Sunday, August 2, 2009


اول شي باركولي صرت عمه والاهم صحت توقعاتي وولدت بهاليوم خخخ..

كتاب اليوم هو مذكرات عن الغزو العراقي الغاشم ..

تحت عنوان :مذكرات الصبر والمر..
تاليف :ليلى العثمان.
متوفر بفيرجن وسعره 2ونص..

تنقلتا الكاتبه الى الكويت قبل الغزو باشهر وماسبقه من احداث على صعيد الاسري و المحلي , كسفرها وحب ابنتها وخطبتها والتجهيز لزوجها واحلامها التي كانت لاتبشر بالخير , اما على الصعيد المحلي فتنقل لنا واقع التهديدات العراقيه و ادعائتهم .
ثم تنقلنا ليوم الغزو 2 اغسطس وهو يوم تاريخي لابنتها الكبرى عبير ولنا ككويتين واثار الغزو ومدى الرعب والهلع الذي اجتاحنا واستمر الى ما بعد الغزو , اشارت لاثاره الاجتماعيه والتفكك الاسري الذي نجم عن طلاق او وفاة .
وكما ذكرت لنا العديد من المواقف التي شهدتها بالغزو و قبله وبعده سواء مع عراقين من جنود او شعب مبينة لنا ان هناك العديد منهم رافض لهذا الاعتداء وحتى بعض الجنود كالاكراد , ومواقف اخرى مع فلسطنين كونها مرتبطة بفلسطيني .
تحدثت لنا كام ابعدت الحرب عنها ابنها نتيجة لسفره وعد قدرته على العودة وتهريبها ابنتها نتيجة لمحكمتها العسكريه بعد ان اثبتت عليها احد اتهم وهي توزيع الادويه للكويتين, خوفها على ابنتها من الاعتداءات وخصوصا طفلتيها سرار وسارة .
مواقف عديده وذكريات لا تنسى تستحق القراءة.
جريدة الشرق الاوسط متكلمه عن الرواية بس لاحظوا الغلاف غير عن مالي ..

12 comments:

شاي الضحى said...

مبرووووووووووووك

وشكل الغلاف يونس وحلو واتوقع مضمونه احلى

مييييييييرسي ؛)

رورو الشخبوطه said...

هلا شاي..

الله يبار فيج يارب مشكوره..

اي فكرة الغلاف حلوه والمضمون حلو ماشاءالله..

دوغيا :)

حياج الله..

اقصوصه said...

الف مبروووك

والكتاب شكله مثير للاهتمام

الله يديم الامن عليكم

تقبلي مروري:)

Fishah said...

مبرووووك يا احلى عمه .. عقبال تعلمين البيبي القراءه :))

رورو الشخبوطه said...

هلا اقصوصه..

الله يبارك فيج يارب..

اي احسه مثل مستوى السجينه بس بصياغه احسن بحكم انه باللغته الاصليه مو مترجم..

وتشابه يكمن بان كلاهم يحكي تجربة واقعية مره..

اجمعين يارب..

جزاج الله خير..

وحياج الله..

رورو الشخبوطه said...

هلا فيشه ..

لج وحشه فقدتج :)

الله يبارك فيج يارب..

لا اخاف مثل ابوه ايبله كتب يقرا المقدمه والقى الكتاب محذوف يخذه وبيصر قرن عنده وماقراه خخخ..

ومشكوره..

يابختي said...

مبرووووك يا عمة....

ومشكوورة على القصة..يبيله فيرجن

رورو الشخبوطه said...

هلا بخبخ..

الله يبارك فيج يارب..

والعفو ولو..

اي عجيب فيرجن :)


وحياج الله خيتو..

Anonymous said...

مبروووك مره ثانيه :p
لوول تصدقين للحين ماخلصتها مامداني بس خلصت هرطقه ماشاء الله وايد حلو اسلوب النصر الله انصحج فيها
Betty

رورو الشخبوطه said...

هلا بتي..

الله يبارك فيج يارب..

مشكوره..

لي خلصتيها ابي رايج فيها..

هرطقة خذيتها عقب رديتها قبل لا احاسب ان شاءالله اخذها عقب اهي وكتاب الربعي..

ومشكوره خيتو..

Anonymous said...

وين احصل الكتاب الحين

رورو الشخبوطه said...

مادري والله وين متوفر ..

من زمان مو رايحة مكتبه بس جنه في كتبها برابطة الادباء وشوفي جرير والعجيري والخ ..

بس قبل لا تروحين اتصلي استفسري احسن لا تعنين ..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads