
وحياج الله اختي..
هلا خواجه ..
وانت بخير يارب..
مشكور ..
عاد توني مخلصتها وتذكرت ماعطوني شهادتها :(
هلا ميد..
اي غرامج خو :)
ولجم خيتو..
allaaaaah wannasaaaaa.. iwaniiis 7ada il scarvat 3ajiebeeeen ya36eeich il 3afyaaaa .. bs awal mara asma3 oo ashof ib haal markaa .. bss gharieba welle a7laa il resomaat wel alwan .. ya36eeeich il 3afya ;*?*
عيدكم مبارك
خسارة ما افهم في هالسوالف :S
بس دام طموحة مستانسة يعني اكيد مميزين :D
شكرا لج
هلا سويت ..
الله يعافيج يارب..
اي اهي مو وايد مشهوره بالكويت ..
وصاجه هالشي اللي يميزها الوانها ورسماتها..
الله يعافيج يارب..
مشكوره وحياج الله..
هلا اخوي علي..
ايامك سعيده..
العفو ولو ..
حياك الله..