Friday, May 15, 2009
السلام عليكم..



شلوونكم..



صراحه صدمتوني خخ..



انا البلوق نسيته خبري فيه قبل سنه كنت مسويته للجامعه مشروع لماده و عقب ماسلمته حطيت بوست و مادشيته عقبها الا مره او 2 ومحد وطوط فيه حتى انا..



وفي يوم من الايام خخ كنت افتر ببلوق Bloggerista جان القى شخبوطتي مرتزه بلستت البلوق عندها وقعدت احوس اشوف باجي اللسته عساس ادش بلوقات يديده احب افتر ببلوقات واغلبها اعلق عليها المهم ماو عيت الا باخر لسته بلوقي ترندي مرتز خخ ماتوقعت اشوف شخبوطتي عشان اشوفه..
دشيته بس جذي عبط ولا القى البوست في 11 معلقين ماشاءالله عمرها ماصارت بشخبوطتي حدي انصدمتي خخ طلعت سوالف البنات ماشي سوقها اكثر من الكتب الافلام :)
المهم مخمتها بمخي وشجعتوني اكمل بهالبلوق بس بخليه للسوالف البناتيه وشخبوطتي بخليه لباجي شغلي وشخابيط..
شاكره لكم مروروكم..
حياكم الله..

8 comments:

princess adadi said...

اهلييييييين

ولكموووو

يلا ناطرين البوستات اللي بتحطينها :)

Bloggerista said...

ولكم باك :)

Anonymous said...

المدونة لازم تشتركين في إعلانات غوغل او ياهو او اي موقع بحث

انتي حطي بوست وريحي بالج اذا مشتركة بالإعلانات

اذا شغلج اي كلام محد يدخل مدونتج

يدخلها الشباب الي يحوسون يدورون بنات يضبطون ونادر يدخل عليج واحد يناقش وهذول تعرفينهم من تعليقاتهم وخصوصا اذا البوست جدا عادي

وبالتوفيق يا رب

باي باي

رورو الشخبوطه said...

هلا برنسيسا ..

مشكوره ..

ان شاءالله قاعده امخمها بمخي :)

____

هلا بلوقرست ..

مشكوره مشجعتي خخ..

بلوقي المفروض يشكرج ..

___

هلا غير معروف ..

شلون اشارك؟؟

شغلي وسط بس متعوب عليه ..

لا الحمدالله اللي دشوا اهني ا شخبوطه كلهم زينين ماشاالله..

اجمعين يارب..

مشكوره..

حياج الله..

Made n Q8 said...

welcome back :)

رورو الشخبوطه said...

هلا ماد..

مشكووره:)

Ducati said...

هذي اي ماده اي فيها مشروع البلوق

انا قالولي عنها بس ما خذيتها للحين ؟

المهم ولكم باك

رورو الشخبوطه said...

هلا ديكاتي..

انت اعلام؟؟

مادة مستحدثات بس لدفعه 2004 وقبل ..

لانه غيروا خطة التخرج فمادري اذا موجوده ولا لا..

مشكور..

حياك الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads