Saturday, August 29, 2009
3:39 PM
السلام عليكم ..هالمره بذكر لكم احد تجاربي لانه توني فارزه كريماتي ومصنفتهم ..
هذي الماركه جربت منها ست هذا اهو..
وفيه جل شور وزبده و وسنفرة ..اهو كله بربعه ونص و تقدرون تاخذون كل قطعه بروح الوحده بدينار ونص ..
بالنسبه لي التوب في السنفره صج حسيتها تنظف مقارنة بوايد سنفرات جربتها بهالفتره ..
وعقب الجل شور زين وما الكريم ماشي حاله مو توب ولا خايس عادي ..
وميزتهم انه حجمهم صغير ينفع للسفر والشاليه وللي مثلي يحبون يكودون فيقدرون يجربون اكثر من شغله وهم للي وده يجرب فاذ اعجبه ياخذ الكبير منهم ..
في ناس حبت ريحته انا عن نفسي ماحبيتها اهي مو وع بس مو من الروايح اللي افضلها وتتم مو بسرعه تروح يعني مره تسبحت وقعدت انطر شعري ينشف ماعترف بالستشوار اطلع راسي من الدريشه واذا شتى الزق بالدافيه خخ(اتغشمر ماطلع راسي من الدريشه عيب واحتمال القى راسي يتنددل بس الدفايه جربتها مره: ) واذكر مره الصبح ماعندنا خدامه يبت الاوتي بكوي تنورتي عاد خامتها الجنيز الخايس اللي موبسرعه ينكوي جان استعين بشعري مالي خلق ايب ماي واقعد الوفح والماي ينزل ع التوره واكويها خخ شفتوا من هالتجربه نستخلص انه انا سنعه وذكيه خخ لا انه نسخر امكانيات لتجاوز الصعوبات..
نسيت شبقول اي كنت اقول انه تمت الريحه ليما نمت اختقت منها وطلعت راسي من الكنبل ..
وهذا جم منتج من هالماركه خاطري اجربهم (طبعا مو الحين)..
سنفره للخشم ووحده تقول تخلونها جم دقيقه تصير ماسك للويه ..
كريم للعين لانه اللي استخدمه الحين بيخلص ..
كونسيلر يقال انه علاجي وتجميلي بنفس الوقت ..
ان شاءالله بجربهم باقرب وقت ..
انتوا جربتوا شي من هالماركه وشنو رايكم فيه ؟؟
*Being One ماقصرت نبهتني اني ماقلت من وين خذيتهم انا حصلتها ببوتس واللي اذكر شفتهم غير ملوتي سنفرة الخشم اما الكونسيلر والكريم ماثبت بس يارب موجودين ..
Labels:
beauty
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
30 comments:
أنـا عجبني شكل الماركه لوول ,
اول مره أسمع فيها من وين ؟؟
أما سالفة شعررج و الاوتي كااااااك حدج عجيييبه P;
شكـررررررا
هلا بينق ون ..
زين ذكرتيني نسيت اكتب انها من بوتس..
اي شكلها يونس بناتي ..
خخ بعد الحاجه ام الاختراع اللي يسمع اسكت خخخ ..
العفو ولو حياج الله..
شكلهم حلووو انا شايفتهم من قبل بس ما فكرت اشتريه مادري ليش
بس والله يبيله لازم اجربه
ولوووووووول على قولتج الحاجه ام ام ام ويدت الاختراع ههههه
انا ما جربتهم بس شفتهم في بوتس ووحده في المنتدى تمدحهم
شكلي بقلدج وباخذ كريم العين :)
Ya36eich il 3afyaa oo magaa9arty :D oo atmanna ineich it7ee6eini one of your freinds .. have a nice day oo bel tawfeeej ;*
** يا ام الفناتق مو كل شي ينحط عالويه و خصوصا الويه لايقب ويهج و نستاثم فيج يوزي يابنية خليج على سنفرة الجسم و اذا تبين شي حق الويه حطي ماركات طبية او ماركات معروفة
هلا شاي..
انا خذيتهم لانه حزتها مفلسه ولما افلس يصير فيني هوس تشري..
ان شاءالله تجربينهم وان شاءالله يعجبونج..
خخخ صاجه :)
حياج الله..
هلا فشه ..
عيل لي جربتيه قبلي عطيني رايج فيه لو سمحتي لانه انا انطر مالي يخلص وعقب باخذه ان شاءالله ..
انتي بكويتيات :)
وحياج الله..
هلا سويتي ..
الله يعافيج يارب..
امبلى انا حاطتكم امس او اول امس ضفتكم بقائمة المدونات عندي ..
مشكوره واجمعين يارب..
وحياج الله..
هلا ميمه..
هذا للجسمي مو ويهي ..
بشرتي حساسه ولعينه واستخدم لها ماركات طبيه مثل كلينك و لوكستيان وسوسكين بقولكم عنهم عقب ان شاءالله ..
وحياج الله خيتو..
ومشكوره..
انتي جربي وخبرينا
و نحن بعدييين بنجرب خخخخ
:)
هلا دلوع ..
جربتهم خخ..
بس الباجي بجربهم وان شاءالله اقولكم ..
حياج الله..
اي توني مشتركه فيه :))
احب Boots كل شي تلقين فيه
طبعاً ما استغني عن Sun In كل روحه
وشكل الكريم مو معروف
إنزين ريحته شنو بالضبط ؟
قوة رورو
تصدقين انا شريتهم هدية حق اخت ريلي
وماعلقت عليهم !!
بس دامج تمدحين السكرب ان شاءالله بجربها
مشكورة
فشه عيل منور فيج :)
هلا حافيه..
انا من اقول ابي اشتري شغله تختفي !!
اي توها نزله الكويت قبل جم شهر ..
وي تحرجيني جذي شميتها مره 2 وناديت اختي تشمها قلت شنو ريحتها جان تقول اقرب للورد قلت انا اشمها ريحت عيش خخخ..
بس لو تشمينها انتي احسن لانه انا ماعرف بالعطور وماشم عدل :(
وحياج الله..
هلا والله انجل ..
زين تسوين ماشاءالله ويمكن ماجربتهم بعدها او تنطر تخلصهم عقب تقولج رايها بس اهي ترا كماركه وايد شفت بنات جربوها ومدحوه اذا حابه تجكين على تجاربهم موجود بمنتدى كوييتيات يعني لا تحاتين ان شاءالله بيعجبونها ..
ان شاءالله تجربينه ويعجبج وبالعافيه يارب مقدما..
العفو ولو حياج الله..
لووووووووووووول والله سوالفج اتينن وتموتني ضحك .. دمج عسل والله :)
اهلين فاتو ..
من زمان عنج..
حياج الله خيتو ..
ومرسي :)
?looooooooool ... ambaih min 9ijich
Ana jarrabt' el hand cream ou ree7tah 9a7 mo thak ezzoud :S
هلا حنان..
ع شنو من صجي؟؟
انزين وكترطيب حلو ولا لا؟؟
مادحين ريحته مال الايد يقولون من حلاته تلزفين ايدج ع خشمج :)
وحياج الله خيتو..
تصدقين أنا اللي يبيلي كريمات بشرتي رايحه فيها حدها
أنا فشه قالت لي عن بلوقج مال الكتب و كذا مره تتكلم عنج
و قريت جم بوست عندج و أنا معاج جنه نفس الذوق بالكتب أنا أحب كتب الظمني الرعب و جذي
بحطج بالبلوق رول عندي و بجيك بلوقج الثاني الحين
هلا غير معروف..
مشكور ع الرابط..
هلا موم..
وانا بعد صايره تنشف بسرعه بس هذول للجسم ماجربتهم لويهي..
تحشون فيني خخ اي فشه خوش بنيه ماشاءالله كل احوس ببلوقها..
اي ملوت الرعب يشوقون حتى لو ماتستفيدين شي منهم كافي التشويق اللي فيهم وحسافه يقولون بيسكرون الظمني..
مشكوره وان شاءالله يعجبج..
حياج الله..
من صجج؟؟!؟ صدمة
ليش بصكونها؟ :(((
أنا أحبها هالمكتبة!!!
ولكم باك موم..
يقولون البنات انها تسوي تصفيه ..
عاد مايندرا لانه اهما تنزيلاتهم من شهر 5 لي نص 6 وعقب مددوها لي نص 9..
بس يارب مايسكرونها صج بعيده بس فيها شغلات سبيشل..
وانا بعد احبها..
هللو رورو
انا استخدمت الشور جل والكريم حلوين وبعد جربت الي يكبر الشفايف بس طعمه مو حلو :s
هلا ميد ..
اهما كنتيجه زينه بس كريحه لا وهالمره الطعم مو حلو خخ ..
مشكوره خيتو..
تصدقين شفتهم في بوتس ؟ زين قلتيلنا عليها يسلمو
هلا الوتين ..
اي صح انا خذيتهم من بوتس..
والله يسلمج يارب..
وحياج الله خيتوو..