Thursday, March 5, 2009
The Curious Case Of Benjamin Button





بطولة: براد بيت.

نوعه: حسب رايي خيالي..

مدته:2 و43 دقيقه

التعليق:

أم (عجوز) تحتضر تطلب من ابنتها ان تقرا لها كتاب وهو عبارة من مذكرات شخص ولد في ليلة نهاية الحرب العالمية الأولى ماتت والدته بعد ان ولدته وأوصت والده عليه لكنه بعد أن شاهده ظن انه مسخ فتركه أمام (دار العجزة) لتراه احد العاملات فتتولى تربيته وهذا الرضيع كان غريب فقدا بدا كالعجوز بالمهد وبدأت تظهر عليها علامات الشيخوخة فتراه يبلغ ال7 أعوام وهو على المقعد المتحرك والتجاعيد تملا وجه وشعره مليء بالشيب , لكن كلما تقدم في السن يبدأ شكله اصغر وتظهر عليها علامات الشباب على سبيل المثال بعد عجزه عن المشي تراه استطاع المشي بواسطة عكازه ثم ما لبث أن تركها ومشى بدونها بالإضافة لباقي مظاهر الشباب،و ذات يوم التقى بطفلة صغيره هي حفيدة احد المسنات في الدار وكان يكبرها ب6 أعوام تقريبا بالعمر لكن بالشكل يبدو كأنه جدها ليتعلق بها لكن يفترق ثم تجمعهم الظروف مره أخر ,كما انه سوف يلتقي بوالده مصادفه.
ما مصير علاقته بالطفلة؟؟ و كيف يتعرف على والده؟؟ وما علاقة العجوز بتلك المذكرة؟؟

ملاحظه..

هناك العديد من التفاصيل التي لم اذكرها حتى لا احرق الفيلم عليكم
.

رأيي:

الفيلم غريب وخيالي , امم ابرز عيوبه انه طويل بعض الشيء , لم استفد شي بل قلة ثقتي بالذكور خخخ ..
اتركم مع بعض الصور..








فيديو..


10 comments:

mi corazona said...

كان بخاطري اشوف هالفلم .. بس ماحصلته بعد ... شفت دعايته وشوقتيني له أكثر .. مع إن الحكاية خيالية لكن جوها العام حلو باعتقادي

يعطيج العافية رونه وموفقة ان شالله في حياتج البعد جامعية :)

رورو الشخبوطه said...

هلا مي ..

انا شايفته ديفيدي من هالسايت ..

http://alq8dvd.com/index.php?sessionid=78d3f53f6bea00f9c3e1cbf72538c53b

اهو الحلو في انه بضبطين الجو والديكور والتصوير عجيب يحسسج صج انه بالعشرينات ..

وقصته غربه مو مستهلكه..

الله يعافيج يارب..

واجمعين يارب..

وشاكره لج مرورج..

Anonymous said...

الفيلم موجود عندي وكل يوم بشوفه :)
بس مبين غريب وفيه اكشنات وايد

يعطيج العافية:)
MassComm

رورو الشخبوطه said...

هلا ماس..

عيل ناطرين رايج عقب ماتشوفينه ان شاءالله..

ومرسي خيتو..

الله يعافيج يارب

Anonymous said...

اهلين رورو الفيلم شكله يشوق
بس لو مختارين بطل ثاني ما اواطن براد بيت كلش و البطله ترقص باليه؟
عجبني نفنوفها الاسود لوول :p
شكرا على التقرير الروعه صحفياتنا
Betty

رورو الشخبوطه said...

هلا بتوي..

اي البطلة رقاصة باليه خخ حلم حياتي ارقص باليه

اي احب سوالف الباليه واحب الكشكش بعد بس ع بنوته صغيره احلى..

او كشكش خفيف اخاف اوفر اطلع جني فرس النهر خخخ..

الفيلم قصته غريبه شلون الزمن يرد ورا والشخص يصغر..

العفو ولو..

مرسو ع المرور الحلوو..

Anonymous said...

هلا رورو لوول طلع في حلم مشترك يجمعنا :p
اي الله يسلمج هذا حلم الطفوله
اياليت الطفوله تعود يوما لأخبرها بما فعل الشبابو
لووول لا كل شي عليج حلو يا حلوه
العفو و لو ما عملتش حاجه و الله :p

رورو الشخبوطه said...

خخخ وايد الاشياء المشتركه..

لو امي مدخلتني جان صكيت ع ميريام فارس وطلعت سمبتيكه خخخ..

حياج الله..

Anonymous said...

امس سهرت عالفيلم وصج قصته غريبه
بس في شغله انه لما انولد كانت ملامحه كبيرة واعضاءة الداخليه هم لشخص كبير ولما صغر كان شكله صغير وعضاءة الداخليه كبيرة المفروض لما انولد يكون شكله الخارجي كبير بس اعضاءة الداخليه كبيرة!!

لا لازم اكلم المخرج ينتبه المرة الثانية خخخخخ

MassComm

رورو الشخبوطه said...

هلا ماس..

واخيرا شفتيه خخ..

مانتبهت ع ملاحظتج لاني مافهمته..

بس الظاهر المخرج دخيل ع وسطنا ومايعرف بالاخراج ضروري نكلمه ونعلمه خخخ..

مشكوره ع المرور..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads