Saturday, May 2, 2009
السلام عليكم..

شلوونكم..

هالمره شخبوطتي عن العنايه مليت من الكتب والافلام..

مع اني خلصت كتاب اجندة مراهقة بس نرفزتني كاتبته بعدين اقولكم ليش :)

المهم ..

(العناية بقاعة ريلي )





كانت قاعة ريلي معقدتني واستخدم لها وايد شغلات من بودي شووب - شوول - فازلين ..وغيرهم..

بس تبون الصج ماستمريت..

لاني ماشفت نتيجه بتقولون اكيد مدام ماستمريتي..

برد انه الفازلين دبغ وعباله وانا لي نمت لازم ريلي ماتتغطى انغمت خخ لي احتريت طلعت ريلي من الكنبل مره طلعته بس كنت لابسه دلاغ مافاد حسيت اني مااقدر اتنسم خخ ولما قعدت من النوم ريل فيها دلاغ وريل لا..

وهم جربته بدون دلاغ مانفع قعدت اتحكك ماحب الدبغ << هم حزتها كنت نايمه ..

وانا طالعه ماحب اتدهن والبس دلاغ و لا احبذ اطلع بنعال وانتو بكرامه ومع الفازلين بتلزق ريلي فيها..

بتقولون في فازلين للريل بقول جربته وماحبيته..

مثل الشي بالنسبه الشول و بدي شوب..

وشوو بعد ؟؟

المهم في يوم من الايام رحت شريت سنفرة سالي هنسن ع ابو باخذ كريم الايد جان اخمط معاه ماسك للريل وسنفرة..

لحظه بدور صورتها ويت ايبها لاني ماعرف اسمها خخ..

اسمها: smoothing foot scrub

وهذي صورتها:


ثاني شغله استخدمتها اهي جل هم من سالي هانسن او هنسن :)
وترا اهي غير عن الماسك..
اسمها: deep callus remover
صورتها:


سنفرة سالي هانسن اول مره خذيتهم من الجمال الامريكي ب3 ونص عقب لقيتهم بلول هايبر بدينار ..
واخر شي كريم لونا ..
رفيجتي يابته لي من مصر موجود بالكويت بس وين مادري..





هالشغلات ماحطيتها لكم الا عقب ماجربتها وتاكد من انها زينه وتسوى اني امدحها..
جربتوها وعجبتكم ادعولي والاهم ماعجبتكم لا تدعون علي خو الشغله من شخص لي شخص تفرق :)
في شغلات يديده بجربها لي ضبطت بقولكم عنها ان شاءالله..

16 comments:

U-Turn said...

يعطيييييييييج العافيه الصراحه
خوش موضوح
حلو ومفيد ولطيف :]


اول زياره وايد اعجبتني المدونه
امممم كنت احتاج احد يكتبلي مختصر مفيد وينصحني بروايات
ومدونتج كفت ووفت
باجر ان شاء الله لي زياره حق فيرجن وجرير

رورو الشخبوطه said...

هلا يوتيرن..

الله يعافيج يارب..

مرسي مرسي خااالص :)

ان شاءالله..


واذا شريتي روايه من اللي حطيتهم قلولي رايج فيها و هم اذا في شي يديد تل مي عشان اقراه ان شاءالله..

اسعدني تعليقج :)

مشكوره..

awshal said...

hi,rouna ur post it is really important we have to take care of our heels,since i am always forget to wear my slipper and walking the floor in Barefoot :).

رورو الشخبوطه said...

hi awshal

thanx..

Anonymous said...

هلا رورو موضوعج يه بوقته واااي ريلي خنت حيلي يا ريلي مو بس صايره شيفه الا اويلاه طبعن صيف و بس قاعده البس صنادل و اغلبهم قاعدتهم خشب السكرب اللي قلتي عنه رحت بشتريه الله يسلمج رحت الصيدليه و شفته بس ما خذيته خذيت اللي يمه طلع اللي خذيته كريم واااي شنو انقهرت لا و بدينارين و نص قصوا علي صج خداااي
جربته مرتين ماحسيت انه فادني ان شاء الله اروح و اشتري السكرب و الجل بس اه متى اطلع
عاشوا عاشوا يلا زيدي من بوستات العنايه اطلب ببوست عن العنايه بالايد ايدي صايره كويحه لا و فوق هذا بآخذ صيفي اويلاه

رورو الشخبوطه said...

هلا بتوي..

الكريم طلع مو حلو؟؟

كنت حاطته باللسته خخ..

انا شفته بصيدليه بحولي بدينارين جنه بس ماخذيته..

الجمال الامريكي يبيعه ب3 ونص نصابين دبل سعر تقريبا..

جربيه بعد بس عقب السكرب و عطيني رايج ان شاءالله يعجبج..

الايد استخدمي سوالف طبيعيه مثل سنفرة زيت زيتون وشكر و يمدحون الترمس المطحون والفازلين..

وحطي عليها حمايه ولبسي تسوس ..

او بس حمايه اتوقع تكفي..

لقيت حم شغله عجبتني بس تجارب اختي مو تجاربي ناطره شويه اتاكد من النتيجه واعطيكم خبر ان شاءالله..

وموفقه يارب بالصيفي..

وحياج الله..

Anonymous said...

اهلين رور
مادري صراحه ما استمريت عليه كسوووله حدي
لا وي ما احب هالسوالف زيت زيتون و شكر بعدين النمل ياكلوني بروحي حلوه مو ناقصه بعد :P
اي احط حمايه بس ماكو فايده شمس الكويت تعرفينها بعد
لا دسوس ما اواطنهم احس شكلي غلط
اوكي ناطرين
اجمعين تسلمين
الله يحييج لحظه شلون عرفتيني اي خو ماكو وحده خداي غيري لوول

رورو الشخبوطه said...

هلا الله..

لا حشى..

انا قلبي دليلي خخخ..

اهو ترا دقيقه و تغسلينه مو تطولين..

عاد البنات مادحين لي هالخلطه يقولون زينه لاماكن الخامجه تردها لونها الطبيعي..

اي لو تسوفين جان اجباري تلبسينه لانه لاهوب خخ..

انتي لي شفتي نتيجه حلوه اتوقع تتشجعين و تستمرين..

الله يسلمج يارب..

حياج الله..

Anonymous said...

MassComm
hello roro

كل ما ابي اعلق على موضوع قاعه ريلج انسى :P

المهم هذا بودقيقه (مالها خلق تكتب اسمه خخ) وايد حلو مشالله والحلو فيها ان مايبيله تفرك وتحكك بس حطي ومسحي شوي وروحي غسليه ..تدرين عاد وقتي من ذهب هالشركات والمناقصات ماتخليني احك راسي :D

رورو الشخبوطه said...

اهلين ماس..

خخ اي عاد خو احنا ذاكرتنا اسكت خخ..

اي الجل حلو ..

زين منه نفرك اجسامنا الريل حده جل وسنفره ع طاير وخلاص خخ..


اي بسم الله عليج اللهم لا حسد ..

بنت عبدالغني شربت :)

مرسوو خيتوو..

وحياج الله دوم..

الوتين said...

ياسلام عليج يارونه الامورة

يبيله تجربه مع اني توني مسوية ريلي بالصالون .. بس تصدقين اخاف منهم مع انهم نضاف .. تعرفينهم الشرقية

بس اقول اخاف اللي قبلي كانت مريضة

وما يرضون تيبين لهم اغراض مالت عالبامية

بس شيشتيني

موين نييب اغراض الاخ هانسون؟

يسلمو

رورو الشخبوطه said...

هلا الوتين..


انه حتى لو عقموهم ماحب يع حلاته اغراضي الخاصه..

في صالنات عندها اجهزة تعقيم في صالون طرق الكلينكس ومادة التطهير..

وي ليش؟؟

بس حلو تستخدمينهم عساس تحافظين ع رونق ريلج عقب الصالون :)

اغراض سالي هانسن اخذهم من لولو هايبر وساعات اشوفهم بسيتي سنتر..

وموجودين بالجمال الامريكي بس دبل سعر لولو هايبر..

الله يسلمج يارب..

مرسوو..

يابختي said...

انا كيفت على هالموضوع...
بالول تنحت..عنايتي بقاعة ريلي...فهمتها...

عناية..بقاعة = غرفة او hall... ريلي=زوجي...

واركب العنوان على بعض ماركب...
لما شفت الصورة فهمت...اهتمامها بقدمها....

بدعتي...


بس على فكرة...ذكريني بنفسي.. كنت اقرى وايد...الحين الله يعافي النت خرب عل جوي

رورو الشخبوطه said...

هلا بخ بخ..

خخ لا انا عزباء الى ماشاءالله؟؟

النت مو بحلاوة الكتاب ..

وحياج الله خيتو؟.

the .one said...

والله أهـم شي قاعـه الريـل
لأنـه مع الوقـت راح تضايقج التشققات



مشكورة

رورو الشخبوطه said...

هلا ذو ون..

صاجه ..

وتعور عقب ..

العفو ولو..

حياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads