شخبوطة كويتيه: (ليلة في فيلجا- منى العنزي )

Wednesday, February 18, 2009

(ليلة في فيلجا- منى العنزي )

6:23 PM

السلام عليكم..

بأول يوم حبيت أكلمكم عن راويه قريتها بعطلة عيد الأضحى..

اسمها ليلة في فيلجا..

تأليف منى العنزي..

ويعتبر 2 عمل لها ..

امم توني شفت صورتها وأنا أسوي سيرج عن الرواية الكاتبة صغيرونه ما شاء الله عليها امم وأنا أبي انقدها ومابي يكون نقدي قاسي عليها لأني حاطه نفسي مكانها..

بحاول إني انقدها بشكل يفيدها بعملها ال3 يارب طبعا إذا آراءنا تهمها..

امم كنا بفيرجن أنا وأختي وشفنا الرواية وقالت خل نأخذها من مبدأ دعم الشباب الكويتي قريت النبذة الموجودة بظهر الرواية كانت تشوق بصراحة أي ان فكرة القصة غريبة وتجذب..

فكرتها باختصار طالبة حقوق تروح رحلة لفيلجا وتمر بليله من الغزو بهالجزيرة يعني انتقلت من هالسنه لي 1990..

النقد :

انه القصة تفتقد للمنطق فانتقال الفتاة لم يكن عبر حلم أو تخيل بل واقع أهي عايشته والعقل يرفض هذا الشيء أضف انه المقدمة طويلة والأحداث فيها تناقض بعض الشيء مثل رؤيتها لزملائها الشباب بفترة الغزو على أنهم جنود الطاغية ومثل ما اسلفت الذكر انه واقع فالمفروض يكونون أطفال بهالفتره وموت جميع من رافقوه بالرحله ثم موت الدكتور مره 2 كان بحاجه الى تفسير وتوضيح أكثر..

الرواية مثل ماقلت متوفر بفيرجن و سعرها :3 د.ك..

عدد صفحاتها :269..

اتمنى انه نقدي يكون بمحله ..

كما اتمنى التوفيق لكاتبتنا الشابة منى العنزي ..

ارائكم بالروايه :)

Labels: قراءه

4 comments:

Anonymous said...: شدتني سالفه انها حدثت اثناء الغزو خصوصا ان الكاتبه شابه صغيره
تسلمين عالتقرير و النقد البناء و الحيادي
Betty; February 6, 2010 at 12:40 PM
رورو الشخبوطه said...: هلا بتوي..

اي حبيت ابين مميزاته وسلبياتها عساس اكون محايده وماضر الكاتبه وافيد اللي حاب يشتريها بفكره بسيطه عنها..

الله يسلمج يارب..

مشكوره..; February 6, 2010 at 12:40 PM
يابختي said...: خووووش نقد...

احب الروايات اللي تصوووغ الواقع...
بس حسافة صار لي فترة ماقريت شي..والله لازم اثرى وخصوصا في وايد كتاب جدد بالساحة..لازم نشجعهم; February 6, 2010 at 12:41 PM
رورو الشخبوطه said...: هلا بخ بخ..

محد رافع معنوياتي لا انتي وبتي ..

القراءه متعه بس الحين ماكو وقت والنت سحبنا من الكتب بس اهو مايوزي متعة القراءه الا بشي واحد الاختلاط والتعرف عن ناس بشكل مباشر وعفوي اما الكتب يكون من جة القارئ بس يفتقد التفاعل اللي موجود بالنت..

مشكوره ع المرور..

وحياج الله ..; February 6, 2010 at 12:41 PM

(ليلة في فيلجا- منى العنزي )

4 comments:

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads