Saturday, August 29, 2009
السلام عليكم ..
هالمره بذكر لكم احد تجاربي لانه توني فارزه كريماتي ومصنفتهم ..
هذي الماركه جربت منها ست هذا اهو..

وفيه جل شور وزبده و وسنفرة ..
اهو كله بربعه ونص و تقدرون تاخذون كل قطعه بروح الوحده بدينار ونص ..
بالنسبه لي التوب في السنفره صج حسيتها تنظف مقارنة بوايد سنفرات جربتها بهالفتره ..
وعقب الجل شور زين وما الكريم ماشي حاله مو توب ولا خايس عادي ..
وميزتهم انه حجمهم صغير ينفع للسفر والشاليه وللي مثلي يحبون يكودون فيقدرون يجربون اكثر من شغله وهم للي وده يجرب فاذ اعجبه ياخذ الكبير منهم ..
في ناس حبت ريحته انا عن نفسي ماحبيتها اهي مو وع بس مو من الروايح اللي افضلها وتتم مو بسرعه تروح يعني مره تسبحت وقعدت انطر شعري ينشف ماعترف بالستشوار اطلع راسي من الدريشه واذا شتى الزق بالدافيه خخ(اتغشمر ماطلع راسي من الدريشه عيب واحتمال القى راسي يتنددل بس الدفايه جربتها مره: ) واذكر مره الصبح ماعندنا خدامه يبت الاوتي بكوي تنورتي عاد خامتها الجنيز الخايس اللي موبسرعه ينكوي جان استعين بشعري مالي خلق ايب ماي واقعد الوفح والماي ينزل ع التوره واكويها خخ شفتوا من هالتجربه نستخلص انه انا سنعه وذكيه خخ لا انه نسخر امكانيات لتجاوز الصعوبات..
نسيت شبقول اي كنت اقول انه تمت الريحه ليما نمت اختقت منها وطلعت راسي من الكنبل ..
وهذا جم منتج من هالماركه خاطري اجربهم (طبعا مو الحين)..
سنفره للخشم ووحده تقول تخلونها جم دقيقه تصير ماسك للويه ..


كريم للعين لانه اللي استخدمه الحين بيخلص ..



كونسيلر يقال انه علاجي وتجميلي بنفس الوقت ..



ان شاءالله بجربهم باقرب وقت ..


انتوا جربتوا شي من هالماركه وشنو رايكم فيه ؟؟

*Being One ماقصرت نبهتني اني ماقلت من وين خذيتهم انا حصلتها ببوتس واللي اذكر شفتهم غير ملوتي سنفرة الخشم اما الكونسيلر والكريم ماثبت بس يارب موجودين ..
Wednesday, August 26, 2009
السلام ..
الاخ نمول سال فشونه واهي سالتني خخ مرسو..

" اكتب عشرة اشياء تعرفها عن نفسك "

توهقت مادري احس بطب بنفسي خو ماعرف امدح وهم مايصير امدح عمري ..

1- اخر جم سنه يعني من 17 تقريبا او قبل بسنه من بداية نضوجي بلشت اطوف من مبدا لدنيا ماتسوى ومن قبل كنت اطوف مره ومرتين و3 وبس عاد عن المصاخه ترا بعطيك اللي ماعطاك زمانك خخ والله قلنا نطوف بس عاد عن المصاخه ..

2- اهم شي الاحترام والتقدير اهو بالنسبه لي اساسا كل علاقة بالدنيا وهالشي اهو اكبر دافع عساس انجز واعطي من كل قلبي انعدامه مو مع انه اني بصير مثلهم لكن بحاول افرض عليهم احترامي.

3- احب القرقه والضحك بدون لا نطب بشكل او شرف احد هذا الحد اللي مانتعداها .

4-متعاونه واحب اساعد غيري التعاون طبعا اخذ وعطا يعني اساعدج واساعدج واساعدج ولما اتوهق تحقرين انسي اقدم خدماتي عقب(لانه هذا يسمونه استغلال مو تعاون) الا اذا سالتني بساعدها مو لها خو لله ودفعة بلا عني وعن والديني خخ .

5-امم احتكاك بالصبيان مافي الا توه بالبلوقات ولا بالصج طرق الشغل وبس . وبالبلوقات بحكم المناقشه ومادري شنو :)

6-اي ماحب النفاق ماحبج اقولها بويهج اذا تحجيت بظهرج اللي بقولها بظهرج بقوله جدامج لانه ماحب هالسوالف والاهم ماتحجى باللي احبهم واللي اذا تحجيت عن احد ماامشي معاه اقصد مو رفيجتي او زميلة عزيزه استحي احس مالي ويه امبيه شلون..(اذا حبيت احب من قلب سو صعب احب لانه محد يستاهل والاهم مو بسرعه اثق باحد ومن ناحية الكره بالعكس بسرعه اكره بس عادي ماياثر طول مانا ماراح اضرها وباحترمها بس طبعا بحدود)

7- اكره الجذب وعندي من الشجاعه الاعتراف بالغلط يعني لي غلطت يمكن انخش خخ بس اقول انا اللي سويت .

8-ماحب اقعد مع الناس اللي وايد تعنفق واهي استغفرالله غير عن اللي تقوله وهم ماحب الناس السطحيه واللي انا حلوه جميله كشخة كل الناس ميتين علي .

9- حقانيه بشكل كبير يعني وقت الجد ماعرف امي .

10- حاليا محبطة و نوعي متشائمه بس لي تفالت مايضبط الشي خخخخخخخخخخخخخخخخخخخ.. استغفرالله..

ولا زال بوست الفيلم بالي مو ناسيته فشه :)

وبس قرقه مو خخخ..

ضفت شغلات بالوردي توني ذكرتهم بالطريج :)
Saturday, August 22, 2009
السلام ..
شلونكم..
اول شي مبارك عليكم الشهر والله يتقبل منكم صيامكم وقيامكم يارب ويغفرلكم ذنوبكم و يعينكم ع ذكره وشكره وحسن عبادته دوم يارب..

وكل عام وانتوا بخير .
طبعا بنفقد بهالشهر ليزي وستار وراح نشتاق لهم بس ان شاءالله بنشوفهم عقب العيد وناطرين بوستاتهم الحلوه.
شنو بعد ..
اي نبلش..
طبعي لي طلعت احب احوس واروح اكثر من مكان مره وحده لانه درب وهم ماتسوى اتعنى لمكان واحد ..
انا رحت هالمره الري (سنتر بوينت) وكنت بمر ترفاليو و النصر بس قلت عقب..

وانتقلت لحولي ورحت (سيرز - المهلب -سناء-لاند مارك - مجمع البحر)

ع طاري سيرز في وحده كانت سالتني عن حزائي الابيض الموجود بوست اللي عن المحل ترا رحت ولقيت ياين منه مقاس 8 ولونه ابيض وب3 وشي ولون اصفر جنه ب7..
وكنت بروح الرحاب و شسمه فاشن مل بس اختي داخت كانت سهرانه ..
الزبدة :)

بسناء زغت مو زعت ويع تفرق ع اغراض اليها ل حلوين وارخاص وع الشخصيات اللي يحبونها وانا كنت امشي واصور في شغلات عجبتني لنا احنا كديكور بس ماصورتها اختي تلتني اهي اهي..

الصور ترارا..
خخ احلى شي سيقان خواتي ..
عجبوني بس احس لي قعد البيبي بيتفججون..


هذا الحلو انه طقم الحمام والخايس الميزان نفس النقشه..






اقروا كفي :) هذول تاجات عجبوني حلوين للبنوتات ورخاص جنه بدينار وشي هالحروه الاثنين مع بعض..








اطقم اكل في ع اشهر الشخصيات مثل ميكي وميني واميرات ديزني وكارز وسبايدر مان وسعرهم جنه 4و200..





















جناط ع العاب يونسون..












جنطة اهداء لي يابختي بخ بخ عندي صور وايد لج اليوم اختي صورتهم ان شاءالله بحطهم لج..









كنبل خفيف ع سبايدر مان..









بجايم ع ستربوري جيز كيك تقليد توته في المريخ اللي كل ماقول لاحد عن توته مايعرفها انتوا تعرفونها؟؟










وفي اكثر من موديل وتقريبا نفس السعر..








هذي ميد اللي اقولج انها لجوجو توقعت ماصورتها هذي غرامي ايام الابتدائي جربت اركبها بالجامعه مادري الثانوي زين مانبطت خخ وماقدر سليحط صغيره خخ انا فجاءه طلت :(








ام كماس خخ هم لجوجو بس راح تتلفكم بالوان وتغرد بالمايك وهم في شغلات ثانيه وجني لمحة طبل ..


















هذي شخصية بور مادري المهم جنه مشهور ذكرني بلعبة سوتها لي ديده الله يطول بعمرها ويشفيها يارب من مغطاة بيبيسي خخ..

















البرنسيسه هذا حق برنسس خخ يشوقون..










(في براويز - ابجورات - بلورات وسوالف الديكور)

















لولو كاتي الدعله..وهلو كات..












يونسون ليوم ميلاد..









هم الدعله مره اخرى..







كانت معكم مراسلتكم رورووووووووو..
من ارض الحدث ..
الصور ع الطاير يااتقلقص يا اختي تلني ياحد بيمر :)
بس تفي بالغرض ..
اي اهو موجود باغلب دول الخليج جنه ماعدا عمان ..
وبالكويت اهو ورد تاغ واحد وموجود بحولي- السالميه- الري - الجهرا هذي الافرع اللي اعرفها ..

Tuesday, August 18, 2009
السلام ..
مقاله بعيد نشرها مره 2 للاسف توني ادري انه كنت متفائلة :(
مو حلو تتفائلين و تنصدمين :(
الصدمه ال3 بحياتي وان شاءالله الاخيره ومادري شالمطلوب منا بالضبط يعني سليحط حتى واسطات فاشله يبنا المفروض تكون شروطهم واضحه مو لما نروح يصدمونا يعنونا ع الفاضي سليحط عاد هالمره خسرت 100 العاده ببلاش خخ توني ادري في خسائر ماديه غير النفسيه والله الفلوس تتعوض باجر بروح ولا ليش اروح بدعي عليه وانا بيتنا خخ ..
المهم هذ اخر مقاله لي بالجامعه تعبت عليها ..








ها قد بدأ العد التنازلي و حانت لحظة الصفر، بدأت ألمم أوراقي إيذان بالتخرج "إن شاء الله" ، وقد مر بمخيلتي شريط ذكرياتي صور من مراحلي الدراسية المختلفة ، سبعة عشر عام من الروضة حتى الجامعة من 1991 حتى 2008 ، سنين كانت مليئة بالجد والاجتهاد ، والمثابرة والتزام ، بالسهر وقلت النوم ، بالمرح والفرح ، بالصداقة والزمالة والفراق ، انتقلت فيها من البراءة إلى النضج ، من الجهل إلى العلم ، من الأمنيات إلى الانجازات .
"أنا " هي أول ما خطته أناملي في المرحلة الابتدائية التي كانت مليئة بالبراءة والعفوية كنت أحب الكل وصديقة الكل ، ومنها انتقلت للمرحلة المتوسطة و بها تعلمت لغتي الثانية وهي اللغة الانجليزية وكانت فيها بداية شقاوتي ،أما المرحلة الثانوية فهي مرحلة المراهقة البريئة مرحلة الأخوة والحب والتعاون فيها تعرفت على اعز صديقاتي وهي المرحلة الأخيرة التي منها انتقلت إلى المرحلة الجامعية التي تختلف اختلاف كبير عن جميع المراحل الدراسية السابقة مجتمع جديد ومختلف وغريب فمن الوسط "البناتي" البحت إلى عالم أخر فيه نتشارك التعليم مع الذكور نعرف أرائهم نتعلم منهم فمعظمهم هم دكاترتي الأفاضل ، دكاترة لم أتعلم منهم فقط معلومات دراسية بل معلومات تفيدني في حياتي العامة ، دكاترة مختلفين في الطباع فهناك الملتزم العادل وهناك القاسي الظالم ، مجتمع يضم أفراد من جميع شرائح المجتمع ويحتوي على العديد من الجنسيات المختلفة لطلبة من شتى أنحاء العالم اجتمعوا فيها لهدف واحد هو الدراسة ونهل العلم ، وفيه التقيت بالعديد من الزميلات والأتي للآسف أنصدمت بالكثير منهن بسبب أبطباعهن السيئة كالأنانية والمصلحة وغيرها من الأمور التي لا أود أن أتطرق إليها ، ومن جانب آخر تعمقت علاقتي بصديقات أتمنى من العلي القدير أن يديم صداقتنا للأبد لما فيه خير لنا وللدين الإسلامي .
وهي المرحلة التي بها رسمت خطة حياتي المستقبلية التي بدأت بقبولي بكلية الآداب ومن ثم تخصصي بالإعلام وتحديد ا بشعبة الصحافة وتنتهي أن شاء الله بعد أيام معدودة بتخرجي منها بمعدل عالي أن شاء الله يؤهلني لتحقيق باقي طموحي .
اخترت تخصص الإعلام لحبي الشديد له والإيماني بان الحب يولد الدافع والرغبة التي هي أساس الإبداع والعطاء ، اخترته لأنه المجال الذي يؤثر على السلطة والذي من خلاله استطيع أن أوصل صوتي لمختلف أنحاء العالم ولجميع شرائح المجتمع سواء بالصورة أو الكلمة و بجميع أنواع الفنون الصحفية، كما إننا بحاجة إلى تفعيل الإعلام لنشر الإسلام بصورته الصحيحة والمشرقة وتوضيح المغلطات التي انتشرت مؤخر ضده، كذلك تصحيح الصورة الخاطئة عن بلدي الحبيب الكويت التي أظهرتها المسلسلات المحلية ، والحمد الله استطعت أن اثبت نفسي بهذا التخصص من خلال التزامي واجتهادي في أداء لأعمالي وانجازي لمتطلبات التخصص.
أما طموحي فلا حد له فأنا إنسانه طموحة بطبعي لا أرضى بالقليل لقناعتي بمقدرتي على الآتيان بالمزيد ، أهم طموحي على مستوى حياتي العلمية هو أن أكمل دراستي في مجال العلاقات العامة والإعلان من خلال دراستي للماجستير والدكتوراه أن شاء الله ، أو أن اعمل في مجال العلاقات العامة بالقطاع الخاص وذلك لأنه يتطلب بذل مجهود لإثبات الذات والجد والاجتهاد في العمل الذي يساهم في سرعة الترقي ، وأتمنى أن يكون لي في المستقبل مكتب إعلامي صغير للدعاية والإعلان ولإعداد لحملات الانتخابية أو حملات التوعية التي تخدم وتفيد المجتمع ولتنظيم المؤتمرات واستقبال الوفود وتنظيم برامج لهم ، وتصميم الإعلانات.
اهي اهي اهي..
Sunday, August 16, 2009
السلام عليكم
لاحول ولا قوة الا بالله العلي العظيم ..
ماحدث اليوم او بالاحرى البارحه شيء مفجع ومخيف لم انتبهه الا ع اصوات سيارت الاطفاء والاسعاف ..
ثم اخبرني اخي بامر الحريق امر صعب ان تتحول الفرحة الى كارثة ذات خسائر فادحة ..
انتظر بكل خوف اسماء المتوفيات حتى اتاكد فقلبي يؤلمني فاحس انني اعرف الكثير منهم ربما تكون جارتي او زميلة دراستي..
وضعت هذا الموضوع للدعاء لهم..
اللهم هون عليهم مصيبتهم..
اللهم ارحم ميتهم واشفي مصابهم يارب..
اللهم اغفرلهم وارحمهم , وعافهم واعفوا عنهم , وأكرم نزلهم ووسع مدخلهم , واغسلهم بالماء والثلج والبرد ونقهم من الذنوب والخطايا كما ينقى الثوب الأبيض من الدنس, اللهم جازهم بالحسنات إحسانا وبالسيئات عفوا وغفرانا , اللهم عبادك أن كانوا محسنين فزدهم في حسناته وأن كان مسيئين فتجاوز اللهم عن إساءتهم, اللهم افتح أبواب السماء لروحهم وأبواب رحمتك وأبواب جنتك أجمعين برحمتك ياأرحم الراحمين, اللهم هولاء عبادك خرجوا من روح الدنيا وسعتها , ومحبوهم وأحباؤهم فيها إلي ظلمة القبر وماهو لاقيهم , كان يشهدون أن لا إله إلا الله وأن محمد عبدك ورسولك وأنت أعلم بهم , اللهم يمن كتابهم , وهون حسابهم , ولين ترابهم , وألهمهم حسن جوابه , وطيب ثراهم وأكرم مثواهم واجعل الجنة مستقرهم ومأواهم.
اميــــــــــن يارب..

**ان لله وان له راجعون **

ولا نكتفي بالدعاء بل لنتبرع لهم بالدم فهم بحاجة ماسه اليه ..



*مصدر الصوره جريدة الراي
*اما الاعلان فمنقول من مدونة الاخ مطقوق (جزاه الله خير)
السلام عليكم..




لاحول ولا قوة الا بالله العلي العظيم ..


ماحدث اليوم او بالاحرى البارحه شيء مفجع ومخيف لم انتبهه الا ع اصوات سيارت الاطفاء والاسعاف ..

ثم اخبرني اخي بامر الحريق امر صعب ان تتحول الفرحة الى كارثة ذات خسائر فادحة ..

انتظر بكل خواف اسماء المتوفيات حتى اتاكد فقلبي يؤلمني فاحس انني اعرف الكثير منهم ربما تكون جارتي او زميلة دراستي..

وضعت هذا الموضوع للدعاء لهم..

اللهم هون عليهم مصيبتهم..

اللهم ارحم ميتهم واشفي مصابهم يارب..


اللهم اغفرلهم وارحمهم , وعافهم واعفوا عنهم , وأكرم نزلهم ووسع مدخلهم , واغسلهم بالماء والثلج والبرد ونقهم من الذنوب والخطايا كما ينقى الثوب الأبيض من الدنس, اللهم جازهم بالحسنات إحسانا وبالسيئات عفوا وغفرانا , اللهم عبادك أن كانوا محسنين فزدهم في حسناته وأن كان مسيئين فتجاوز اللهم عن إساءتهم, اللهم افتح أبواب السماء لروحهم وأبواب رحمتك وأبواب جنتك أجمعين برحمتك ياأرحم الراحمين, اللهم هولاء عبادك خرجوا من روح الدنيا وسعتها , ومحبوهم وأحباؤهم فيها إلي ظلمة القبر وماهو لاقيهم , كان يشهدون أن لا إله إلا الله وأن محمد عبدك ورسولك وأنت أعلم بهم , اللهم يمن كتابهم , وهون حسابهم , ولين ترابهم , وألهمهم حسن جوابه , وطيب ثراهم وأكرم مثواهم واجعل الجنة مستقرهم ومأواهم
.


اميــــــــــن يارب..




**ان لله وان له راجعون **


*مصدر الصوره جريدة الراي
*اما الاعلان فمنقول من مدونة الاخ مطقوق (جزاه الله خير)
تحديث:
لا نكتفي بالدعاء بل لنتبرع لهم بالدم فهم بحاجة ماسه اليه ..
Friday, August 14, 2009
السلام ..
ازيكو..
اليوم بقرق ع راسكم عن محل احبه ..
الا وهو ..
الاغلب يعرفه واهو موجود بمكانين بحولي وهذا اللي احب اروحله و بالضجيج وهذا لازم مامي معانا لانه المنطقه تخرع وسامعه انه يخطفون حريم الله يحفظنا يارب..
المهم ..
اغلب الاقسام احبها ..
اول قسم مو اكثر شي احبه بس لازم احوس فيه اهو مال اليهال ..
بس مو كل مره حلو يعني اخر مره لما خذينا اختي اللي عندها بيبي ماحصلنا شي تفشلت خخ واما قبلها لا خذيت بدله تونس لولدها وانا خليته يلبسها غصب وهم قبلها خذيت له هذا عجبني يونس..

ونفس الروحه حصلت ملابس حلوه للبنات اللي تصير فسطان او كامل ومعاه حزاء او ربطه بس حلوين واسعارهم رخيصه حييل بس ماعندنا بنات :(
وتحت بالسرداب قسم اختي المفضل (الجواتي وانتوا بكرامه)
في وايد ماركات مثل ناين ويست وبيبي فات و كوتش وروكسي والخ الخ..



الابيض طلع مقاس عملاقه خخ النعال كبري بالزبط ..


ريولي مو صغيره بس الحمدالله مقاسي متوفر..

كله من امي لو يابانيه او صينيه جان الحين البس 35 بالكثير خخ استغفرالله ..






وفي فوق قسم الهدوم اوف هالقسم غرامي بس يبله تنبيش واختي مالها مقاقه بس هم انبش اجفس جمومي والبس ترنغ واركض خخ..

وفي قسم حلو مال الالعاب العاب تونس وارخص من برا مثل العاب القطن اللي ع بقر اختي تحبه وينباعون ب3 و2 وصغار بس هناك باقل من دينار واكبر منهم ..




كاه تحت مبين..


وفي بعد اقسام 2 بس مافتريت فيهم وايد القسم اللي ماعمره عجبني منه الجناط اما الباجي مع التنبيش احصل واحلى قسم الاحذيه وانتوا بكرامه واكثر شي القط منه والنفانيف زين بس مو كل مره..


وترا اغلب الصور قديمه بس اعطيكم فكره عنه:)





اهو حلو ورخيص بس يبيله تنبيش ومايكون معاج احد يحن ويطن فوق راسج :)






Wednesday, August 12, 2009

السلام..



اللي يعرفني يدري اني خريجة اعلام وتحديدا صحافه هالتخصص اللي الدكاتره قالوا لنا انه اسكت وانه مرغوب وانا توقعت لي تخرجت بيصير طق عصي علي وانا قول نو بردو مابريد وي قصدي لا مابي واااي ياشين التلزق طلع تخصص خرطي محد يبينا ماقبلنا الا الديوان لانه كويتيه ومعدل..

والحين 10 اشهر شغل كرهة عمري من سبت الدوام حاولت اطلع ماكو وين اروح هم انا الحين كبيره 22 سنه لازم اعتمد على نفسي ويكون عندي استغلال مالي ..

يت لي فتره شفت اعلان الحيد بو كوكو تبع القبس وانهم يبون محررين طرشت له ايميل ولا عقب انباق ايميله خخ قلت خيره الله مايبني اشتغل وارد للصحافه وهم انخطبت بس ماصار نصيب وهونت عنها ..

بتقول يع شلج تخصصج بايخ..

بقولك القلب ومايهوى :)

الصحافه متعه ومافيها روتين و تاثر وتقدر توصل صوتك للناس وهم تقدر تسوي شي لانه القلم يعتبر سلاح كل اللي كنت بسويه للاعلام كتبته قبل لا تخرج بمقالة التخرج ترا صج مو لانه عليها 10 درجات ..

هم اهي سلطة رابعه ..
جربت كونا بس من اول ماقدمت ويقولون لي بدون واسطة ماراح تمشين و اهما اوردي مختارين اللي يبون و عطونا امتحان يبجي ولا شي له شغل بالاعلام كل معلومات عامه وغبيه خخ من مال البنك الامريكي وانا شدراني انا بنوك الكويت ماعرف منو لا والحين اقرا اقتصاد مو لاني بزبز ومن لا والله مجبوره ..


بس عيبها شنو؟؟

نظرة المجتمع السلبيه للصحفيه في واحد كنا رايحين نقابله واحنا سنه 3 جامعه اهو مركز ودين وهم بنت كانت اعلام سالنا اذا بنشتغل صحفيات قلنا لا جان يقول بما معنى احسن لانه شارع الموبقات اهو شارع الصحافه شدعوه !!
وهم متعبه وايد محسوبتكم تعودت ع الرباده اهي اهي..

صج مليت وودي انجز واحس ماراح انجز الا بهالمجال (الاعلام)خصوصا انه ماكو ماستر ولا دكتوراه اهي اهي ..

عندي فلوس بس ابيه ع حساب الحكومه اتشرط ابي احس بفايده اني كويتيه عادي دزوني واردهم عقب بس فلوسي اللي يمعتهم ماتكفي جني غيرت الموضوع المهم ..
بتقولون شالمطلوب بقولكم ..

1-حبيت افضفض :(
2- لو مكاني شتسون غير انكم تنتحرون خخ لا بعيد الشر ؟؟

سوري فشه مخي مقفل حاولت اكتب عن افلام امس ماقدرت :(
Monday, August 10, 2009
السلام..
امس من الملل تذكرت هالسايت ودشيته تشوقت اشتري ومن زمان خاطري اجربه يمعت كذا شغله وراويتهم اختي وسويناهم فرز واخترنا اربع شغلات ..
اذا حابين تشوفونهم هون ..
تعديل تغيروا الصور كانوا 4 اللي شاريتهم مثل الرابط الحين لا ..
هذول اهما ..
لو حاطيت صور باعيد البوست من الاول :(
اذا لاحظتوا اغلب الموديلات بسيطه قلت بحورف فيهم بالاكسسورات و ابي حزمات حلوه شفتو هيك شي بالسوق؟؟<< الاكسسورات مو هدومي خخ..
وعقب شيشت خخ ميد واحنا اساسا مانحتاج ع طريف جان تطلب بعد..
وع ابو الطلبيه بتي عقب يومين اليوم قعدت العصر ولا يايلي مسج منهم انه بيدزون الطلبيه اشوه اني مجهزه فلوسي ويالي هذا الطرد << اسمعهم بالباباي يقولون جذي..



اغلبكم اتوقع اذا مو الكل يعرفه يونس وفي شغلات حلوه ..
واسعاره معقوله(رخيصة) ..
تعرفون سايتات مثله وبالكويت مو برا؟؟؟
Saturday, August 8, 2009
السلام..
امس وانا اقرق على راس رفيجتي ميد ان كويت عن البلوق والبوستات حتى البنت راحت تصلي وماردت عقب مالومها خخ المهم قلت لها انا ميمع صور تنفع للرمضان بس افضل المواضيع اللي تكون تجارب شخصيه ..
سواء انا اسويها او اقرا غير حاطها ..
المهم قبل لا انام مادري وانا نايمه ومادري عقب ماقعدت المهم كنت بفراشي وطرت ع بالي مشط البف ..
قلت فكره اكتب عنه..
اتوقع الاغلب يعرفه ..
هو موجود بكل مكان نت (منتديات - سايتات -يوتيوب ) و بالسوق و بالجرايد وبالمعارض << ميمه مارحت والله شفت صورهم بمعرض خخ..
حتى بيتنا لقيته وطبعا جربته :)
اهو مال اختي الصغيره وفي هم الاختي الكبيره بجم خذوه مادري لانه من رفيجة اختي الكبرى..
شوفو صورته ع مابلع ريجي :)
بلعته ..
هو اكثر من قطعه تقريبا خمسه 2 وسط و2 صغار ووحده كبيره (جنه في بعضهم بس قطعتين وفي 4)..
وفي منه الوان ع ابو يوالم كل الوان الشعر في ادعم واسود وشفاف ومشوقر..
كا القطع بشكل اوضح..

هني وحده حاطه طريقته هالصوره موجود بوايد منتديات فمادري منو المرجع الاساسي ..




تجربتي :
فاشله وبجداره اول مره جلب بشعري وكون شعري كثير خخ باالاحلام احس دشت بقمة راسي و جربته تحت البف هم مانفع ياحلات الحشوه وايد احسن منه..
هم عيبه ماحسه ثابت وحسيت انه صغير وماعرفت اركبه عدل يعني بجميع الحلات ياتعور يا يصير عوي يا مايغطي كل الشعر اللي ابي اسوي فيه بف ..
وترا كل ماله يرخص لو زين ماصار جذي قلت الميد انطره ينباع في بو اميه :)
اول ماهبو في كان بالتعش واخرها بعد الحين وصل 3ونص ..
واي ع فكره في بعد من تقليدي خخ ..
نسيت احط روابط :(
وفي بعد غيره ..
سايته :
وبس اللي جربته تقول رايها..
اي برايفت ميمه :
رديت عليج بخصوص الدراريع اللي شفتهم بالمعرض مادري اذا شفتيه ولا لا وترا مو ميولي دراريع عندي وحده ايام عديل الروح اذكر اختي عيبت علي ومالبستها تقول جنج شجون ..
وعقبها كلش ماشريت..
ميمعه صور ملابس تقليديه تنفع دراريع اذا تبين البوست الياي بيكون عنهم ان شاءالله ..
والاهم انا قاطعت المعارض لاني مفلسه :(





السلام عليكم ..
نعود للطريقة السابقه اعداد بالجمله ..

بس هالمره لسلسة فانتازيا :

الاعدا السابقه التي تم طرح مواضيع عنها :

1- العدد رقم 19 بعنوان خمسه منهم !

وهو عن المغامرين الخمسة تختخ و عاطف ومحب ولوزه ونوسه.

وهذا رابطه:
http://sha5bo6a87.blogspot.com/2009/05/blog-post_31.html

2- اما الموضوع الثاني فهو عن العدد ال2 منه وهو بعنوان:

وهو متعلق بمصاصي الدماء ورجل الذئب .

وهذا رابطه :
-اما اليوم فيكون عن اول عدد بالسلسله وهو بعنوان:
(قصة لاتنتهي)
و به نتعرف على عبير بشكل مفصل (صفاتها , عائلتها , دراستها , عملها.. الخ) وعن شريف المهندس وكيف التقى ببعض وعن التجار التي نتج عنها جهاز صانع الأحلام (دي -جي) وأول تجربه له ونتيجة هذه التجربة .

وكذلك نتعرف على عالم فانتازيا المثير و شخصياته فنلتقي بالمرشد رفيق عبير بفنتازيا , واول حلم كان في لندن حيث تلتقي عبير باشهر محققين وهما شارك هولمز و بوروا بطل اجاثا كرستي والحوار الطريف الذي تم بينهم نتيجة مقارنة اساليبهما في الكشف عن المجرم .

كالعادة لا تخلو أي كتابة من كتابات د.احمد توفيق من المعلومات ماشاءالله فهنا نتعرف على المحققين بشكل مختصر لكن مفيد و يتضمن العدد على العديد من المعلومات سواء بهذا الموضوع او غيره .

- العدد ال3 بعنوان صفر صفر سبعة..


وهو عن جيمس بوند لم اكن احب هذه الشخصية ولم تشدني مطلقا لمتابعتها سواء الافلام او الكتب وبعد قرائتي لهذا العدد عرفت السبب .

اثناء قرائتي احسست انه ليست من النوع الذي يشد واستغربت كون كاتبها د. احمد توفيق الذي اسارع لاقتناء وقراءة أي اصدار له كوني من المعجبين بطرحه واسلوبه لكن في نهاية اكتشفت انه ما كان يدفعني للملل ماهو الا حبكة جيمس بوند التي تفتقد للمنطقيه وتمتاز بالمبالغة غير المعقولة ولا يمكن حدوثها بالواقع فهو بطل اخر لحظة و صاحب الاسلحه الغريبه الفتاكة التي قد تكون احدد ازرار سترته !!

وقصته اساسها ربط مشاهد وتفتقر للسرد اضف ان جيمس بوند كان مغرور بشكل J

لكن الفائدة هي ذاته السلبية من خلال هذا العدد تعرفت على جيمس بوند وعرفت سبب عد ميلي لمتابعته J

أي نسيت >> الجدير بالذكر قبل الانتقال للعدد اال4 هو ان عبير خطبت بالعدد الاول اذا صح اعتقادي من احد اصدقاء شقيقها وبهذا العدد سيتقدم لخطبتها شريف( يمنت كريم يارب 2 مره وحده ربنا يرزقنا خخ ) ..

العدد الرابع :
بعنوان :امبراطورية النجوم


قووووووووووووليليش تتزوج عبير من شريف (جنه تنقال العكس)هذا اهم حدث بهالعدد ثم تطلب من شريف اعادة التجربة (دي جي -2) والعودة للمغامرة في عالم فانتازيا.
وافق شريف لتنتقل عبير وتاخذنا معاها الى رحلة ممتعة في الفضاء متنقلين بين الكواكب ومتنقلة هي بين شخصيات مختلفة في البداية هي كارا وريثة عرش استوريا ثم تكون ليا جاسوسة زولتار ثم تصبح ميرا عميلة الارض ومرافقة الجوال المتمثل بشخصية زوجها شريف .

هذه المغامرة على سياق مماثل للخيال العلمي تقريبا .

بعض المعلومات العامه التي استفدتها منها :
1-لا يمكن انتقال الصوت في كوكب دون غلاف جوي.
2-الثقب الاسود معدوم الكتلة .

وبس :)
صايره ماقرا هالكتب اخر واحد قاريته فيهم قبل اسبوعين :(
بس مقزرتها افلام وعندي كتب ماحطيت عنهم توني خاشتهم لليوم الاسود خخخ..

المره اليايه ودكم فيلم او كتاب؟؟






About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads