Thursday, September 24, 2009
السلام عليكم ..
شلونكم ..
اول امس مريت زين بالمارينا .. وسالتهم عن اعلان شفته بالجريده واهو عباره عن لاب توب اعتقد hp وايقو ب44 تقريب..

سالته بجم الاشتراك ؟؟
قالي اذا خطج فواتير ب32 الشهر..
واذا خطج ايزي ب35 ..
بصراحه استغليته من نت بلاش لي نت الشهر 35 !!






وعقب رحنا يوريكا بنشتري تلفونات عاد اختي الصغير قالت لي عن وطنيه مسوين عرض..


عباره عن لاب توب ايسر ووصلة نت وهم منهم شريحة اشوه لانه خطي ايزي مو وطنيه ..
والعرض ب29 دينار..
اما الاشتراك الشهري ب26 ونص ولمدة سنه ..




سرعته 7.2 وسهل تعريفه واحس اسرع من الوايرلس مع انه مالنا ع حجي اخوي يعتبر سريع كل مره نزيد سرعته
اقصد كل سنه لما نجدد الاشتراك..
وهم الوايرلس صاير بايخ مو اي مكان بالبيت نقدر نشبك فيه كل مال احس وتقل المسافه ع يوم بنشبك فوق راس اخوي ..

وهم احسن اشبك بالدوام بدال شفتات ع كمبيوتر وحده ..
وهالعرض قبل مسوينه زين بايام معرضهم وكنت باخذه بس الله ماقسم اهو ب60 لاب توب وايقو واشتراك اذا ماخب
ظني سنتين وشهري تدفع 13 اما العرض ال2 ب40 وهم لاب توب ايسر الصغير و تدفع كل شهر 27 وهم سنتين ..
احس انا الربحانه :)
وان شاءالله اكون فدتكم ..

وبالمره اقول kookoo414 بنت القسم كل عام وانتي بخير والعمر كله يارب ويارب نفتك من وظايفنا خخخ..

13 comments:

نمول said...

ما تمشي علي هاذي العروض
الجهاز الايسر هذا سعرة ب 75 دينار
واذا بتاخذينه مع العرض مالهم بيطلع ارخص بس وين
يصيدونج بالاشتراك لازم تشتركين لمدة سنة وبجذي
يطلعون قيمة الجهاز واكثر
و7.2 (طل) لوووو تقعدين فوق برج التحرير ما يعطيج
اكثر من 500 كيلوبايت

وللعلم الجهازين الاج بي والايسر اهم مختارين ارخص
اثنينه من مجوعة اجهزة الشركتين ..:)

مادري شوفي الي يريحج
انا اقول الي بيشترك عشان الانترنت من عندهم
يمكن ما راح تفرق معاه بس اذا بيشترك
عشان الجهاز اقوووول لا والف لا ..

شكراً .

رورو الشخبوطه said...

هلا اخوي نمول..

اي ادري انا بيطلعون قيمة السعر من الاشتراك بس الاحسن لي الوطنيه خصوصا انه نت ولاب توب وشريحه..

و وي طيحته من عيني خخ ..

بس سرعته مناسبه لي انا مانزل شغلات وهالسوالف حدي احوس بالبلوقات وقوقل والخ ..

و شنو احسن سرعه ؟؟

وين محصله ايسر ب79 احنا بيوريكا اختي سالت قالها ب99..

اي صح ارخص بس اج بي خايس ماحبه اما ايسر جربت مال اختي وانا اتدرب لامتحانات وهم ساعات العب فيه زين احس يكد..

ولازم ارخص ولا بيخسرون :)

خذيته مال الوطنيه والحين شابكه فيه فوق برج التحرير :)


لا الجهاز بستفيد او بالاحرى اجربه بالدوام اذا يازلي كملت اذا بعيد الشر الله لايقول انحولت بعطيه اختي الصغيره ..

انا اتفقت اعطيها اياه عقب مارد من الدوام عشان ماتحس انه البنات اللي عندهم لاب توب صغير احسن منها << اهي نظرتها الله يهداها جذي والبنات الحين بالابتدائي عندهم كل شي واهي تشوف واحنا نبتلش عيزت اعطيها محاضرات مافاد مو بالجعاصه بان الجود بالموجود مو لازم يكون عندنا اخر موديل المهم تكون عندنا الشي اللي يفي بالغرض..


فبنطلع قيمته :)

العفو ولو..

حياك الله..

طماشة said...

هلا اختي رورو

على فكرة هالنوعية من الابتوبات كلش مو عملية، لا يغرج حجمه الصغير، ترا بس جم شهر وبعدين راح يعلق عليج. لان أكثر من واحد ماخذ هاللاب توب الصغير وصادفته مشكلة التعليق ف ماتسوى..


طماشة

واحدة مفروسة said...

و الله يا بلااااااااااااش

رورو الشخبوطه said...

هلا اخوي طماشه..

لي اخترب اقول لاختي خخ كل من سبتج..

تدري مو عاجبني حجمه احب الوسط ماحب الصغير وايد ..

وانا الحين اشبك بلاب توب العادي بس ابي اجرب الصغير للدوام واشوه عندي بدائل له ..

انا عادي عندي لانه مال وطنيه سعره اوكي بحر بنات الدوام شارينه من معرض الزين خخ..

اهو سعره سعر الاشتراك الطبيعي بمال زين فاشوه ماتحسف عليه ان شاءالله..

وحياك الله اخوي..

رورو الشخبوطه said...

هلا واحده..

اي انا اشوف حلو وفرصه اني خذيته..

وحياج الله اختي..

شاي الضحى said...

هاي رورو

توني يايه بكتب جان اقره تعليق نمووول ولا نفس الحجي الي بقوله فكفه ووفه وترا صج يطلعون اكثر من قيمة اللابتوب

واذا تبين لابتوب رخيص وعملي روحي كارفور او ستي سنتر السالميه واااايد رخاص وقبل فتره شفت عندهم DELL حجمه متوسط وسعره 147 وفيه كل المواصفات وهم تلقين ارخص واحجام اصغر وفي لابتوبات صغيره تكون سعرها 60 او 70 وتلقينهم بكارفور وحولي بس عيبهم مافيهم شي كل شي لازم تشترينه وتركبينه على اللابتوب يعني دثرته تصير اكبر منه


مشكوره :)

شاي الضحى said...

اي نسيت اقول شي ليش ما تشوفين فيفا ... انا ولا مره جربت هالشركة بس وايد يمدحون النت عندهم

رورو الشخبوطه said...

هلا شاي..

خخ انا ماهمني لاب توب كثر الوصله مالته وشريتها من الوطنيه..

وعندي لاب توب كبير والصغير ابيه للدوام يعني بس اكسبلور ومسنجر ..

اما شغلي كله باللي الحين شابكه فيه..


انا كنت ابي لاب توب سوني الضعيف وسمعت بعد انا احدد اللي ابيه من مواصفات ويحفرون عليه اسمي بس اختي قالت لي ماله داعي ..

ولا انا جربتها بس يذمون خدمة العملاء عندهم ..

ولو بتطالعين مايفرق شي عنه بدون لاب توب ..

فبحاله انا الكسبانه ..

وحياج الله خيتو..

نمول said...

تلقينه بشارع بن خلدون محلات الكمبيوتر

بس تبين نصيحتي لا تاخذين مثل هالاجهزة الصغيرة
صج ان شكلها حلو وكيوت بس مو عملية وايد ..

وبالنهاية الاختيار راج لج ..

الانترنت زين في ب 14 هذا 350 كيلوبايت اعتقد
ويقولون الوطنية مسوين عرض

اشتري لابتوب واخذي اقل سرعة وبس دامج ما تنزلين
وايد ولان فرق السرعة بالظاهر بس لو تجربينهم ما يفرق وايد

شكراً .

كوكو said...

حيااااااااااااااتي
انا اشكرج

وانتي بخير وصحه وسلامة ويارب دعاء يكون مستجاب خخ

رورو الشخبوطه said...

هلا اخوي نمول..

اها اخاف من هالاماكن ..

نفسيا مو اقصد نصابين لا..

خذيته خذيته اهي اهي اي انا اخاف اصير حوله او اصدع منه بعيد الشر الله لايقول..

زين اتوقع اشبك بخطي انا مابي جذي :(

اي انا جربته مال الوطنيه الحين ومرتاحه عليه..

مشكور اخوي..

رورو الشخبوطه said...

هلا كوكو..

العفو ولو..

امين يارب ..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads