شخبوطة كويتيه: قصص قصيره من ادب الرعب(قوس قزح)

Thursday, February 19, 2009

قصص قصيره من ادب الرعب(قوس قزح)

10:20 PM

أسم الكتاب : قوس قزح

الكاتب : د . أحمد خالد توفيق - د . تامر ابراهيم
نوعه: مجموعة قصصية من أدب الرعب
سنة الإصدار : 2006
عدد الصفحات :135
سعره :2د.ك
اماكن البيع : فيرجن – سايت دايموند بوك ..

http://www.diamond-book.com/dbooks/wbook8.htm

النبذه اللي موجوده بظهر الكتاب..

بنفسجي .. نيلي .. أزرق ..أخضر ..أصفر .. برتقالي .. أحمر ..اليوم نحكي لك كيف أن قوس القزح قد يكون مخيفا كيف تصير الألوان مرعبه أو على أقل تقدير - ليست كما وجدت في خيالات طفولتنا .. أحمر .. برتقالي .. أصفر .. أخضر .. أزرق .. نيلي .. بنفسجي ..قوس قزح .. و سبع حكايات تحكي عن الألوان ..سبع حكايات عن قوس قزح !!
تعليقي..

عباره عن مجموعه قصصيه قصيرة عن كل لون من ألوان قوس قزح له قصه اي7+ قصتين تأليف تامر إبراهيم نفس النوع رعب لكن مختلفين وخارج نطاق الوان..

اهم باختصار..

اللون الأحمر= بلوره وجثه طفل <<( احس ركزت على سخافة الرياييل خخخ

J) اللون البرتقالي = عيون دبدوب طفله (غريبه ومرعبه ووايد سمعت عن قصص جذي )

اللون الأزرق= جثه وموت راوي القصة اخر فقره تخوف ..(عجبتني)

اللون الاخضر= عن عالمة نباتات ومذكرات الفراش (مو واقعيه)

اللون الاصفر= شاب يشوف العلم باللون الاصفر فجاءه من جذي بلش يسترجع الاحداث اللي صارت له وشسوى بالشهر اللي فات عساس يحصل على تفسير و يعرف سبب اللي صارله خصوصا انه الطب بين انه طبيعي ومافيه شي..

اللون النيلي = عن النيل وانه ناس تحب تشوفه بوقت معين لما يصير لونه نيلي (مادري شلون قايله ومو رعب )

اللون البنفسجي= اخت لون عيونها بنفسجي وشلون تاذي اختها لدرجة ودتها الطب النفسي عند واحد مثل فصيلتها ..

القصتين اللي مو عن الالوان تاليف د. تامر ابراهيم ..
1- طراقات = حبيتها عن شخص عايش وحيد ما يحب الناس و فجاءه يسمع طراقات من القبو ..
2- (ماحبيتها) ليلة واحدة = سيناريو وتصوير فيلم بادق التفاصيل مذكور من حركة الكاميرا الخ ..

رايي الشخصي:
الحلو في انه قصص قصيرة ومنوعه وفكرة انه اختيار كل لون من الوان قوس قزح وكتابة قصه عنها شي حلو وغريب وممتع والغلاف الوانه كيوت وتجذب ومريحه عكس الرعب اللي ببعض القصص اللي داخل يعني اذا اخترعت من القراءة سكر الكتاب وشوف الغلاف بترتاح خخخ بس ترا رعب عادي مو وايد مقارنة بكتب د. احمد توفيق ال2..

Labels: قراءه

4 comments:

Anonymous said...: اهلين رورو
اي انا قلت لج شريته تذكرين بس للحين مابديت فيه لوول هذي حالتي اخمط و انسى اقراهم
تسلمين عالتقرير صحفيتنا
Betty; February 6, 2010 at 12:59 PM
رورو الشخبوطه said...: هلا بتوي..

اي اذكر وحسبالي قريتيه خخ..

عيل ناطره ردج فيه ان شاءالله عقب ماتخاصينه..

والله يسلمج يارب..

مشكووره..; February 6, 2010 at 12:59 PM
Anonymous said...: ان شاء الله تامرين امر صحفيتنا; February 6, 2010 at 1:00 PM
رورو الشخبوطه said...: مرسي ..

مايامر عليج عدوو ..; February 6, 2010 at 1:00 PM

قصص قصيره من ادب الرعب(قوس قزح)

4 comments:

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads