Friday, August 14, 2009
السلام ..
ازيكو..
اليوم بقرق ع راسكم عن محل احبه ..
الا وهو ..
الاغلب يعرفه واهو موجود بمكانين بحولي وهذا اللي احب اروحله و بالضجيج وهذا لازم مامي معانا لانه المنطقه تخرع وسامعه انه يخطفون حريم الله يحفظنا يارب..
المهم ..
اغلب الاقسام احبها ..
اول قسم مو اكثر شي احبه بس لازم احوس فيه اهو مال اليهال ..
بس مو كل مره حلو يعني اخر مره لما خذينا اختي اللي عندها بيبي ماحصلنا شي تفشلت خخ واما قبلها لا خذيت بدله تونس لولدها وانا خليته يلبسها غصب وهم قبلها خذيت له هذا عجبني يونس..

ونفس الروحه حصلت ملابس حلوه للبنات اللي تصير فسطان او كامل ومعاه حزاء او ربطه بس حلوين واسعارهم رخيصه حييل بس ماعندنا بنات :(
وتحت بالسرداب قسم اختي المفضل (الجواتي وانتوا بكرامه)
في وايد ماركات مثل ناين ويست وبيبي فات و كوتش وروكسي والخ الخ..



الابيض طلع مقاس عملاقه خخ النعال كبري بالزبط ..


ريولي مو صغيره بس الحمدالله مقاسي متوفر..

كله من امي لو يابانيه او صينيه جان الحين البس 35 بالكثير خخ استغفرالله ..






وفي فوق قسم الهدوم اوف هالقسم غرامي بس يبله تنبيش واختي مالها مقاقه بس هم انبش اجفس جمومي والبس ترنغ واركض خخ..

وفي قسم حلو مال الالعاب العاب تونس وارخص من برا مثل العاب القطن اللي ع بقر اختي تحبه وينباعون ب3 و2 وصغار بس هناك باقل من دينار واكبر منهم ..




كاه تحت مبين..


وفي بعد اقسام 2 بس مافتريت فيهم وايد القسم اللي ماعمره عجبني منه الجناط اما الباجي مع التنبيش احصل واحلى قسم الاحذيه وانتوا بكرامه واكثر شي القط منه والنفانيف زين بس مو كل مره..


وترا اغلب الصور قديمه بس اعطيكم فكره عنه:)





اهو حلو ورخيص بس يبيله تنبيش ومايكون معاج احد يحن ويطن فوق راسج :)






41 comments:

DoDoq8 said...

ولا مره رحتله له لاني ماادله معه الاسف

:)

رورو الشخبوطه said...

هلا دودو..

هذا عنوانه:

موجود بحولي جبال محلات الذهب اذا ماخب ظني عقب دوار صادق خخ خوش وصف (بشارع بن خلدون)..

والضجيج ماعرف اوصف بس اهو ع الدائري السادس اللي كله مصانع ..


وحياج الله خيتو..

Made n Q8 said...

وي صج الي بالشويخ يخطفون الحريم !!
زين قلتيلي خو انا واختي نمشي وفاجين حلوجنا ماندري شسالفه

بس خووش غريضات مشالله ملبوس العافية

رورو الشخبوطه said...

هلا ميد..

مو بالشويخ الضجيج و اتوقع اهي تبع الفروانيه خربت الخريطه انا سمعت انه يخطفون بس مو سيرز محلات الاثاث يما والله يحفظنا يارب..

والله يعافيج يارب..

مشكوره..

زعفرانه said...

يونس المحل ..

رحت له الصيف الي فات ..

و عندهم نفافيف BCBG Maxazria القدييمة ..

بس اغلب المرات احوس فيه و اطلع مو شارية شي ..

يعطيج العافية ..

Anonymous said...

wow
شكلة وايد حلو
ماتوقعته جذي

ضروري اروحلة

شكرا على المعلومة اختي :) حدج تريندي

رورو الشخبوطه said...

هلا زعفرانه..

اي ساعات مالقى شي كبري بس القى شي يعجبني ..

اهو يبيله تنبيش ويبيله توفير مقاسات اكثر ..

والنفانيف في وايد ماركات بس مو ذاكرتهم ..

والله يعافيج يارب ..

مشكوره..

رورو الشخبوطه said...

هلا اختي شيكو ..>> غيرت الاسم :(

اي انا احب ونيس و مال حولي اشرح من الضجيج ..

ان شاءالله تروحين له وتحصلين شغلات تعجبج..

العفو ولو ..

مرسي :)

حياج الله..

Anonymous said...

لول شيكو هذي انا يعني؟ لووول ضحكتيني

ماي نيم از كايوتيك بوشا

ومشكوره على الرد وراح اتابع مدونتج حدها تونس

Anonymous said...

رورو في عندج بوست قديم اسمه بنات وبس فيه جنطه عاجبتني واااايد ودي أطلبها ممكن تقوليلي من وين؟ قصدي السايت او الماركه
ومشكوره

الهنوف said...

تحمست ودي اروحه .. احب المحلات اللي فيها كل شي ..
الصنادل حلووووة .. والابيض حلو .. انا رجولي رجول عمالقة ماألاقي دايمامقاسي .. ليتني صينية هع

رورو الشخبوطه said...

ولكم باك كايو :)
شنو يعني اسمج؟؟

خخ توني انتبه انه ماله شغل بشيكو..


مشكوره وحياج الله بكل وقت..

اي البوست قديم قبل سنتين تقريبا وجنه الصوره ماخذتها من منتدى مو ذاكره والله..

بس هالسايت عنده نفس الستايل وايد قريب عاد ماذكر ولا متاكده اذا مثله او لا..

http://www.chica-loca.com/shop/step0.php?b_code=B20070326045606&c_code=C20070514031554

والعفو ولو..

حياج الله..

رورو الشخبوطه said...

هلا غرغر..

في منهم بالسعوديه اتوقع او الف خخ لانه اهو عالمي فيمكن عندكم موجود..

حتى انا احب اللي جذي لانه احوس بكل قسم ولازم اطلع بشي وهم اذا ابي بدله كامله اقدر اركب اسرع..

مايغلا عليج الابيض عاد اكبر واحد فيهم لما شفت مقاسه نصدمت انا حسبالي ريلي كشت خخخ طلع اهو كبير..

اي الله يهداهم امهاتنا لو حاطين ريولنا بقالب جان كشت خخ اتوقع القالب ينكسر بس اهي ماتكش ..

وحياج الله خيتو..

fatto said...

كله امر يمه بس مافكرت اروحله .. بس الحين فكرت اروحله منج لوول احب هالسوالف :)

رورو الشخبوطه said...

هلا فاتو..

اي يسوى احب احوس فيه خخ ناطره اصير غنيه واروح احوس بربوع بلادي..

وان شاءالله يعجبج..

حياج خيتو..

Anonymous said...

ومايكون معاج احد يحن ويطن فوق راسج :)

^
^
^

y7n?

5la9 dory a7d yro7 m3ach ='(

ميمة السبيت said...

* مساء الخير على ام الفناتق

انا مارحتله بس والله فكره حلوه انشالله نمره باجر و اقولج شنو شرييت

يابختي said...

وناسة..خوووش بوست..كنت ملاحظة وايد تروحين له..وصور خرفاني حاطتهم...

يا حلوج رورو...

انا اذكر رحت مرة من زمااااان..يمكن قبل 5 سنين..وماكررت الروحة...يبيله سيرز...

رورو الشخبوطه said...

اختي حبيتي غير معروف..

انتي الخير والبركه وفي تحت غرامج :)

بعدين انتي اهون مو يمكن قصدي عن اختنا الكبرى خخ..

حياكي الله..

رورو الشخبوطه said...

هلا ميميه..

مساء النور..

وان شاءالله يعجبج وتحصلين شغلات حلوه بس نبشي :)

وحياج الله خيتو..

رورو الشخبوطه said...

هلا بخ بخ ..

اي احبه وترا توني هابه فيه :)

حتى سويت لي بطاقته اللي مادري شسالفتها خخ..

اي صوح خرفانج اشوه مانسيتيهم:)

انا رحت له العام مال الضجيج وحصلت نفانيف تشوق خمطان وقعدنا نقايس واخترنا الاحسن انا واختي ومارحت مره 2 الا لما فتحو مال حولي :)

حياج الله خيتو..

Anonymous said...

رورو مشكوره عالمعلومه لأني عيزت وانا ادور

بس حسافه كل شي سولد آوت

كايوتيك يعني فوضويه لان أنا بكل شي حوسه واحب التخبص لول
بوشا اختصار اسمي بشاير :)

رورو الشخبوطه said...

ولكم باك كايو..

صج انا ماحست فيه هالمره عدل بس هذي بضاعتهم من العام ماتغيرت ..

ساعات لاند مارك ايب مثل هالسوالف..

والعفو ولو حياج الله..

وعاشت الاسامي :)

شاي الضحى said...

انا وايد اروحله مع امي ونشتري كوشيات اسعارهم رخيصه وايد

والسنه اللي طافت رحنا كلنا مع وعفرانه وشرينه مايوهات ههههههه كانوا حييييييييييييييييييييييييييييييييييييييييييل رخاص بس ما لبسته كاهو ليلحين مقطوط بالكبت باللبس مو شي

اغلب المرات لما اطلع اخذلي ميداليه على فيل واحطها مع الفياله اللي عنده ههههه

ميييييييييييييييرسي :))))

رورو الشخبوطه said...

هلا شيونه..

انتي اول وحده تحوس فيه كثري خخ..

انا اختي تاخذ بقر:)

دوغيا..

وحياج الله خيتو..

Sn3a said...

يقولون مرات يبيعون فيه اشيا حلوة
بس مامريت عليه للحين

lazy dazy said...

انا ولا مره شريت منه شي
بس لقيت فيه جواتي وشحاطات كوتش واسعارهم رخيصه بعد ..

رورو الشخبوطه said...

هلا سنعه..

اي صح مرات تحصلين في شغلات حلو بس لابد من التنبيش :)

وحياج الله خيتو..

رورو الشخبوطه said...

هلا ليزي..

اي صح انا جوتي الذهبي من كوتش كان ب25 وصار ب20 جيكت ع سعره بالنت تقريبا مثله وشفت شحاطه بعد بس اصغر مني وكانت ب10 او 11 شي جذي..

اي اسعارهم حلوه ماشاءالله..

وحساج الله خيتو..

Fishah said...

انا مرتين رحت حق اللي في الضجيج
من زماااااااااااان

بس توني ادري انه في حولي بعد
@@

لي زياره ان شاءالله بس خل القى احد يروح معاي هيهيهيهيهي

Anonymous said...

الجوتي الأبيض والنعال السوده تكرمين توج شاريتهم ؟
بصراحه انا شايفتهم بأمريكا وكانت أسعارهم غاليه حيل

رورو الشخبوطه said...

هلا فيشه..

اي يديد يعتبر مال حولي يمكن بيصيرله سنه او سنتين بس خوش يديد خخخ..

حياج معاي بس نطري المعاش وحياج الله خيتو..

رورو الشخبوطه said...

هلا اختي غير معروف..

تقريبا بنص 7 ..

قبل شهر او شهر وشي..

ولا بالعكس انا خذيتهم رخاص الابيض اقل من 5 جنه ب3 مادري 4 والاسود اقل من 10 ب9 او 8..

موذاكره اسعارهم بالضبط بس هالحروه..

وحياج الله خيتو..

kazmawy said...

والله نسيبى واختى كله يروحون له يقولون ان فيه صيدات ملابس حلوة واسعاره طيبة لكن انا ما رحت له ابد :)

daloo3a said...

حلوووو كل شي فالموضوع ^^

The.One said...

حلو والله ..
وترى مال أمريكـا كشخـه وأسعاره مورخيصه


شكرا رورو

رورو الشخبوطه said...

هلا اخوي كاظماوي..

انا صوب الصبيان مافتريت فيه ولا جان نصحتك تروح :)

اي صح تحصل في شغلات تسوى ورخيصه..

مشكور اخوي..

رورو الشخبوطه said...

هلا ش..

الاحلى مرورج اختي..

مشكوره..

وحياج الله..

رورو الشخبوطه said...

هلا ذا ون..

انا ماشفت مال امريكا بس حست بسايتهم ..

زين والله او ل مره ايبون لنا شي زين وارخص من برا..

العفو ولو..

حياج الله..

Anonymous said...

مشكورة على الجولة .. رحت له قبل فترة عجبوني الجواتي و النعال تكرمين :)

رورو الشخبوطه said...

هلا حنان..


العفو ولو..

صح احلى شي الجواتي وانتي بكرامة..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads