Saturday, April 25, 2009
زمن البوح ..التحولات


الكاتب :حمد الحمد

نوعها : قصه كويتيه واقعيه
حسب رايي

سنة الإصدار :2009
عدد الصفحات :219

اماكن البيع : أنا شريتها من رابطة الأدباء
.بس بسايته مكتوب انها متوفره في تباع لدى مكتبة العروبة ومكتبة العجيرى فى حولى.

التعليق..

هي رواية كويتية رائعة لأنها استطاعت أن تعبر عن المجتمع الكويتي بصوره راقيه بعيد عن الصورة المشوه التي اختلقتها المسلسلات الكويتية للأسف , فهي نابعة من مجتمعنا من خلال:

تضمنها لشخصيات من مختلف أطياف المجتمع :
1- المتدين بشكل معتدل : وليد.
2- الليبرالي الجهراوي القبلي : فواز.
3- خريجات المدارس الأجنبية : سارة منال.
4- الكويتية المتزوجة من أجنبي : سارة.
5- نماذج من الشباب :
-شروق ابنة وليد : هي الفتاة الملتزمة المجتهدة.
-راشد بن فواز:الشاب "الدين" المتشدد .
-خالد ابن وليد:الشاب الموهوب.
6-حمزة: من المذهب الشيعي.
7-بنت الفلوس المثقفة : هديل .

وغيرها.

تطرقت للعديد من المشاكل التي تمس مجتمعنا وعرضها بشكل واقعي :
- زواج الكويتية من أجنبي وماله من عقبات .
-الانتخابات.
- مشاكل أكاديمية تواجه الهيئة التعليمية كالكادر , وعلى مستوى الطلبة : كالغش و الواسطة وغيرها.
- الزواج غير المتكافئ من مختلف النواحي كاختلاف المستوى التعليمي او الاجتماعي.

وغيرها.



رأيي:

تحدثت مع أختي عن هذه الرواية قبل أن انهيها فسألتها إذا ما كنت تعرف سبب أعجبي بالراوية.؟ فقالت : أسلوب الكاتب أو القصة؟
أجبت: تفكير الكاتب .
ما شاء الله تفكيره راقي امم اقصد طريقة طرحه و مناقشته للقضايا وابتعاده عن الإسفاف .
كما إني نلت العديد من الفوائد من خلال قراءتي لها ولعل أهمها الفائدة المتعلقة بمعاملة الآخرين :
على سبيل المثال :
1- معاملة الأزواج.
2- تربية الأبناء الصحيحة تكون بالابتعاد عن الصرامة وفرض القوانين , مع الحرص على متابعة الأبناء حتى لا ينخرطوا في مجالات تضرهم او يختلطوا بجماعات فاسدة تؤثر عليهم.
كما أعجبني أنها رواية معاصره لنفس الزمن الذي نعيش فيها فهناك البلوق والاي بود والفضائيات , وهناك وصف دقيق لعناوين منازل أبطالها (اللي لو ما أحب اطلع وايد جان حست أشوفهم خخخ) .

كذلك كان العنواناختيار موفق فهو مناسب لمحتوى القصة فالتحولات كانت على صعيد الشخصيات فترى المتشدد اعتدل وتوسط وترى الودود تحول الى سياسي متشدد , وكذلك على مستوى الطموح فمن العسكريه تحول للدراسات العليا .

لكن هناك انتقاد بسيط على كتابة كلمة إن شاء الله فقد وردت أكثر من مره بالرواية وتم كتبتها بطريقة خاطئة (انشاءالله) وكما نعلم ان لا يجوز كتابته بهذه الطريقة لأنه معناه سيتغير إلى (العياذ بالله أننا أوجدنا الله ) بدل من (إذا أراد الله) لانهم كلمتان منفصلتان وليست كلمة واحدة .*

شرايكم؟؟

12 comments:

مومينت said...

بشتريها لأني أدور رواية راقية عن المجتمع الكويتي...

من عقب فانيلا!!

رورو الشخبوطه said...

هلا مومينتيم << جني خربت النك خخ..

ان شاءالله ..

ولي قريتيها قوليلي رايج..

وان شاءالله بتعجبج..

لا فانيلا بدع حط شغلات مالها داعي الله يهداه..

ومشكوره..

Anonymous said...

اهلين رورو هذي القصه اللي قلتي عنها مو ؟
لفت نظري شغلتين بخصوص الشخصيات

- الليبرالي الجهراوي القبلي : فواز.
-خالد ابن وليد:الشاب الموهوب

اذا شفتي واحد منهم بالطريج دزيهم لي ما اوصيج اوكي
ماني حاطه اسمي :p

رورو الشخبوطه said...

هلا بتوي ..

صووح ..

اي هذي..

الليبرالي متزوج و يحب 2 خخ مابي احرق لج القصه..

وخلود طربان خخخ..

بس اصيده لج لا يهمج :)

وحياج الرحمن..

Anonymous said...

وي لا مانبي المتزوج مابي اخرب عيشتهم حرام
اي صيدي الطربان اذا ما عليج امر انا ام الطرب ننياز مع بعض
تسلمين

رورو الشخبوطه said...

اي مو بس متزوج ومعيل ويحب وبنص الاربعينات مو خوش بتصيرين ال3 خخ بسم الله عليج..

الطربان صغير بالتعش بس نصيده لج ليش لا..

ماتبين راشد جنه اخونجي مادري مغسول مخه خخخ...

الله يسلمج يارب..

Anonymous said...

وي غبره ما خبر الليبراليين جذي ؟
واااي تونيب مخلصه التعش بس يلا صيديه عادي لوول
لا لا لا مشكوره يطيج العافيه حبي ماقصرتي الشر برا بعيد
و يعافيج

رورو الشخبوطه said...

خخ اقري القصه بتفهمين اكثر قصدي..

اهو ليبرالي بس هالشي ما اثر ع معتقداته القبليه ..

اوكي اعرجبه لي مر خخخ..

خخ اتوقع ماتقرين القصه عقب مادريت عن رشود..

والعفو لو..

الله يعافيج يارب..

وحياج الله..

هنادي البلوشي said...

رورو الشخبوطة ..

اسعد الله فجرك الجميل بكل خير و محبة ..


تعرفين رأيي مسبقا في هذه الرواية

و في روايات أ.حمد الحمد كلها

الكاتب رائع

راقي

ذو فكر

و كل إناء بما فيه ينضح يا رورو


فلا عجب أن تكون الرواية خفيف و لطيفة و راقية .. كصاحبها تماما



و يشرفني زيارتي لمدونتك الشخبوطية :) و ارجو ان تزوريني في مدونتي الملكية :)

رورو الشخبوطه said...

هلا هنادي..


اجمعين يارب..


ناويه اشتري جميع اصدراته ان شاءالله..

فعلا كما قلتي التمس روعة و رقي طرحه بهذه الروايه..

توني بتعليقي السابق اقولج هالعباره خخ القلوب عند بعض..

انا اكثر شرف بمررك الكريم..

وان شاءالله بمرج..

مشكوره..

Anonymous said...

السلام عليكم
انا توني مخلصة من الرواية ... وروو ماشاء الله عليج فعلا لخصتيها مدحتيها بالشكل المناسب لها ...
انا معاج انها واقعية جدا وبسيطة والكاتب اسلوبة وايد راقي ... وفعلا في مواقف منها ثبتت في ذاكرتي واستفدت منها خصوصا مثل ما قالت رورو لمعاملة الازواج والابناء مثال "لما منال تطلع مع زوجها
د وليد ... وشلون تغيرت معاملتهم لولدهم ( مانبي نخرب على الي بيقرونها )
بس ما ادري ليش وايد تعاطفت مع د فواز ...
بس اسمحولي عندي انتقاد بسيط للكاتب انه وايد يكرر الجمل والاحداث لو لاحظتوا
وشكرا
حبيبة امها

رورو الشخبوطه said...

هلا والله حبيبة امها..

وعليكم السلام والرحمه..

مرسو :)
لانه انظلم بزواجه الاول و حبه اليديد كان صعب المنال << شرايج بالتفسير:)

والعفوو ولو..

اسعدني مرورج..

حياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads