Tuesday, May 26, 2009
السلام عليكم..
قبل فتره شفت اعلان الظمني عن تنزيلات ع الكتب 60% عاد مااهتميت ع ابو بتصل عليهم..
لما قلت لرفيجتي كلمتهم بتطلب قالوا مايوصلون بهالفتره لانه تنزيلات..
المهم رحت له وهناك و تركت لسايقي ويدي العنان بس والله التزمت باللستتي ماخرتها وايد ..
خل ارويكم حصيلتي..
هذي صورة جماعيه لكل مشترياتي..
هذي مجموعة فلاش خخ كنت باخذ 4 بس ..


مجموعة فانتازيا لدكتور احمد توفيق..
سماش مثل فلاش وهم شغل خالد الصفتي..

والكتب اللي تحت لاختي ..

وهذي مجموعة الرجل المستحيل للدكتور نبل فاروق لرفيجتي تحبه و واسمه ادمه تبع مجموعة فانتازيا للدكتور احمد توفيق..




هذي مو موجوده باللسته اهي وسماش وكتب اختي ..


مجموعة من وراء الطبيعه للدكتور احمد توفيق اختي قرت النصف الاخر وعجبتها ..
واللي تحت كارميلا من روايات العالميه للجيب و جنون في مركز التجاري من رجفة خوف وال2 ترجمة احمد توفيق..



جم تتوقعون طلع حسابي؟؟؟
21 وشي..
بس قبل الخصم:)
مع الخصم صار 8 وشي..
لما قالي السعر كنت برد اخذ لي فره ايمع كتب بعد خخخ..
يعني اللي بربع صار ب100 واللي بنص صار 200 واللي ب750 صار 300..
وقبل لاختم عنوانهم ..
المنقف - شارع المطافي - عماره اللي فيها صالون شاديه ومكانهم بالسرداب..
ورقمهم :
23727899-23719072
واي نسيت التنزيلات لي 16-6 اذا ماخاب ظني ..
وسلامتكم..
ان شاءالله اكون افدتكم ..

10 comments:

Anonymous said...

الله عن جد شوقتيني عليج بالعافيه رور
يونسون الفلاش لا لا عن جد يبيله
مشكووره تسلمين
واقريهم مو تنسيهنهم بالمكتبه نفس بعض الناس :p
Betty

رورو الشخبوطه said...

هلا بتوي..

الله يعافيج يارب..

اي حبيته وخاصة مواطن مطحون والبحار الغبي خخخ..

الله يسلمج والعفو ولوو..

خخ اي ان شاءالله..

قريت فلاش وحده ونص ونص فانتازيا المغامرين ال5..

وودي اشتري بعد احس ماكتفيت والتنزيلات ماتطوف ..

وحياج الله..

hope said...

حلو والله ، عليج بالعافيه
اول مره اسمع بهالمكتبه
حبيت اسأل ، يعني هالمكتبه بس فيها قصص و روايات ولا فيها بعد كتب مثل اللي بجرير ؟

رورو الشخبوطه said...

هلا اختي..

الله يعافيج يارب..

اهي دار توزيع ونشر يعني مثل المخزن..

حتى انا توني عرفتها من جم شهر..

اي الله يسلمج فيها كتب دينيه وكتب ن الطفل ووايد شغلات بعد..

فيها كتب الاملاء وهالسوالف لليهال..

وفيها روايات وقصص وموالفات للكتاب كبار..

مثل المنفلوطي - احمد شوقي -احسان عبد القدوس -نجيب محفوظ والسباعي وغيرهم وايد..في الانيس منصور ولطيبه الابراهيم..

وهم في سوالف ميكي وهالطقه..

انصحج تروحين لها لانه في اشياء وايد واسعاره الحين حيل رخيصه..

وتبين رايي انا عندي اهي احلى من جرير بس عيبها انها مغبره :)

اذا بخاطرج كتاب معين قبل لا تروحين اتصلي ساليهم اذا موجود ولا لا اضمن..


مشكوره ع التعليق..

حياج الله..

Fishah said...

الله وناسه شكثرهم
بس السعر عقب الخصم عجيييييييييييييييب :>
عليح بالعافيه :)

رورو الشخبوطه said...

هلا فيشه..

عاد احس شويه وقلت لامي بروح بعد..

اي حده انا شفته حاط 750 حسبالي حسابي 75 كنت ببجي خخ ..

والله يعافيج يارب..

مشكوره ع التعليق..

وحياج الله..

MoRooJiA said...

عليج بالعافية :)

بس حسافة ما ادري ان الظمني مسوي تنزيلات :(

وليش ماكو توصيل انا ما ادله:(

رورو الشخبوطه said...

هلامروروجيا..

الله يعافيج يارب ..

مشكوره..

لاتحسفين باجي ع لتنزيلات 16 يوم .

حتى اا ماكنت ادله بس خت عنوانه ورحت لي المنقف طبعا مع اخوي وماضيعنا اشوى..

ماو لانه تنزلات عقب التنيلات يرد التوصيل..

بس لا يطوفج تسوى..

وحياج الله..

Made n Q8 said...

مشالله ..عليج بالعافية
عاد انا احب القصص الرومانسيه الي فيها قصه مو بس حبني واحبك بس ماادري شفيني مالي مقاقه قراءة :s

رورو الشخبوطه said...

هلا ماد..

الله يعافيج يارب..

اي حتى انا احب هالنوعيه شريه جم قصه اذا ضبطوا اقولج عنهم حلوين للدوام خو قحط ماعندهم نت خخ..

ومرسي ع الرد..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads